المقدمه.
إذا كُنت من اصحاب القلوب الرقيقه فلا تقرأ الروايه
المشـــــرحه
لـ احمد محمود محمد
البدايه
انا الدكتور احمد مجدى طبيب شرعى وطبعا الكُل عارف يعنى ايه طبيب شرعى بس بختصار شديد انا اللى بكون مسؤول عن تشريح الجُـ ـثث اللى بتتـ ـقتل او اللى الداخليه تشك فيها انها ميـ ـته بشبهه جنائيه
وبعدها ارفع تقرير ممضى منى شخصيا للدخليه عن سبب الوفاه وده بختصار
كُنت عايش مرتاح مع امى واختى اسراء ومراتى ضُحى اللى اتعرفت عليها لما كنت فى يوم بجيب اختى اسراء من الجامعه بالعربيه
وصلتها معانا واتعرفنا على بعض واتجوزتها هيا ملهاش ام ولا اب لانهم ماتوا فى حادثه عربيه بس ليها خال واحد فى هولندا
المهم اتجوزنا بعد سنتين حب ورحنا نقضى شهر العسل فى تونس ودى كانت رغبتها هيا يعدى تقريبا 12 يوم والاقى تليفونى بيرن
الو... مين؟
الدكتور احمد معايا
ايوه انا... مين حضرتك؟
عميد حسين عبدالرحمن معاك..
- اه اهلا حسين بيه اهلا بحضرتك اؤمرنى
فى الحقيقه يا دكتور احنا عاوزينك هنا
- هنا فين يا فندم؟!
فى المديريه يااحمد
_ سيادتك عارف انى عريس جديد وفى شهر العسل
اه عارف بس صدرت اوامر من النائب العام شخصياً انك تقطع اجازتك وتنزل مصر حالاً
_ طيب قلى يا فندم فيه ايه ارجوك.
متقلقش هتعرف لما توصل.. توصل بالسلامه انشاء الله
طبعا ضُحى زعلت جدا وده حقها وقالت يحبيبى لسه مكملناش اسبوعين هنا بجد ده حرام
_ معلش بقا يحبيبتى متزعليش منى بس دى تقريبا قضيه مهمه جدا
طاب ما فيه الف دكتور غيرك
_ هههههه معلش مش ذنبى ان حبيبك دكتور شاطر يلا قومى بقا جهزى الشنطه وانا هتصل بالفندق يحجزلنا تذاكر السفر
وفعلا نزلنا مصر مكنش ينفع اننا نروح بيتنا عشان امى ممكن كده تفهم اننا متخانقين او فيه حاجه حصلت بينا
فنزلت فى فندق لحد مااشوف الامور هيحصل فيها ايه
روحت مُديريه الامن وقابلت العميد حسين وقالى
يا دكتور ايه اصعب جُـ ـثه شرحتها من اول ما بقيت دكتور وكان شكلها صعب جدا عليك
_ فى الحقيقه يافندم مش فاكر اوى.. انا كُنت مستغرب السؤال بس بعد. كده افتكرت اه سيادتك افتكرت بنت عشرينيه اللى جات مقـ ـتوله بطريقه بشعه.. بصراحه مشفتش طوال حياتى جُـ ـثه ميته بالبشاعه دى ابدا من حوالى 7 سنين
_ يؤسفنى ابلغك ان من تلات ايام تم اكتشاف جُـ ـثه ميـ ـته بنفس الطريقه البشعه دى فى قريه كده والنائب العام سندلك. المهمه شخصيا وبالاسم يا دكتور
أنت تقرأ
المشرحه
Horrorإذا كُنت من اصحاب القلوب الرقيقه فلا تقرأ روايتى فضلاً الروايه تتحدث عن طبيب شرعى اسمه الدكتور احمد يُكلف بتشريح جُثه فتاه فلا يستطع من بشاعه ما كانت عليه هذه الجُثه ثُم تصل اليه جُثه اخرى بنفس طريقه القتـ ـل فلا يستطع ويدخل فى دوامه نفسيه حتى يك...
