دخلت رنا البيت ووجها مصفوق من الموقف راحت عدلت مكياجها وراحت عند البنات البنات حسو فيها شي
ليان:اشبها دي وجها مصفوق
شوق:مو طبيعيه أكيد صار شي
مها:تعالو نسألها ونشوف ادا فيها شي وجهها مايطمن
ليان:رنا فيكي شي
رنا:ها ...لا مافيني شي
مها:واضح فيكي شي بس راح نعرف
ليان الي شمت ريحت عطر رعد الي الكل يعرف انو هادا عطر رعد واستغربت وسحبت رنا المطبخ معاها
شوق:اشبهم هدول
مها:مدري عنهم
~~~~~
ليان:بنت هادي ريحة رعد
رنا الي اتوترت:ها...لا مين قال
ليان:اعرف ريحة اخويا زي الناس
رنا:طيب بقولك ايش صار يوم وقالت لها كل شي
ليان حطت يدها على فمها:كذابههه حماااس خلاص انتي لي اخويا
رنا الي ضربتها على كتفها:اسكتي ماصار شي
ليان:هاذا كلو وماصار شي
رنا :امشي نروح عندهم لا يشكو
وراحو البنات مجلس الحريم وليان كانت مرا حاسه بتفاؤل من جهة رعد ورنا وكانت الابتسامه شاقه وجهها
————————————
عند العيال :
رعد:الي كانت الابتسامه شاقه وجهو من يتذكر الموقف
محمد :اشبك
رعد:لا مافيه شي
عوض ارسل لي رعد انو يطلع يستناه برا وطلع عوض وبعد شويه طلع رعد وراه وتقابلو برا وطلعو الدخان يدخنو
رعد:معاك ولاعه
عوض:ايوا امسك ايش صار اليوم ليش مبتسم
رعد يتذكر الموقف وابتسم:حضنتها
عوض:ها...مين
رعد حس انو جاي العيد:لا قصدي... ايوا الصراحه حضنتها
عوض:حكيني الموقف كلو بضبط
رعد بدأ يحكي عوض الموقف وهوا مبتسم لأكن في نفس الوقت حس بتوتر بس كمل
عوض رما السجاره وهوا مبسوط:يعني الي افهمو انك وقعت بي البدايات
رعد:شكلو
عوض:يلا امشي ندخل لا يحسو بشي ودخلو
———————————
عند البنات بعد ماراحو الحريم في اليل
شوق:بنات مها راح تنام معانا الليله
ليان:اجل لازم نينام كلنا مع بعض اليوم
رنا:اقول مافي نوم قومو تو كلمني عبدالعزيز يبغا يشوفنا
مها:بنات احس برجع. واخليكم
ليا:انطمي انتي منا وفينا راح تقعدي معانا وانتي أصلا تقربيلنا من بعيد فا عادي
شوق:قومو نلبس ونتكشخ
رنا بضحك:لا حبيبتي مافينا بنلبس بجايم طويله ونحط على كتفنا شال وننزل
مها:بتتكشخ عشان حبيب القلب ها وغمزة
شوق:اسكتي عشان لا أهبدك
ليان:بنات يلا خلينا نلبس وننزل
————————————
عبد العزيز:يلا قومو بنتجمع في السطح مع البنات
محمد:ضروري مافينا
غازي:يلا أنا طالع
عوض:يلا بس اكلم رعد
طلعو العيال وقعدو يجهزو البلوجكتر عشان بيتفرجو فلم وفي دا الوقت جوء البنات ومعاهم مها جريو البنات لي حضن عبدالعزيز معادا مها
رنا:عبدالعزيززز اشتقت لك مراااا
شوق:مرا اشتقنا لي جلساتنا وطلعاتنا مع بعض
ليان:مرااا تتذكرو يوم كنا صغار كان كل يوم نخرج المول
عبدالعزيز الي شاف العيال كيف مقهورين وضحك:شوفو وجيه العيال
رعد:ماشاءالله البنات تحضنهم واحنا خليتنا نشيل العفش
محمد:اصلا مايزعل
غازي :امشو نجلس
عوض:شوق ماعرفتوني مين معاكم
شوق:ايوا صح نسيت اقول لكم هاذي مها صحبتنا تعتبر من العيله راح تشوفوها كل يوم
عبدالعزيز:يلا تعالو اجلسو البنات جنبي والعيال قدامنا عشان نتعرف على بعض
محمد:ايش معنا هما جنبك
غازي:اسكت واجلس جنبي
ضحكو البنات عليهم وعوض ورعد وجلسو عشان يعرفو بعض اكثر بدأ الدور عند عبدالعزيز
عبدالعزيز :معنو أنا معروف لأكن يلا اسمي عبدالعزيز عمري٣٠ سنقل ومهندس
رعد:أنا رعد عمري ٢٢ حلمي أكون مهندس
عوض:أنا عوض عمري ٢٣ حلمي أكون مهندس
محمد:أنا محمد عمري٢٠ حلمي اكون دكتور
غازي:أنا غازي عمري ٢٠ حلمي أكون دكتور
رنا:أنا رنا عمري ١٩حلمي أكون دكتوره
شوق:انا شوق عمري١٨حلمي اكون محاميه
ليان:أنا ليان عمري ١٨حلمي اكون محاميه
مها:أنا مها عمري ١٩حلمي اكون دكتوره
عبدالعزيز:يعني عندنا ثلاته مهندسين واربعه دكاتره ومحاميتين
كانت رنا تضحك ورعد يضحك وفجأ جات هما الاثنين عيونهم في عيون بعض وكان رعد يتأمل عيونها العسليه وهيا نفس الشي قطعهم صوت ليان وهيا تقول :تدرو انو صدت اربعه عصافير حب
رعد ضحك ضحكه بسيطه عرف انو رنا قالت لي ليان ايش صار بينهم
عبدالعزيز:ماشاءالله مين هدول الاربعه
ليان:سر
محمد:حماس مين تتوقعو
عبد العزيز :راح نعرف مع الوقت بس يريت الاربعه يستعجلو شويه
الكل كان عارف انو غازي يحب شوق وشوق تحب غازي لأكن محد قاعد يبادر اما رعد ورنا محد غير عوض وليان لانو كان اعجاب عبدالعزيز:يلا عشان نتفرج الفلم
ليان:يلا بس لازم اربعه يجيبو الفشار والعصيرات
محمد:انا ماني نازل اول جبت القهوه
ليان:وانا ماني نازله اول سويت القهوه
عوض:وانا اكبر واحد ماني نازل
مها:وانا ضيفه
عبدالعزيز:وانا عمكم
ليان بحماس:خلاص غازي وشوق يجيبو الفشار ورعد ورنا يجيبو العصيرات
وراحو يجيبوها وراحت رنا ورعد يجيبو العصيرات من البقاله وغازي وشوق يجيبو الفشار من المطبخ
عوض فهم انو خطه من ليان عشان تخليهم يتقربو اكثر عوض:اهااا اجل كذا خطتكي
ليان:شفت أعجبك
عوض:كفوووو هاتي كفك
واعطتو ليان كفّها وفهمو محمد ومها وعبدالله الخطه وضحكو
————————————
رنا:بس بجيب عبايتي واجي
رعد:تمام استناكي في السياره
رنا بعد مالبست عبايتها الكحلي وراحت السياره وركبت ورا
رعد:ماني سواق امشي اركبي قدام
رنا:تمام وركبت قدام
وصلو ونزلو البقاله وكل واحد توجه لي جها رنا كانت حاطه الطرحه على شعرها بس كدا يعني كان باين من ورا وجاها واحد يغازل فيها وانتبه رعد لي رنا الي تصرخ وراح عندها شافها تحاول تبعد عن الرجال الي يغازلها وراح ومسك الرجال وبدا يضرب فيه ورنا تحاول تبعدو وتبكي لما انتبه رعد لي دموعها سابو
رعد بعصبيه:روحي السياره أنا احاسب واجيبها
رنا:طيب
خلص رعد وفتح الباب ودخل ورما الاكياس ورا وقفل الباب بعصبيه ولف لقاها محطيه وجهها على الطاقه تبكي وراح مسك يدها وهيا اتوترت رعد حس بنفسو وشال يدو وقال:آسف
رنا:لا عادي وهيا مصدومه من الموقف
————————————
عند غازي وشوق الي راحو المطبخ وبدأو يحطو الزيت والفشار في القدر وقعدو ينتضرو
شوق:ذحين عادي اسأل سؤال
غازي :تفضلي
شوق:انتا قلت انك تحب هل هيا من العيله
غازي:ايوا منوالعيله
شوق:جاها الفضول تعرف مين قالت مين
غازي تبغي تعرفي
شوق بحماس :اي
غازي تقدم يشيلها ويحطها فوق الطاولة وقرب منها وقال احبك انتي كانت شوق مصدومه
غازي:عرفتي مين احب
شوق بتوتر:الفشار بينحرق وقامت بسرعه تحطو في ٥صحون كبيره
وطلعو وفي ذا الوقت جاء رعد ورنا وبدأو يوزعو العصير ليان :يلا كل اثنين في صح أنا وا مها وغمزت لي عوض
عوض فهم:وانا ومحمد وغمز لي عبد العزيز
عبدالعزيز:انا لوحدي يلا غازي وشوق ورعد ورنا
رعد ورنا طالعو في بعض وهما مصدومين اخذو صحنهم وقعدو جنب بعض وغازي وشوق
غازي اسمعو بقول شي يكون بيننا
شوق عرفت ايش بيقول وخبت وجهها في حضن ليان
كلهم بحماس ايش
غازي :أنا من اليوم ماني سنقل
مها وليان ورنا نطو مع بعض وا في نفس اللحضه قالو شوقققق
وعبدالعزيز ومحمد وعوض كأنو يضحكو على البنات وفرحانين لي غازي
غازي:يعني هيا كمان نفس الشعور طيب ليش ماردت عليا
رنا:والله واخويا صار يحب وراحت حضنتو
ليان:من اول ندري بس مابغيت تبادر
محمد:اي والله وأختي كمان ماشاءالله
راحت شوق تحضن محمد وبادلها محمد الحضن وقال:متا كبرتي
مها هيا وعوض في نفس الوقت اخيرا طالعو عوض ومها في بعض وهما مصدومين
ليان:امممم شكلو في عصفورين جداد
مها ضربت شوق بعلبة المنديل
عبدالعزيز:يلا بطيور الحب خلينا نتفرج الفلم وقعدو غازي وشوق -رعد ورنا-محمد وعوض-مها وليان-عبدالعزيز
عند غازي ورنا جات لقطه مرعبه وشوق خافت وخبت وجهها في حضن غازي وا.......................................
