الكاتبه : ألماس عبدالرحمن
طلعت لولو تساعد امها وخالاتها على الغداء وشافها عبدالعزيز وجلس يتاملها ويتامل شعرها الكيرلي لاحظت لولو عبدالعزيز وجلست تناظره و
قالت له : نعم
ضحك عبدالعزيز عليها وراح يساعده ابوه وعمانه
حطو الغداء وجلسو يتغدون ويسولفون ويضحكون الا لولو لانها ما كان لها نفس تاكل كان يناظرها عبدالعزيز وسأل محمد بما انه محمد يعرف حبه لها و
قال : محمد
محمد : هلا
عبدالعزيز : لولو ليه ما تاكل
محمد : مدري بسالها
عبدالعزيز : تمام
محمد : لولو
لولو : لبيه
محمد : ليه ما تاكلين وانا اخوك
لولو : مالي نفس والله
محمد : تبين اجيب لك شيء غير الرز
لولو : لا لا تتعب نفسك مالي نفس اي شيء
محمد : تمام اذا بغيتي شيء علميني
لولو : من عيوني
خلصو غداء وشالوه ورتبو المكان وحطو قهوه ب الخيمه اللي فيها رجال وحريم والخيمه الثاني فيها العيال و البنات دخلت لولو عليهم وهي ماسكه دله القهوه والحلى
لولو : لميس تعالي ساعديني
عبدالعزيز اللي كان جنبه لميس قال روحي ساعديها لميس اللي كانت تدري حبه لها ناظرته وقالت من عيوني كم عزوز عندي وهو ابتسم
لميس يلا جايه ي عيوني
لولو : بنات وجع تعالو ساعدوني ترا ما راح اتقهوى لحالي انا
البنات : يلا جايين
ملاحظه ( الكل ينادي عبدالعزيز عزوز )
جو البنات وكل وحده شايله شيء وجلسوا يسولفون ويضحكون ولميس ولمياء اللي كانوا جنب بعض وماسكين الضحكه لانه شافو نظرات عبدالعزيز ل لولو
لولو : نعم وش اللي يضحك
لميس ولمياء بنفس الوقت : لا ولا شيء وماتو ضحك
لولو : وهي تناظرهم نظرات
بعدين جلسو يسولفون الا فجاء لولو تتنفس بسرعه وتنكتم وتفصخ الجاكيت اللي كان عليها وتحاول تتنفس
عبدالعزيز اللي كان منتبه لها قالت ل محمد
عبدالعزيز : محمد
محمد : هلا
عبدالعزيز : شف لولو شفها
محمد : لولو جبتي البخاخ حقك
لولو وهي تحاول تتنفس : اي
وركض محمد ل امه وقال : يمه وين شنطه لولو
ام خالد : عندكم ليه
محمد : لولو انكتمت
ام خالد : بسم الله عليها وش فيها ما كان فيها شيء
راحت ام خالد وجاء ابو خالد لانه خاف عليها
محمد : وين شنطتك
لميس : ذيك ذيك حقتها
محمد وهو يفتح الشنطه وياخذ البخاخ
لولو اخذت البخاخ لين رجع لها نفسها شوي شوي وعبدالعزيز نظرات الخوف بعيونه
هدت لولو لين رجعت تتنفس زين قال
محمد : خوفتيني عليك
لولو : ما يحتاج تخاف عادي مجرد كتمه
محمد : شلون مجرد كتمه بسم الله عليك
لولو : خلاص عادي
ورجعوا يسولفون لين اذن العصر وقامو صلو وجت لولو عند لميس
لولو : لميس بنسدح بحضنك
لميس : من عيوني تعالي عادي
لولو : وهي تحط راسها على حضن لميس وعيونها تدمع
لميس : لولو وش فيك
لولو : ما فيني شيء
لميس : لا تكذبين وش فيك
لمياء اللي كانت تشوف لولو قامت من مكانها وراحت جنبهم وعبدالعزيز لاحظ اخته يحسب فيها شيء
لمياء : وش فيكم
لميس : شوفيها بتصيح
لمياء : لولو وش فيك علمينا
لولو : ما فيه شيء خلاص
تسريع
جاء الليل وطبخو العشاء وجهزو وحطوه والكل اجتمع الا لولو وعبدالعزيز كان متضايق ما اكلت شيء
عبدالعزيز : محمد
محمد : هلا
عبدالعزيز : لولو لولو
محمد : شفيها بسم الله عليها
عبدالعزيز : ما اكلت شيء من اليوم وخايف عليها
محمد : خف علينا تراها اختي يبوي
عبدالعزيز : ادري انها اختك مو وقتك الحين ليه ما تاكل
محمد : سد حلقك بس
محمد : لولو
لولو : لبيه
محمد : وش فيك من اليوم ما اكلتي شيء ليه
لولو : ما ابي مالي نفس
محمد : شلون مالك نفس ما اكلتي شيء تفهمين انتي ؟
لولو : ادري بس ما ابي خلاص ما ابي مالي نفس
محمد : هين
محمد : يبه
ابو خالد : سم
محمد : سم الله عدوك
ابو خالد : وش بغيت
محمد : ترا لولو من اليوم ما اكلت شيء ولت حطت شيء بفمها
ابو خالد : ليه
محمد : مدري والله حاولت فيها تقول ما ابي مالي نفس
ابو خالد : بجي اشوفها
ابو خالد : لولو
لولو : لبيه يبه
ابو خالد : وش فيك وانا ابوك ليه ما تاكلين
لولو : يبه والله مالي نفس
ابو خالد : اكلي شوي لا يصير لك شيء بس شوي عشان خاطري
لولو : والله ي يبه ما ودي اخلي شيء بخاطرك بس والله ما ابي مالي نفس ابد
ابو خالد : اللي تشوفينه ي بنتي بس حاولي
لولو : ابشر
عبدالعزيز : محمد حاول فيها تكفى
محمد : يبوي جبت ابوي ما رضت تبي ترضى بكلامي صاحي انت
اخر شيء حطو نجمه وبس وبكمل البارت الثالث قريب وبخليه طويل باذن الله 💗
