وصــب " الابتـر "

الوصـب "6"

•سنكونُ يومًا ما نُريد
لا الرحلة ابتدأتْ
ولا الدربَ انتهى .

-محمود درويش

" وصـب الابتــر"

" بقلمي روح"

" حساب الانستا rooo_h23 🕊️"

__________________♠️🕊️_______________

هز ايدة وكمل خطواتة واني امشي ورا لحد ما وصلنة لاخر درجـة صعدتها وصــحت بكل خوف واني اشوف

بـزونة سودا گاعدة بالسطح بـاوعلي ورد بسخرية ..

الابتــر :- عليـش الصـريخ تراهـا بـزونة مو بعبـع

بلعت ريگي وعيوني عالبزونة وكلش خفت من شكلها وهي گاعدة وما تحركت من مكانها واحنة گدامهـا ..

سَـدم :- ابتــر شوفـها تخـوف ما تتـحرك ..

تنهد وقرب منـها وهي گامت وراحت تمشي على كيف وما خايفة حسيتها غريبـة ..

الابتــر :- تفضـلي هـذا السطـح كـلشي مابـي ارتـاحيتي ؟

أخذت نفس وزفرتة وصرت اتفقد المكان چـان مابي أي شي فجـاءة وگفت يـم الحـايط واني ابـاوع عالمنظر الشـافتـة عيوني ..

النطقـة زراعيـة وما ينشاف بيها بس الخضار من فوگ ولون السما والهوى البارد اليلفح بوجهي ..
غمضت عيوني واني اتنفس بعمق ..

فتحت عيوني وحچيت وعيـوني عالمكـان ..

سَـدم :- انـتَ مـو گلـت چـان اكو بيوت قريبـة على هالبيت اشو البـيوت كلش بعيدة عن هذا المـكان ؟

قرب من مكان ما اني واگفـة وسند چتفة عالحايط وشغل جگارة وخلالها بين شفايفة اخذ نفس ورد وعيونة عالمكان ..

الابتــر :- قـبل چـانت  نـاس عايشة قريبة من هالبيت بس من وكت ما صارت الحادثـة وصار يسمعون اصـوات مـن داخـل البيـت الكل شال بعيد عن المكان خـوفً على عوائلـهم وصـارو هـناك مثل ما شوفيـن

باوعت وين ما اشـر وشفـت بيوت بعيدة عن هذا المكـان ..
رجعت باوعتلة ومستغربة تصرفـاتة وعدم مخافتة من هالمكان ..

سَـدم :- انتَ ليـش غريـب ؟

باوعلي برفعة حاجب وابتسم ورد ..

الابتــر :- شلون يعـني ؟

سَـدم :- ما تـخاف من أي شـي مـرات احسـك مو بشـر احـس ما عندك گلـب گلبـك ميـت .