المشرحه

البيت المهجور

الجزء الثانى
المشـــــرحه
لـ احمد محمود محمد

المره دى الوش متـ ـشرح بأله حاده وتقريبا بعد المعاينه المبدئيه انها نفس الاله بتاعت الجثه اللى فاتت

المنظر كان مفزع جداا جداا. انا مقدرتش اشوفوا. وبسرعه رحت مغطى الجثه مره تانى

وطلبت من حسام انه ينقلها للمشرحه

مفيش ولا عسكرى وافق ينقلها من الخوف.

لقيتنى بزعق فى حسام وبقول ياحسام بيه اسمعنى الجُثه دى لو ماكنتش بكره الصبح ف المشرحه انا هتهمك بالاهمال وهشتكيك للنائب العام

_ هيا وصلت لكده يا دكتور.

لما الاقى ظابط مش قادر يسيطر على عساكره يبقا لازم توصل لكده ... سلام

رجعت البيت ع الساعه تمانيه ونص الصبح كده ودخلت اوضه النوم على طول وقفلت الباب وفضلت اعيط

ولقيت ضُحى مراتى دخلت عليا بسرعه حاولت امسح دموعى

_احمد انتا بتعيط . ؟ 😥😥
لا يا حبيبتى خالص مش بعيط

_ احمد ارجوك مش تخبى عليا حاجه . انتا فيك ايه كده مغير حياتك للدرجه دى ؟

انا عارف انى مقصر جدا معاكى وعارف كمان انى لحد دلوقتى مش قادر اوفرلك السعاده اللى اتمنتيها معايا

_ ليه بتقول كده يااحمد انتا عارف انى بحبك بجد وانى عمرى ماهشتكى من حاجه زى كده

ياضُحى انا بمر بظروف صعبه جدا جدا فى شغلى وكنت بفكر اقدم استقالتى

_ لى يا احمد بجد كده حرام قولى بقا مالك ؟

حكيتلها عن كل اللى حصل معايا وعن الجُثتين وده اللى كان مغيرنى الفتره دى

_ احمد حبيبى انا عارفه انك مبتخافش بس كونك متغير كده يبقا اكيد خُـ ـفت

انا مش خايف على نفسى انا خايف عليكى انتى عاوز القضيه دى تخلص النهارده قبل بكره علشان تكونى ف امان

_ يا حبيبى انا بخير والله متقلقش عليا خالص شغلك ده هوه اللى مخلينا عايشين عيشه حلوه والحمد لله حالنا كويس ومستقبل ابننا هيكون كويس

ابننا 🤗🤗 قصدك انك انك

- اه حامل

بجد انا هموت من الفرحه انا مبسوط جدا جدا. من النهارده مفيش اى خروج لأى مكان تقعدى ف البيت زى البرنسيسه وكل طلباتك اوامر

_ ايه ده بقا الكلام ده ميمشيش معايا انا
هنتدلع بقا من دلوقتي ولا ايه ؟😁

_ اممممم يعنى 😁 بس عاوزه منك. حاجه

قولى كل اللى انتى عوزاه طبعاً

_ عاوزاك توعدنى انك تركز ف شغلك وتحل قضيتك دى وتجيب حق البنات دول