🏰قلعة ملاك ذو الجناح الواحد 🏰
🍷 بارت 1🍷
✨بقلمي فدوى صقور ✨
أنا الصرخة لا القاتل، من القاتل؟ أنت؟ أنا؟ الآخرون؟ ما الفرق؟ جثة الحب ثقيلة، والرحيل ولادة”.
في وسط وحد الغرفة في مستشفى لأمراض العقلية بولاية فلوريدا بالولايات المتحدة كيتسمع الغوات ولأطباء والممرضاات كولشي كيجري دخلو الغرفة رقم 423 الجدران تاعها گاع رسومات تاع وجوها كيخلعو و إيدين مرسومين بدم في الحيط لاقاو المريض جديد لي يلاه جا بسيمانة لابس حوايج تاع سبيطار گاع موسخين وعينيه شوفة فيهم كتخلع وتحت منهم كحل كيبان فيه خايف على جهد وكيشوف غير في لأرض مهرس طابلة تاع زاج وحاط قطعة تاع زاج على عنقو
الحوار باللغة الإنجليزية:
المريض كيتفتف: لا متقربوش هو غيقتلنا كاملين سمعتو كاملين
طبيبة اليزابيث كتحاول تهدنو: لا سبيتر متخافش مكاين والو هداشي كلو غير هلوسات من عقلك
سبيتر كيزيد يورك بزاجة على عنقو حتا خرج شوية تاع دم: قال ليا قتل راسك ولا نقتلك أنا هو هو خايب سكت شوية.... وهز فيهم راسو بوحد طريقة كتخلع وكمل... ولكن نتوما لي رديتوه خايب
وحد جا بغا يقرب ليه من لأطباء سبيتر خاف ورجع لور وزاد ورك على زاجة في عنقو إليزابيث دفعتو
إليزابيث كتغوت عليه: واش نت حمقيتي مكتشوفوش كيف خايف إدوارد متقربش ليه
إدوارد بعصبية: راه عندنا بزاف تاع الحوايج نديرهم واش غنبقاو مقبلين هدا الحمق
إليزابيث خنزرت فيه: تقدر تخرج حتا وحد مجبرك تبقا معنا
رجعت دارت عند سبيتر لي كان مهبط راسو لتحت وكيبان كيضحك وحد لإبتسامة غريبة
سبيتر ميل راسو فيهم كيضحك: هو مغيرحم حتا واحد و نت بالخصوص هههههه ههههههه
إدوارد سرط ريقو حس بوحد رهبة فشكل من كلام هدا الحمق كيف ما كيقوال عليه
سبيتر بنص إبتسامة: بسلامة نتلاقاو فالجحيم غنتسناكم متعطلوش
إليزابيث يلاه بغات تستوعب أش قال حتا دوز على عنقو بزاجة حتا طرش دم على وجه إليزابيث وطاح في لأرض كيتركل وملاك الموت كيسحب روحو لدار البقاء حتا هدئت الجثة گاع لي فالغرفة تأثرو وإليزابيث أكتر وحدة أم إدوارد مشا قلب ليه نبض في عنقو لقاه مات متهزت فيه شعرة حتا حاجة كأن ماشي إنسان هداك لي مات قدامو
إليزابيث طاحت في لأرض كتبكي وطاقم طبي كيواسيو فيها
إليزابيث حاطة إيدها على وجها : 45 وحد لحد لأن كيموت في هدا الغرفة وممعرفوش شنو سبب أنا عيت وحتا المدير رافض هدا الغرفة تسد علاااااااااش مفهمتش
إدوارد بلا مبالات: الغرفة معندها علاش تسد حمق ومات معندو حتا إضافة فهدا العالم هزو عليا هدا الجثة دفنوها ولا حرقوها
تخطا الجتة وخرج من الغرفة
دارو داكشي لي قال ليهم هزو الجثة وخرجو من الغرفة إليزابيث دموعها نشفو على خدها ناضت جمعت الوقفة بغات تخرج شافت إيديها عامرين دم تاع سبيتر فاش قاستو مني جلست حداه
إليزابيث بحزن: ميستاهلش روح بريئة يتهدر دمها في لأرض بحال هاكة
جاات بغات تخرج بان ليها كتاب قديم في بلاصة سبيتر
مشات هزاتو بان ليها في الغلاف تصورة ملاك عندو جناح واحد وقلعة كتخلع والعافية شاعلة فيها وراه يلاه جات بغات تفتحو حتا حست بالكتاب تخطف ليها من إيدها
ضارت شافت شكون لاقات مدير المستشفى
كيبان فيه متوثر
إليزابيث باستغراب: مستر ماركوس علاش كتبان فشي شكل واقعة شي حاجة ؟؟؟
ماركوس العرق كيهبط ليه مع جبهتو: أحمم لا غير متأثر بموت المريض جديد وصافي
إليزابيث مقنعهاش كلامو: أه ليترقد روحو بسلامة
ماركوس دار علامة صليب في جبهتو وغمض عينيه: لترقد روح بسلامة
دار الكتاب قدامو وبغا يخرج
إليزابيث : تقدر تعطني الكتاب لي خديتي ليا من إيديا
ماركوس كيشوف في جنابو كيبان بحالا خايف: الكتاب كيخص سبيتر يعني غنعطيه لعائلاتو
إليزابيث: ولكن نقدرو نحلوه ونعرفو سبب تاع لإنتحار تاعو
ماركوس خنزر فيه: لأنسة اليزابيث أنتي طبيبة تاع لأمراض نفسي والعصبية ماشي شرطية تاع المباحث الجنائية باش تعرفي سبب تاع الموت تاعو كون درتي خدمتك گعما يوقع هداشي كامل
تخطاها وخرج خلاها كتفقص
يتبع......🏰🍷🪄
أنت تقرأ
قلعة ملاك الجناح الواحد 🏰
Fantasyقصة حصريا ☠️ بفكرةجديدة 🏰. قلعة ملاك الجناح الواحد 🏰 Angel of Death Castle 💀 ✨بقلمي فدوى صقور ✨ 🥀ومن لم يمتْ بالسيفِ ماتَ بغيرِه تنوعتِ الأسبابُ والداءُ واحد🥀 🍁يطفئُ🕯️ الموتُ ما تضيءُ الحياةُ ووراءَ انطفائه ظُلماتُ🍁 �...
