لـسـنا مـجـاـنيـن

البارت الاول

طبعاً لا تنسون تحطون نجم نجمه ⭐
تفاعلكم...
من خلال البارتات راح تعرفون عن الشخصيات أكثر و أكثر (  الشخصيات ست ولد )
تجنبوا الأخطاء الاملائيه..
___________________________________

مدير مستشفى المصحه العقلية: تمام استاذي بس اذا عرفوا الشرطه بالموضوع اكللهم عليك و انطيهم ورقه التوقيع مالتك الي وقعت عليها علمود لا يسببون الي مشاكل زياده

عباس: يوصلنك الفلوس باجر و اذا تحتاج انطيك بس لا تكول للشرطه و انا اطلعك لا تخاف

أمير: بويه تحجي صدك كتلك والله بعد ما أعيدها و كتلك هوا الي ودا روحه بيديه

عباس: تنجب و ما اسمعلك صوت فهمت.. أي حضرت المدير راح يضل هنا هذا لو شنو

مدير مستشفى المصحه العقلية: لا استاذي.. مازن فؤاد أخذوا لمكانه

أمير: شنو شنو ما تفهمون والله ما بيه شي وخرو عني لحد يلزمني منكم.. بويه راح تضل ساكت احجي شي الله يخليك كتلك ما أعيدها

مازن: شوف اذا تصير زين ويانه نصير زينين وياك و لا تلف و تدور مصيرك هنا مصيرك

عباس: شوف من هسا لا انا ابوك ولا انته ابني تفهم.. ولك انعل الساعه الي اجيت بيها انته على الدنيا ما خليت واحد ما مسح بيه و بأهلي الأرض.. أخذوا ليش واكفين

فؤاد: ديلا ارتاحيت حتى ابوك تبره منك هوا انته هم ولد حاسبيك ادري لو مودي للسجن مو احسن حتى يتأدب

عباس: لا ماريده هناك اسبوع و يطلعونه اريد هنا طول عمره حتى يعرف شلون يتأدب و هوا أصلن مخبل ما عليك بس حطه ويا ناس حتى العقل ما موجود براسها حتى يعرف الحياة

أمير: بويه احلفلك بشنو حتى تصدك هيج اخرتها تسوي بيه هيج

مدير مستشفى المصحه العقلية: مازن فؤاد أخذوا لمكانه ما عندي وقت اكو هواي ناس عندي

________

أمير: 'لزموني ثنينهم كل واحد لازم ايد و انا أحاول اوخرهم عني ما يفيد حسيت شي ثكيل نزل بكلبي وهما دخلوني بممر شبه مظلم و يخوف ماكو صوت حتى..دخلوني بغرفه بيها سبع چرابي و ما اكدر أوصف الشعور من ريحه المكان من نظافته ما شاء الله حتى المو صاحي ما يكدر يكعد ولو ثانيه هنا ذبوني بل ارض و طلعوا سدو الباب'

أمير: وين رايحين فتحو الباب وينكمم الله يخليكم بس طلعوني منا راح امو//تت ' سمعت ثنين جاي يضحكون بس هذا الصوت مو من برا هذا هنا بالغرفه حسيت روحي طلعت و رجعت درت وجهي اشوف ثنين كاعدين كل واحد بچربايه ويباوعولي و يضحكون بهستيريه حسبت روحي داخل بفلم رعب'

____________

عباس: مثل ما كتلك حضرت المدير لا تجيب شي عني وانا اطلعك إذا دخلت السجن والفلوس باجر يوصلنك