#دهاليز_الغدر
البارت (♡6)
وقد يبتليك الله
ليكشف لك حقيقه
من كانوا
يدعون محبتك
فدع اذاهم وتوكل على الله
.
.
ضي:- حسيت بي والله العظيم حرك أيده بيدي
راح اسيف يركض يصيح الدكاترة اجوي كلهم يركضون مخلونه نبقى يمه بقينه نتضر نص ساعة طلع الدكتور وجهه ميتفسر وكلنا لتمينا علي حتى نطمئن
عمران:- طمنا دكتور خو مابي شي
الدكتور:- للأسف الوالد دخل غيبوبة مامعلوم شوكد يصحى منها سبوح شهر سنة
ضي:- يعني شنو هاي هي
هجرس:- بس اهدي ابويا انتي. دكتور فهمني نگدر ننقلو الى غير مستشفى او نسفرو الى الخارج
الدكتور:- بالوضع الحالي مراح يفيده اي شي غير الدعاء
ضي غافلت الكل ودخلت للغرفة تبجي وتصرخ والكل يحاول يلزمها بس هي انهارت
ضي:- بصوت مبحوح..... راح تعوفني موووووو راح تلحگها ادريييي بيك ماتتتكدر على فراقها واني يابا وانيييييي منو الي
هجرس:- وهو يحاول يلزمها.... هاااي شجاج يدينج بس اهدي ضييييي
عمران:- والجججج بس اهدي راح يرجع بحيلو بس گولي يالله
عمر:- خرب روحج على هل حيل بكد البريعصي وتكمز بين ايدينااااا بس اهديييي
اسيف:- ضي والله يطيب بس گولي يالله شبيچ
ضي فاقدة وتبجي وتصرخ الى ان فجأة وگعت عليهم شالها هجرس وطلعو يركضون
هجرس:- دكتور بس شوفها شبيها رحمه لموتاك
الدكتور:- باستعجال وهو يأشر.... خليها على السدية ونتضروني برا الظاهر صار عدها انهيار عصبي
.
.
عناقيد
من بعد اختفاء نهودة امي تعبت حيل ومابلسانها غير كلمة ضيعوج مثل ماضاعو الگبلج بعدنا ما مستوعبين اختفاء أناهيد اختفه خالي شرهان وجدي داخل انذار هو والبيت كله كاعدة بالصالة واشوفهم يغلون من العصبية
رسال:- يعنيي شنو بس اريد افتهم هاي صار يومين مختفي لاتصال لارسالة
أشور:- خاف مخطوف
رسال:- والمخطوف غير يتصلون يطلبون فدية صخاااام
الفقار:- وهو يضرب عكازتة بالأرض..... اخذوني لبيت عبد
رسال:- جدييي شيودينا وهم يشوفون الموت ولا يشوفونا
الفقار:- محد راح يساعدني غير ابو عمران هو بالأمن
أشور:- جدي خل لانفشل نفسنا
الفقار:- وتريدوني ابقى انتضر مثل النسوان
ام شرهان: - بتوسل... أني گلبي لاعب ولدي ثنينهم بيهم شي وأسيف عندة علم لأن هجرس شيودي لأربيل وهو بهل حالة
