في منتصف الليل |
فز من نومه على صراخها و بكيها : وش فيه وش صاير ؟؟
ميلا ببكى صرخت : كان هنا كان ..
سطام صرخ : مين مين ؟؟ اهدي شوي طيب و قولي وش صاير ؟؟
ميلا : كان هنا كان هنا ، اشرت على زاويه الغرفه :كان هناك واقف يناظر لي و يبتسم كان هناك سطام
سطام : مين ؟؟مين؟؟
ميلا : مدري مدري
سطام : طيب اهدي اهدي ميلا اهدي
ميلا : كان هناك
سحبها و حاوط وجهها : اهدي مافي احد مافي احد
ميلا بكت : كان هنا
حضنها و نطق بهدوء : اهدي مافي احد
بعد دقائق }
نزل نظره يناظرها من حس بهدوئها : ميلا
تنهد من عرف انها نامت غطاها بلبطانيه و انسدح ينام
اليوم التالي |
كان الجميع يفطر الا ميلا اللي كانت تناظر الشاهي وهي سرحانه
ناظرها سطام : وش فيك ؟؟
فزت ميلا : وش ؟؟
سطام : بسم الله عليك وش فيك ؟؟
ميلا هزت راسها بنفي
سطام : ميلا
ميلا : مافي شي
سطام هز راسه بالايجاب ولف لجده اللي نطق : قم قم انت رح شوف الابل و الغنم
تنهد سطام و وقف ،ناظرها الجد من وقفت : على وين ان شاء الله ؟؟
ميلا : بروح مع سطام
عبدالله رفع حاجبه
سطام : ميلا اجلسي
ميلا هزت راسها بنفي : بروح معك
سطام صرخ بغضب : اجلسي ميلا
عقدت حاجبها ميلا و ابتعدت عنه تمشي للبيت
زفر سطام بغضب : ميلا ..
عبدالله : رح شوف الابل الان لاحق تشوفها
مشى سطام بغضب للابل
عبدالله : ما يمشو الا بلعين الحمرا
سعود : يبه لا تقسى عليه كثيره
سكت و رجع نطق بغصه وهو يأشر على نفسه : يبه انا انا كنت بخسر ولدي يبه انت بتقول عادي لانه عندك انا و عمر و مريم لكن انا انا يبه ما عندي الا هو ما عندي لا هو يبه ما عندي يبه هو ولدي الوحيد و ما ودي اخسره ابد
سكت من بدا عبدالله يضحك بسخريه : تخسره ؟؟ انت خسرته و خلصت يا سعود ما كنت مهتم فيه وش صار الحين صرت تخاف اني اقسى عليه ؟؟
سعود ابتسم بخيبه : الحين عرفت ليه سطام ما يحبك و يعاندك لانك اناني اناني
عبدالله : مو انت اللي تسمعني ذا الكلام يا سعود
سعود ضحك و وقف : ولدي من اليوم و رايح محد له دخل فيه ابوه عايش مو ميت
لف و مشى يتجه لسيارته
لف عبدالله لهم : اسمعو اليوم على المغرب بيجي عندنا محمد هو و عائلته
هزت نوره راسها بالايجاب و لف : قومي قومي يا صيته انتي و مريم قومن و جهزن القهوه و المكان
صيته : و ميلا ؟؟
نوره : بتجي معكن روحي شوفيها
صيته ابتسمت : طيب
ركضت لبيت سطام و دخلت ناظرت البيت و همست : مع الايام بيكون لي
صرخت : ميلا هي انتي يا المخيسه
ميلا خرجت من الغرفه و رفعت حاجبها : وش عندك هنا و مين سمح لك تدخلي هنا ؟؟
صيته : اقول اقول بلا كلام زايد امشي بس بنروح نجهز المكان و القهوه و امشي
ميلا : طيب انقلعي برا بلبس و بجي
صيته : دقيقه عندك
ميلا طنشتها و لبست شوزها و حطت على شعرها ( التاج اللي يكون نفس الربطه ان شاء الله فهمتو يعني )
و اخذت جوالها و لبست عبايتها و طلعت لهم
صرخت ميلا : وش تبون ؟؟
نوره : اقول انتي روحي ساعديهم بس روحي
ميلا : وش اسوي ؟؟
نوره : نظفي
شهقت ميلا : وش؟؟ انظف وهم ليه ما ينظفو ؟!
نوره بحده صرخت : روحي نظفي بس
ميلا شمقت لها و مشت لدكه ترتب و تنظف
نوره لفت و ناظرت سعود اللي كان يمشي مع سطام ويضحك
انفجر سطام يضحك على ميلا اللي كانت تنظف
نوره : وش فيه ولدك ؟؟!
سطام بضحك : ميلا تنظف ما اصدق
لفت ميلا له : يععع
سطام : وش عندك انتي اليوم تنظفي ؟؟
ميلا : انقلع بس يععع
رمت عليه ادوات التنظيف : يلا امش اشوف ...
يتبع ...
🏃👈
قراءة ممتعة ، لا تنسو النجمه ⭐ .
أنت تقرأ
احـبـك مـن حـب الـلـيـل
Short Storyرابـع روايـه لـي اتـمـنـى تـعـجـبـكـم و قـرأه مـمـتـعـة 🤍 .
