انتقام الجلنار

part 3

تعبانين چن حيطان مفطورة .

هلااو حبايب
_______________________________

جلنار :صباح الخير

*صباح النور تفضلي

توتر زياده خايفه يرفض وخايفه من نظراته الي

اكيد يعني شنو تتوقعين بنيه طالعه ساعه 7 الصبح الوحده

لاا والأكثر من هيج بملابس مدرسه
شردت من افكاريي من حمحم وحجه

* تفصلي محتاجه شي

بقيت اعصر باصابعي ولو عندهم لسان جا حجن

جلنار : ااا أريدك تساعدني

رقمني بنضره بعدين ضل يتلفت بالشارع يمين ويسار  حجه

* تفضلي بشنو اساعدج

جلنار : اريد اشوف الكاميرات

ذكرت يوم الحادث والي صار

عقد حواجبه وحجه

* شنوو تسوين بالكاميرات ليش تردين تشوفيهن ؟

ارتبكت من طريقه كلامه وكنا ديحقق

جلنار : صار حادث هنا وأريد اشوفه

لوه شفته وكأن جايي يفكر بشي .
واني من التوتر الي يشوفني عباله مسويه شي .
بس اني خايفه خاف ميقبل مثل البقيه .

*اممم انتي من وين بت منوو ؟واليش طالعه بهذا الوقت ؟ لاا والأكثر بملابس مدرسه ؟ شنو موضوعج .

ارتبكت بالزايد عبالك مسويه شي .
وهو ديحقق ويايي .
عصرت اليدي وجاوبته

جلنار: اني منا من المنطقه يعني منين .

وبعدين انت شعليك .. شنوو تحقيق هو ؟

* خرب مو السان رشاشه هو سؤال شكلت اني .

جلنار : بلا زحمه عليك ترجعلي الكاميرات ولاا تعبني وياك رجاء

رفع حاجبه وضحك وحجه
* لاا وبعد تتآمر شنو تامرين بعد مدام.

جلنار: هسع شنوو تشوفنيي الكاميرات؟

*لااا

جلنار: ليش بس اشوفهن حباب.

حك فوك حاجبه ولوه شفته كنا ديفكر

*اخليج بس بشرط

جلنار: تمام شنوو

*تحجيلي ليش تردين الكاميرات؟ 

جلنار: مو كتلك حادث

*ما صدكت اعرف جذابه

جلنار: ولاا تصدكك وحترم نفسك شنوو جذابه مجذبه عليك

*دخلي
ابتعد من الباب.
ماعرف ليش خفت ادخل بس نسيت خوفي بسرعه لان اني هذا الشي الي رايدته..

دخلت وياه هو يمشي قبلي واني وراه..

ظهره بيه جرح من بدايت جتفه والباقي مايبين بسبب الكيمونه..
بس امبين الجرح قديم..
فتح الباب مال الاستقبال وكال

*تفضل ادخلي
دخلت وضليت واكفه افرك باديه

لتفتت الجهته لكيته متخصر ويباوعلي..
ارتبكت من نضراته

اشرلي ع القنفه وهو يحجي

*اكعديي شبيج

اوئمت براسي بمعنى ايي..
كعدت وهو راح ع البلازمه شغله..

بعدين ضل يبحث ع التاريخ..
وهدوء بس صوت الحاسبه وهوو يشتغل بيه..
ضل فتره كولش طويله تقريبا بساعه ونص...
واني خايفه ع متوتره جسمي كوله يرجف ماعرف شبيه..

يمكن خايفه من الحقيقه الي ح تظهر اليوم..
او خايفه انو يطلع كلامهم صح واختي محد خاطفه..
بس اني متاكده انوو كلامهم كوله مو صح..
ضل يشتغل بالحاسبه واني حسبه تجيبني وحسبه تاخذني..
افكر بالي متشتت... الافكار هوايي عقلي ميتحملهه..
راسي بدا يصدع ووجع موو طبيعي

ماعرف من شنووو من الخوف او التفكير..
التفت الي وحجه
* تعالي تقربي حتى تشوفين التصوير

رجفه سرت بكل جسمي وخوفي زاد وتوتريي عيوني بدن يغوشن بسبب الدموعع..

كمت واني ادعيي ربي يطلعع كلامهم غلط وما يخيب امليي..

تحركت خطوه وكفت اريد رجليه تعيني حتى اوصل يمه ماكوو..
خدر جسميي كوله.. بس ماستسلمت..
وتحركت خطوه ثانيه وهو يتابع تحركاتي

تقربت منه جان اكوو كرسي قربته الي وكعدت عليه..

وهو عدل كعدته

*شوفي

فتح الفيديو بدا يمشي بيه

واني متابعه وياه لحد ما شفت اختي اجتي تمشي..

هناا دموعيي مكدرت اسيطر عليهم واني اشوفه..

بس بعدين شفت شي صدمني صدمت عمريي ابد ما جنت متوقعته ______________________________

بنات تفاعلو حتى اكمل سرد الروايه يعني اكوو مشاهدات بس ماكوو تفاعل حبايب تفاعلوو..
وطبعا اني ما مسويه جدول النشر لحد لان لان ماكوو تفاعل ف مو اكيد اكمله

لاا تنسون التصويت ع النجمه

والتعليق بين فقره واخرى

شوفوني حماسكم..