الفاتنة وظلال السواد

part7

الكاتبه: سـارة الـكـسـندر

بـسـم الله الرحمٰن الرحيم

تصويت+تعليقاتكم مابين الفقرات+كلامكم المعسول

روايه: الفاتنة وظلال السواد

꧁꧁꧁꧁꧁꧁꧁꧂꧂꧂꧂꧂꧂꧂

(السَراج)

:ــ اجه الوكت الي راح ارجع لخالتي كعدت بحماس وكلي نشاط كمت طبيت سبحت واخذت ملابس من لهب وطلعت مشطت شعري ونزلت جوه شفت ظلال كاعد وكاشخ
وريحه العطر تفوح منه

باوعلي واردف

:ــ جهزتي كلشي؟

هزيت راسي وهوَ كام

:ــ يلا الحكيني

هزيت راسي وطلعت ويا فتح سيارته وصعد رحت على الباب الورة فتحته وهوَ باوعلي من المرايه واردف

:ــ سايق عند الخلفوج؟؟

تفشلت وردت اغم نفسي وبنفس الوكت استغربت

السَراج :ــ ليش عمو اريد اركب ليوره مابيهه شي؟

:ـــ امشي صعدي لكدام يلا

هزيت راسي وفتحت باب الصدر وركبت طول الطريق مشغل لطميه باسم الكربلائي ويردد ويا القصيده

:ــ يَآيَوٌمً آشُوٌفُ عٌتٌآبًکْ
آوٌکْفُ حًزٍيَنِ بًآبًکْ
وٌآرجّعٌ آزورك ياحيدر
وارجع ازورك
طول عليَّ غيابك
مًشُتٌآکْ آشُمً تٌرآبًکْ
وٌآرجّعٌ آزٍوٌرکْ يَآحًيَدٍر
وٌآرجّعٌ آزٍوٌرکْ
آنِهّ آلَهّوٌيَتٌکْ
لَآتٌضنِ نِسِيَتٌکْ

اخير كلمه كالهه بغصه وسكت بعد ما كال شي بعد طريق طويل وصلنه نزلت ملهوفه لبيت خالتي دكيت الباب وطلعتلي مريه غريبه اول مره اشوفها باوعتلهه بأستغراب واجه ظلال واردف

:ــ السلام عليكم حجيه

:ــ وعليكم السلام، تفضلو خاله محتاجين شي؟؟

:ــ حجيه تعرفين منال ال***** جانت عايشه بهذا البيت

:ــ اي خاله هيَ من ضاعت بت اختهه شالت منا ليش شتردون منهه؟

:ــ حجيه تعرفين مكانهه؟؟

:ــ اي خاله، تكمل هذا الشارع كله وراها تروح يمين تلكه باب بيته على اليسره اول واحد لون بابه اصفر