رياح الدماࢪ

البارت الثاني✨

    
     _ستكون رحله مليئه بالمفاجئات ورعب.
      
الكاتبه: نوࢪ علي

نور: قلق خوف توتر انهيار اعصاب جنه بحاله مزريه ماما تهمس بكلمات طمن بيها اني وبابا لاكن مستحيل بعد الي سمعناه نطقنه الشهاده وسرنه الطريق كامعروف نهايته شنو ساعه 12:5
    دقت ساعه واعلنت الدقائق لكل ماهو سيء
نور: نزلنه بخطوات متثاقله ونفس غير مطمئنه بشوارع فارغه مابيها غير كم شخص نضراتهم تنتقل علينه واحد واحد دمعه بطرف عيني بس قوه امي جبرتنه انو نقوه مثلها اتوجه بابا لشاب واكف يم الجسر حجه وياه شويه ورجع النه

علي: يلا بويه ندبر هاليوم والله كريم اكو فندق قريب منا

ايمان: شوف الله مايكطع الحمدالله

علي: الحمدالله ع كل حال

نور: ساد صمت بيناتنه ولني من طلعنه لهسه مافكيت حلكي بكلمه وحده جان رعب مستوطن روحي مشينه ع العنوان الولد كدامنه وصلنه وسلم ع بابا وراح دخلنه للفندق بابا راح يحجي وي الرسيبشن طلع مستمسكاتنه وكمل الاجراءات ودخلنه لغرفه زغيره كبل رحت ع الفراش واسمع ماما وبابا يحجون بلفلوس وشون راح تدبر عفت كلشي ودموعي نزلت لدقايق وغطيت بنوم عميق وكوابيس مرعبه ماعرف شون عدت الليله وكعدنه الصبح نزلنه من الفندق ومانعرف وين نروح ومجرد جنطه زغيره بيها تراك الي ولبابا وامي كلمن شغله وحده ومستمسكاتنه وفلوس يادوب تكفي كم ليله توجه بابا لمحل جاب منه عصير وكيك محد اله نفس ياكل اني بس عيوني مفتوحه واباوع وين صرنه ماعرف بعد فتره من الحيره بابا راح رجال واكف يم سوبر ماركت هو ولد الرجال ضخم وشكله ييين عمره ب40 ولولد الي وياه توه شاب بس منظرهم حلو بقه فتره بابا يحجي وياه تالي ابتسم وتصافحو واجه علينه بابا

علي بابتسامه مريحه: فرجت بويه

نور: شون يعني بابا؟

علي: لكيت بيت يبعد ابوج انتي

نور: ضحكنه اني وامي ورحنه يم الرجال سلم واشرلنه ع سياره رحنه ركبنه كلنه وره الرجال مقبل وابنه راح بتكسي بابا ركب كدام يسولفون واني بالي مو يمهم افكر شحيصير بعد الي شفته وسمعته بعد فتره وصلنه يم بيت شكله من برا عادي وحلو دخلنه البيت نضيف بس فارغ وبي ثلاجه بس دخلنه وبابا بقه وي الرجال اني وامي وحده تباوع بوجه الثاني لحضات وانفجرنه بجي ع حالنه اجه بابا وكعد حط راسه بين اديه محتار

ايمان: فهمنه شراح يصير؟؟

علي: مادري هااذا حيدر اخذ الفلوس وفص ملح وذاب محتار شسوي؟؟؟

ايمان: زين هاذا رجال شنو البيت هاذا منين؟؟

علي: شوفي (الحظيث منقول من رجال مو من اب نور)

علي: السلام عليكم

_وعليكم سلام تفضل

علي: خويه انه من محافضه بعيده واجيت لهنا مجبور لا سكن ولا مكان اكعد بي انه وعيالي واريد مروتك دليني ع مكان احط بي عيالي واشوفلي صرفه هالكم يوم

_خويه الدنيا ما تتامن وشوف اعرف صحه كلامك؟

علي: شلون اثبتلك مادري بس انه محتار والحيره صعبه يخوي بنيتي غدت تراب وام بيتي هم

_احجيلي سالفتك يخوي

علي:خويه السالفه ومابيها............

_امشي خويه جيب عويلك وتعال مكانك يمي ع ماترتب حياتك وبيتك ويخسي كلمن يدنالك وانت بيتي

علي:لا يخوي ماثكل عليك دليني ع فندق سكن يصبرلي ع ما ادبر الاجر

_افاا لاثكل ولاشي بيت وموجود جيب عويلك وتعال

علي:هاي سالفه ومابيها

ايمان: الله يجزيه الخير ولايصيبه مكروه

علي: هسه لو اوصل الحيدر ارتاح

ايمان: كتلك علي خلينههه مبلغ الدنيا ما تتامن بس الي براسك براسك

علي: شدراني حيصير هيج انه اعلم الغيب لاتلوميني رحمه الموتاج

نور: ضلينه واحد يصفن بوجه الثاني وحيرتنه زادت للعصر وندك الباب طلع بابا واحنه نباوع من شباك وشفنه الما متوقعين نشوفه وياريت ماشفناه.......

يتبع......

اي اسأله تخص الروايه حتلكون اجابتها عد هاذا الحساب