ماسدوا مكاني الواجد و انا واحد لو تمطر لك السما اصحاب احباب

٩

《طلال رغد 》
بعد ماوصلو
رغد:طلال خلك هنا ترا اعرف ادافع عن نفسي واذا  حسيت بخطر بصرخ بقوه وتعال
هز راسه طلال بمعنى اي
ونزلت وشافت المكان كان مهجور الحي و المكان عباره عن بيت مهجور
كتبت للمجهول ودخلت رغد وهي خايفه يمتلكها الرعب لفت على الحارس الي جاي لها
الحارس: ينتظرك اخوك امشي
رغد مشت معه وهي ماخذه الحذر منه
دخلت لغرفه فاضيه مافيه ادمي لفت بعد ماحست بيد تنمد عليه مسكت اليد ولفتها بقوه وطرحته تحت
ومسكت يده وكسرت صرخ الحارس بقوه و تجمعو كل الحراس عليه وكانت تضربهم لاكن جسمهم أقوى منها
رغد بعد ماحست انها بخطر صرخت بقوه
《عند طلال 》
كان متكي على الباب ويقرا الأذكار ويقرا لرغد سمع صراخ رغد وركض لها فوق دخل وشاف رغد مرميه على الأرض ومتجمعين عليها الحراس توجه لهم طلال وضرب واحد منهم بقس لفت كلهم ورغد بحركه سريعه مسكت ثنين وضربت روسهم ببعض و تضاربو
طلال مسك واحد وكان يضربه سمع صوت إطلاق نار
《عند غرام》
حست بقلبها يعورها مره وراحت تشوف البنات موجودين ماشافت رغد وتوجهت لتحت كان موجود فيها فيصل و محمد
غرام:شفتو رغد
الكل:لا
فيصل:طلال جاه اتصال وفز وقال عاصف وبعدها قال ابشر وسكر وبعدها نزلت رغد وراح معاها
غرام فتحت عيونها بصدمه:ايشش عاصف
محمد وقف:اصبر لايكون عاصف خوينا المختفي
غرام:عاصف اخو رغد ومخطوف اكيد صار لهم شي
فتح جواله فيصل وجلس يدق على طلال و كان مقفل وكذالك حاله غرام وكل البيت توتر
《نرجع لطلال رغد 》
طلال سمع صوت إطلاق نار وشاف كل الحراس مرمين في الأرض لف على رغد الي ماسكه بطنها بألم والدم ينكب بسرع ولف على الحارس الي منسدح وكان يبي يرمي رغد ثاني مره ركض طلال له ودفه وأخذ المسدس كان بيرميه لاكن مسكته رغد وقالت
رغد ببكى وهي ترتجف من آلام:طلال تكفى لاتوسخ يدك تكفى
مسكها طلال وحضنها :روح طلال ابشري رغد يعورك شي
رغد :طلا ماكملت كلامه وطاحت مغمى عليها صرخ طلال وركض لسياره وجت الشرطه
《ملاحظه طلال كان داق على الشرطه وعلمهم بكل شي》نكمل

توجه طلال للمستشفى وهو مسرع
وصل ونزل واخذ رغد ركض في باب الطوارئ
طلال الي كانت رغد بحضنه بصراخ:عندنا حاله مريض بيموت
ركضو الدكاتره واخذو رغد لغرفه العمليات
كان بيدخل طلال
الدكتور :معليش اخوي ممنوع خلك هنا لين تطلع بسلام
هز راسه طلال بمعنى اي
دخل الدكتور وجلس طلال وأخذ جواله وفتح شاف
٩٩ مكالمه من فيصل ٣٣ مكالمه من محمد و١٠ مكالمات من فهد
ضغط على اسم فيصل
《عند فيصل والبنات والعيال 》

كانو كلهم في الصاله كل واحد يفكر وين رغد وطلال
قاطعهم صوت رنين جوال فيصل نقزو كلهم
فيصل:الو طلال وينننككك
طلال بصوت مبحوح:فيصل
فيصل استغرب من طلال:طلال فيك شي رغد فيها شي
توترو الموجودين
طلال بصوت مبحوح:فيصل رغد رغد بتموت
فيصل :ايش رغد بتموت ايش اسم المستشفى
طاحت مها بالأرض ورهف انهارت وغرام بحاله صدمه
كيف كيف الي حسستهم أنها امها بتموت كيف
طلال:تعال مستشفى *******
قفل فيصل وقال :امشو هم في مستشفى ****بسرعه البسو عبايتكم وتعالو راحو البنات ركض ياخذون عبايتهم و العيال توجهو لسياره
《المستشفى عند طلال》
شاف الممرضات يركضون وكل مالهم يزيدون
جت بتدخل وحده ركض لها طلال
طلال:رغد فيها شي تكفين شفيكم
الممرضه:المريضه بحاله خطره لازم اروح انت خلك هنا
راحت الممرضه عند رغد وطلال بحاله صدمه
دخلو البنات والعيال وشافو طلال واقف ركضو له
رهف ببكاء:رغد فيها شي قول
طاح طلال في الأرض مصدوم ان معشوقته بتروح من يده بثانيه
مسكه فيصل وبصراخ:ورع وشفيها رغد قوللل
كان ساكت طلال لين جاه كف من فيصل
:هيييي رد وشفيها رغد ماتت
نقز طلال :الله لايقولها بس هي الحين بحاله خطر
انهارو البنات
بعد ساعات كانو كل واحد يفكر ويدعي ان رغد تعيش قاطع افكارهم صوت الدكتور
الدكتور:من اهل المريضه
نقز طلال وقامو كلهم
طلال :احنا
الدكتور:وش تقرب لها
طلال:اخوها وش صار
الدكتور:الحمدلله تمت العمليه بنجاح صح كانت خطره بس طلعت منها عايشه ربي كتب لها عمر جديد
سجد طلال شكر لربه والعيال والبنات ضمو بعض طلال:اقدر اشوفها
الدكتور:لا لين تصحى ونحطها بغرفه
طلال:متى تصحى
الدكتور:ساعه كذا بكثير وتصحى
هز راسه طلال
بعد ساعه
طلعت رغد على السرير المتحركه ونقلوها للغرفه العاديه طلع الدكتور منها
الدكتور:تقدرون تدخلون
دخلو البنات والعيال
مها ببكى:رغودتي بغيتي تروحين مننا
رهف:ليه تسوين بنفسك كذا
غرام علطول راحت ضمتها
طلال:لو اني داري ان بيصير كذا كانت ماخليتك تروحين
رغد:شفيك هذاني طلعت سلامه الحمدلله المهم ابي اطلع ماأحب المستشفى
مها:للحين وانتي كذا تعاندين اجلسي ارتاحي
رغد بعناد:لا
غرام:رغد والله يخليك لاتعاندين واجلسي
رغد بحده:لا يعني لا
طلال:رغد بلا عناد
رغد:بكيفي تطلعوني من هني ولا صرخت
طلال:خلاص بروح اكتب لك خروج
طلع طلال والباقي جلس يسولف مع رغد
راح طلال يكتب لها خروج
الدكتور:شوف ترا بتكون على مسؤوليتك
طلال:تمام
الدكتور:بكتب لها خروج ولازم تنتبهون لها ولازم تطلع تغير جو شوي
هز راسه طلال والدكتور أعطى  ورقه خروج
راح طلال لهم
عند رغد والشله
دخل عليهم طلال
رغد:ها بطلع
طلال :اي
رغد:وناسه يلا
طلعو وركبوا السياره كانو سيارتين سياره فيها العيال والي يسوق فيصل ويسار فيها البنات والي يسوق طلال
بعد مده
《البيت》
دخل الكل وكانت الساعه ١٢ الظهر
غرام:كله من سبايبك يارغد ماحسينا ب الوقت
رغد:احسن
محمد :خلونا من الهواش وكل واحد يروح ينام
كلهم سكتو وتوجه الكل لغرفته
《رهف》
دخلت غرفتها وفصخت عبايتها ولبست بجامه
شكل بجامتها