أوهام الجزار

part || 10

#أوهام_الجزار

#البارت العاشر

ولدي النچرين لا تنسون تعلقون
وتصوتون بين الفقرات لُطفلً🐺💙

لا تُخفِ ما صنعتْ بِكَ الأَشْواقُ
واشْرحْ هواكَ فكُلُّنا عُشَّاقُ

قدْ كانَ يُخفي الحُبَّ لوْلا دَمعُكَ
الجارِي ولوْلا قلْبُكَ الخفَّاقُ

لا تَجزعنَّ فلسْتَ أَولَ مُغْرمٍ
فَتكتْ بِهِ الوجْناتُ والأَحْداقُ..
~~~~~~~~~~~~~~~
حُطـام ..

حسيت الغرفه ضلمة وبوخه الحرارة بالغرفه تموت العرك ينزل من شعري الوجهي كمت امشي على كيف اتجهت للباب افتح بي ما ينفتح مقفول والبيت هدووء يخوف سمعت طكطكة وراي التفتت بساع اريد اشوف شنو ماكو شيء ! شفت الشباچ إلي بالغرفه

ورحتلو اركض وخرت البردة وفتحت الشباچ مديت راسي مِنو عالي كلش بَـس جواه شباچ ثاني كلت لازم انزل الدنيا ضلمة رفعت رجليني على الشباچ ونزلتهن ولزمت بالشباچ بكل قوتي نزلت رجلية حييل وخليتهن على حافة الشباچ الجوة وچيتت بالكاع ركبتي

تأذت بَـس ميخالف اهم شيء طلعت من هاي الغرفه القذرة كمت ونفضت ملابسي من التراب حسيت بخطوات وراي التفتت شفت رجال شكبرو ولابس اسود بأسود ومخلي ادينو بجيوبو وكال
بصوت خشن
:- انـتِ مِنو؟

باوعتلة خازرته وكلتلو
-حُـطـام : مالك شغل

كال وهوَ فاتح عيونو
:- جاي اسألچ انـا منو انـتِ؟

-حُـطـام : ماعليك

اجه تقدم عليَّ وكال محذرني
:- جاي اسألچ لا تصيرين صلفه منو انـتِ وشجاي تسوين هنا؟

كلتلو استهزء بي
-حُـطـام : نزلت هَينَ بمضلة

غمض عيونو بنفاذ صبر وكال بصوت مليان غضب
:- انـتِ منو وياهو دزچ علينه احچيي

لزمني من زندي ويهز بيَّ دفعت ايدو وكلتلو
-حُـطـام : دوخر ايدك لك وخر قذر

رفع ايدو يريد يضربني ورجع نزلها كلتلو
-حُـطـام : تريد تضربب هاا؟