I love u, meow & furever 🐾

🐾

ပင်းပင်းက အ​​​ဆော့မက်တဲ့​ကြောင်​လေးတစ်​ကောင်ပါ။ ငြိမ်ငြိမ်​လေး​နေရတာကို မကြိုက်ဘူး။ တစ်​နေကုန် အပြင်ထွက်လည်၊ သူငယ်ချင်း​တွေအများကြီးနဲ့ လမ်း​ပေါ်မှာ လူးလှိမ့်ပြီး ​ဆော့​ရတာကို အရမ်းကြိုက်တယ်။ တစ်ရပ်ကွက်လုံး ​ဗြောင်းဆန်​အောင် ပတ်​ဆော့လို့ဝမှ အိမ်ပြန်​နေကျ။ ​ပတ်ဝန်းကျင်တစ်ခုလုံး ရွှေရောင်သမ်း​နေတဲ့ည​နေ​စောင်းချိန်​တွေက ပင်းပင်းရဲ့ပုံမှန်အိမ်ပြန်​ချိန်​တွေပါ။

ဒီ​နေ့လည်း ပင်းပင်း အိမ််ပြန်လာပါပြီ။ ​နေ့လယ်ဘက် အိမ်ခဏပြန်တုန်းက မာမားက ည​နေစာကို ပင်းပင်းကြိုက်တဲ့ငါး​ကြော် ​ကြော်ထားမယ်ဆိုလို့ ခြေလှမ်း​တွေအရမ်းသွက်​​နေတယ်။ အခုချိန်​လောက်ဆို ငါး​​ကြော်​မွှေး​မွှေး​​လေးက စားပွဲ​ပေါ်မှာ ပင်းပင်းကို အသင့်​စောင့်​နေ​လောက်ပြီ​​လေ။

ဒါ​ပေမယ့် ရုတ်တရက် ပင်းပင်း ခြေလှမ်း​တွေရပ်သွားတယ်။

တစ်လမ်းလုံး မျက်စိထဲမြင်လာတဲ့ မာမားရဲ့ငါး​ကြော်ကြွပ်ကြွပ်ရွရွလေးနေရာမှာ မျက်​စောင်းထိုးခြံထဲက မြင်ကွင်း​လေးက ​နေရာယူသွားတယ်။ မြက်ခင်းစိမ်းစိမ်း​ပေါ်မှာ ​​ဆော့နေတဲ့​ကြောင်ဖြူလေး။ မဟုတ်​သေးဘူး .. အဖြူစွတ်စွတ်မှာ အညိုနုနု​လေးရော​နေသေးတာ။ မျက်လုံး​လေး​တွေက ပြာလဲ့​နေ​​ရော ...