"الجاهلـون" في العصر الحديث

بارت 1

بقلم الكاتبه مرام✨💕
،،،،،،،،،،،،،،

_طلعت من البيت على صوت هورن ابو الخط صعدت بالسيارة كعدت يم صديقتي نَسمه وحنين سئلتهن على الامتحان:
_حفظتن لو لا
نَسمه :يعني نص ونص
حنين:اني هم مو كلش
_تمام
بقينه نسولف طول الطريق لحد ما وصلنه للمدرسه ودخلت للصف ذبيت جنطتي على رحلَه ورحت على شَله مالتي :

_لك هاي شنو مجتمعين بدونيي

مَرسلين:لا عيني هستونه اجتمعنه جنَ منتظريج

_عبالي,هاي شنو تأكلين انطيني لجج

امنه:دولي وعلي ما

_وجع شكد نحسه جنه ابو بريص صايم

_ ديلا على اساس انتِ شلونج

_اجنن اني طول وهيبه وجمال واناقه شريد من الله الحمدلله
باوعتلي امنه صفح وجان يدك الجرس رحت ل صفي ومرت الدروس وصار وگت ال حله ورجعت للبيت تعبانه غسلت وبدلت وحطيت غده رحت على اخوي شفته نايم كلت خلي ازعجه شويه

جبت خيط ودخلت بإذنه وطلعته وكل شويه اعيده وهوه عباله دوده اخير شي كعد وشافني صاح:
الله واكبر يعني الواحد ما ينامم

_لعع ما ينام،

_مو على مزاجج يا افنديه

_كول هيجِ شي

اخير شي صيح عليه وجان اطلع رحت للاستقبال خليت مخده وغطه ونمت مرت ساعات وكعدت غسلت وجهي وبقيت ادرس خلصت وكملت بقيت اتصفح بالتليفون شوي وصار البيت هوسه عرفت اجو اخواني واخواتي خلي اعرفكم على اهلي
من الاكبر إلى الأصغر:
امي معصومه
ابوي كرار
اخواني 6
اخواتي 3 واني الرابعه وبزر الگعده مثل ما يكولون بعدين اعرفكم على اسماء اخواني واخواتي

رحت كعدتت يم نسوان اخواني واخواتي سولفت وياهن وكذا مرت الايام  بين الدراسه والبيت قربت امتحانات وكلش متوتره من الوزاري فوكها ثالث

انطونه عطله مراجعه وبقيت ادرس وحالتي حاله لا نهاري نهار ولا ليلي ليل نومي مو منتظم واكلي كلش قليل قرب يوم الامتحانات باجر وكلش متوتره بقيت ادرس الماده ودرختهه وفهمته وبعدهه رحت نمت كعدت غسلت وبدلت وتريكت خليت اخوي يوديني للقاعه الامتحان مرت الايام وخلصت الامتحانات وملل بوكته جنت

كاعده وداي اتصفح بالموبايل وحاطه السماعات وطلعتلي اغنيه ريمكس واني شلون انطرب عليه بقيت اركص واتمايل بخصري واحرك بجسمي بكل دقه والوانسه فولل اخير شي خلصت الاغنيه

وخرت السماعات والتفتت علمود اطلع وفجأة وجان اشوف
...يتبع

ــــــــــــــــــــــــــــــــــــــــــــــــــ🌼

وباجر من يحـَبني غيـَرك .لاترد تعتب علـيه؟

.
سلامون عليكممم ادري طولت يلا نشرت البارت بس يلا عاتيي تستاهلون اطول لان دعمكم مو شي واني اول مره اكتب روايهه غير ادعمونيي؟!
بس اتس اوكِ عاديي نصبر شعدنه

صوتوو وشاركوهه ل اصدقائكم🙈🙈