" أكسر حواجز المُحبين بِحُبك 🌷 "

الــبـــارت 2

<< الــبـــارتــ الــثــانـي >>
.
.
.
________________
نبداء بــ أحداث روايـتنا..🌷
يوم زي أي يوم طبيعي
قامت وريد من النوم شافت أن الساعه 8 قامت ودخلت الحمام {أكـرم القارئ} أخذت شاور صلت .تجهزت ونزلت تحت
كلهم جالسيين على الفطور
وريد: صباح الخير .
ردو بــ: صباح النور.
اكلت وريد الفطور.
(عند تميم) :
قام من النوم شاف الساعه 8:30 قام للحمام {أكـرم القارئ} اخذ شاور وصلَ صلاة الفـجر تجهز ونزل تحت
وعد: خلصنا الفطور عنك
شامخ: لا هاذا تميم مانخلص عليه هههههه
يزن: هههههه ياابوي شوف عيالك مزعجيين
ابو شامخ (وليـد): يعني انت جبتك من الشارع ! ههههه
تميم فطس على تعابيير وجه يزن
وعد: ياابوي عاد الا يزن ههههههههه
شامخ يضرب ظهر يزن: لا عاد ذا حساس بزياده
يزن: ياكذاب والله اني مااتحسس
شامخ: والدليل تو
كلهم ضحكو على مضاربت شامخ ويزن
ام شامخ ( حنان) : بس اكلو يلا واذلفو انتو اخوان تتهاوشون حشى والله.
(عند وريد):
قامت وريد : الحمدالله شبعت
ام وريد ( خلود): وريدي اكلي ماكليتي شي
وريد: والله ياامي شبعت
ابو وريد: خلاص عادي
قامت وريد
خلود: وريدي وعزوز ترا بنروح اليوم نتمشى انا وابوكم تمام
وريد: تمام
عبدالعزيز: اخذو راحتكم عادي انا عند وريد
قامت وريد لغرفتها واتصلت على وعد
(عند وعد): تمميممممم
تميم: اذني ياحيوانه
وعد: بالله شوف ميين يدق علي انا مفحالي اقوم
شاف تميم: مدري اسمها عشيرتي وبعديين تعالي مين عشيرتك ذي؟
وعد: اها وريدي ، وريد ارتاح وقامت من الأكل
وعد: اوه شبعت باييي
وليد ضحك عليها: ذا كله عشان وريد
حنان: إي ماشاءالله عليهم الله يخليهم لبعض دايم يكلمون بعض
وليد: امين
(عند وريد):
وريد اللي حست بضيقه ومهي عارفه كيف تروح منها
وريد: اخيييراً وعودي رديتييي
وعد: والله فاتكككك مره شامخ ويزوني يتضاربوون وانا فاطسه ضحك عليهم وربي اكششن فـِ بيتنا
وريد: الله من زمان عن يـزن
وعد وهي تضحك: تحبييه!
وريد: صدق مجنونه اعتبره اخوي الصغير عادي
وعد: ايه احسب الله اقولك كيفك شمسوويه احس اشتقت لك
وريد: والله متكييه ف البييت من الجامعه للبييت بس ذا اللي مسوييته شرايك تجيني او اجيك؟ نغير جو وربي كئابه
وعد: ياربي مثلي بس عادي تهون المهم انو تنقابل وبكرا تعاليي عندي
وريد: اي والله المهم نتقابل بس بكلم عزوز عشان يوديني
وعد: تممممم
وريد حست بضيقه وتنهدت
وعد: وريدييي فيك شي احسك مب على بعضك شفيك
وريد: والله ماادري كذا احس جاتني ضيقه مدري ليه من أول ماامي قالت بتروح احس مب مرتاحه
وعد: اقول تفلي بلييس هاذا بلييس يوسوس فيك معليك تجينا كلنا الضيقه ياعيوني
وريد : اي والله يلا بقفل بروح اكلم عزوز
وعد: يلا باي
وريد قفلت وراحت لغرفت عبدالعزيز تدق الباب
عبدالعزيز بصوت عالي: مييييين
وريد: حشششى مين يعني اكيد انو انا وبعديين طبلتي تفجرت
عبدالعزيز ضحك: اي ادخلي ادخلي
دخلت وريد وجلست على سرير عبدالعزيز
وريد بدلع: عزووووزي
عبدالعزيز: ها شفيك اكيد تبييني اودييك عند عشيرتك وعد
وريد بضحك: يهب شلون عرفت
عبدالعزيز ، غمز لها (😉): اقراء افكار
وريد: ياشيييخ
عبدالعزيز: المهم متى تبييني اودييك
وريد: بكرا العصر
عبدالعزيز: تمام يصير خير
وريد: يعني شنو بتوديني ولا
عبدالعزيز: وش قلت قلت يصير خير تبيين يصير شر
وريد ضحكت بضيق: شدراني
عبدالعزيز حس ان وريد فيها شي مب على بعضها مثل دايم
عبدالعزيز جلس جنبها ودخل وريد ف حضنه. عبدالعزيز: وريدي شفيك
وريد: اخ احس اني متضايقه ياعزوز متضايقه مررره
عبدالعزيز: افا وخيتي تتضايق ماعاش من يضايقها
وريد بكت. عبدالعزيز استغرب: وريد فيك شي؟
وريد: ياعزوز احس مااني بخيير ابداً احس قلبي بيطلع من مكانه واحس بيصييير شي بس مدري وش ماني مرتاحه ابداً قلبي ناغزني يقول بيصيير شي عزوز احس مدري فيني ضيقه مب طبيعيييه
عبدالعزيز: حسي انه خير مب شر وان شاء الله خير مب شر ياروح اخوك مايصير تتضايقيين معليك ذا توهم كذا ابلييس يوسوس فيك شوي بيأذن الظهر وصلِ  الأضحى لعل الضيقه تروح ياعيون اخووك
وريد رجعت ضمت عبدالعزيز: اخخ عزوز الله لايحرمني منكككك
عبدالعزيز ضحك: ولا منك ي عيون اخوك
طلعت وريد وهي تحس ان الضيقه خفت عن أول، صّلت وبدون لاتحس نامت
عبدالعزيز نزل تحت يشووف وش بيسوون غدا
(عند ابو شامخ):
وعد نزلت تحت عندهم
وليد: ها خلصتي سوالف انتي ووريد
وعد: ايه الحمدالله خلصت وبكرا بتجييني وريدي
حنان: حياها الله
وعد ابتسمت وجلست عندهم: مامممممي
حنان ماتحب احد يناديها مامي : وجعوه لاتقوليين مامي شبغيتي
وعد بضحك: شفيك مامي معصبه
حنان: لاحول ولا قوة الا بالله
وليد: الله الوالده معصبه ههههههه
شامخ: امي اهدي وعد بترفع ظغطك
وعد راحت عند حضن ابوها . بدلع : بابي انا ارفع ظغطهم ولا هم يبوون اي سبب يلصقونه فينني
تميم: وجعوه تكلمي زييين
وعد: والله لو زوجتك تكلمت كذا كان اشوفك طايح على وجهك
تميم: يالله بتستلم زوجتي من الحيين وحتى وانا ماتزوجت كيف لو تزوجت عز الله بتطلع روحها
وعد: لو تزوجت اللي ببالي ماني مطلعه روحها ارتاح
تميم اعطاها نظره: مين اللي ببالك
وعد لفت على يزن: يزووون شرايك انت وغمزت له
يزن فهمها وضحك: اي بيطلعوون كوبلز البييت هههههه
شامخ: انتو قاعديين تشفرون ولا شنو تكلمو زيين
وليد: انت شعلييك فيهم خليهم
شامخ: لا صدق بينرفع ظغطي مع امي
ضحك وليد : والله ان انتو ترفعونه انا وبنيتي ماسويينا شي
وعد: صح
يزن : افا خنتني
وليد بكذب: مين انت
يزن راح لعند تميم، يزن بحزن كأذب: تميم تبرو مني زيك
تميم فطس على حركات يزن: ياابوي ماتبرو مننا
يزن: الا ابوي مايعرفني
تميم:  هههههه ابوي يطقطق معك
يزن بتافف: افف ياخي كمل الكذبه انت مره جدي وطلع
تميم: عشتو زعل عشاني جدي هههههه
وعد :بابي بكررا نبي واحد من اخواني يودووننا السوق
وليد : انتي ومن؟
وعد: انا ووريدي
وليد: ايه تمام اشوف لكم شامخ ولا تميم
تميم: لا انا تعبان ظهري يعورني
وعد: تفو عليك مامنك فايده وربي احسن لي باخذ يزن نفس جوننا مب الشيبان شامخ وتميم
تميم: وتبينيي اشيلك لا صدق مب صاحيه
ضحكت وعد وقامت راحت لـ يزن: يزووون
يزن: هااا
وعد: ابييك تودينا انا ووريد شرايك
يزن: تم
وعد : وكمان وريد مشتاقه لك من زمان عنها
يزن: عشتو ذي من متى تحبني
وعد ضربت راس يزن: يادلخ تعتبرك اخوها الصغير
يزن: زييين لي مكانه مب مثل ابوي ناسيني
وعد فرطت ضحك: يااخوي ياحبيبي يطقطق معك
يزن: وانا داري
وعد: شكلك تحب الأفلام الحزييينه واجد؟
يزن: ايه
وعد: شكلك متأثر بالحب والحزن
يزن: شقاعده تقوليين تعالي. لحق وعد
ووعد تراكض عن ابوها اللي مع تميم
وعد بصراخ: بااابييييييي يزن بيضربني
وليد بضحك: شفيك ياايزن ذي اختك
وعد: اخواني متوحشيين ، تمثل البكى
وعد: ابيي بنت بابي بنبدل شامخ نعطييه عمه خلود ونجييب وريد لأنها نفس جووي مب ثلاث اخوان اثنين شيبان وواحد كئيب وش الحاله ذي
يزن: هييييه احترمي نفسسك ماني كئيب
وعد: ايه واضح مب كئيب واللي يتفرج مسلسلات حزيينه
تميم مصك راسه: يراسي ذي بتبداء تفضييح
شامخ فطس: ابوي انا راضي اذلف عند عزوز
وليد: اييه علشان تظهروون احمد مجنونه أثنين مهبل وكل يوم مصايب
شامخ: اح هاذي سمعتنا اجل كيف سمعت سيف و يزن
يزن: هيييه والله احنا هاديين و حالنا حال انفسنا
وعد: ايه واضح واللي خلص خزان جدي ؟
وليد : الله لايوفقكم خلصتو خزان ابببووي
يزن: وربي ماخلصنا ذي تكذب وانحاش
وليد: لا صدق عيالي محد صاحيي فيهم
تميم: افا يابوي انا صاحي
وليد: لاتكذب انت شيطان بينهم
تميم ضحك ،
وعد: يربي ابوي ماني قادره اعيييش ابي اقابل وريد
وليد: الله الله ليه هي اكسُجينك؟
وعد: ايييه يابوووي ايه بموت مش قادره اتنفسسسس
وليد ضرب وعد على راسها: مش قادره تتنفسيين اجل اركدي لا بارك الله فييك مافيك صبر بس استني 24س بس
وعد ضحكت : يلا سيييو بروح ادق على وريد
وليد: ايه دقي عليها لاتموتييين
تميم ضحك: سخافه وربي وش اكسُجينها ماصارت
وليد: اكيد صحبتها المُقربه
تميم: الله يخليهم لبعض. وقام لغرفته ينام
(عند وريد):
قامت من النوم شافت الساعه 8 انفجعت قامت مثل المجنونه تحسب 8 صبح مب ليل ،طلعت من غرفتها مُتجهه لغرفت عبدالعزيز تدق الباب بس محد رد خافت
نزلت تحت وهي خايفه ان محد قاعد يرد. نست انو امها وابوها بيروحون يتمشوون وعبدالعزيز بينادي شامخ وتميم عنده قامت تصيح وتركض للمجلس الخارجي تدور احد
وريد بخوف: يمههه مافي احد وينهم ذووول مب معقوله
فتحت باب المجلس وصرخت من الخوف من شافت ثلاث رجال جالسيين
التفتو عليها.
شامخ: يممممه منهي ذي
تميم: شفيها ذي ليكون فيها شي
نقز عبدالعزيز : وريد شبغيتي
وريد ببكي: يمهه مالقيييت احد بالبييت
عبدالعزيز ضحك: تستهبليين ياوريد كلهم راحو الا انا باقي بالبييت عشانك لاتخافيين
وريد : اء تمام بروح ادق على وعد يلا باي
رجع عبدالعزيز فاطس ضحك
شامخ : شفيك ياولد
عبدالعزيز:والله الاخت شافت البييت من جواء مظلم راحت لغرفتي مالقتني ظنها اننا سحبنا عليها وصاحت من الخوف محسستني بيتنا فيه جن من اليوم وهي بس تصيح تقول بيصير شي بيصيير شي
شامخ وتميم فطسو ضحك
شامخ: يااخوي اكيدد بتخاف مافي احد وظلام
تميم : وربي لو منها لاانحاش عند الجيران
عبدالعزيز: ههههههه ياابوي انا خرشتني اليوم الصبح جاتني تصيح تقول بيصيير شي
شامخ: امكن احساسها صح لاتستهيين وربي دايم اذا حسو يصيير
عبدالعزيز: انا ماسك الضحكه وربي لو ضحكت بتقوم علي اقولها مافي شي تقول إلا بيصير انا حاسه وقلبي يعورني واكيد بيصيير شي
شامخ: يووولد ليكون بيصيير شي منجد
تميم: ايه ليكون
عبدالعزيز انخرش: ياعيال لاتخرشوني بالله اللي فيني مكفيني وريد ماخللت خرشه ماخرشتني
تميم : منجد ليكون احساسها صح
عبدالعزيز: ربي اللي كاتبه بيصيير
شامخ: صح
(عند وريد):
وريد : وعدددد تخيلي
وعد: وشوو
وريد علمتها اللي صار كله
وعد: ههههههه احمدي ربك اخواني ماشافووك وربي يمسكوونك طقطقه
وريد: اخخ شافوني واسمعهم يطقطقون علي
وعد: الله يعييينك وربي مايخلوون طقطقه مايقولونها اعرفهم
وريد: بقفل بسووي لي اكل واكللممككك
وعد: تممم
نزلت وريد تسووي لها اكل اكلت وخلصت وإلا تشووف عبدالعزيز داخل البييت
وريد : عززوز شفييك معبسس
(قبل بضع دقائق)
قامو شامخ وتميم :يلا ماشيين
قام عبدالعزيز: يلا فمان الله
طلعو شامخ وتميم
جاء اتصال لعبدالعزيز استغرب من الاتصال ف وقت متأخر؟
رد: هلا ؟
الشخص: السلام عليكم
عبدالعزيز: وعليكم السلام ،مين معي؟
مو مهم تعرف المهم ان انت تعرف شخص بأسم احمد بن سعيد
عبدالعزيز: اي ابوي شصاير؟
الشخص: صار عليه حادث ومعه امراءه توفو الله يرحمهم
نزل الخبر على عبدالعزيز مثل الصاقعه : وشو شقاعد تقول قبل شوي افطرنا معهم مافيهم الا العافييه
الشخص : امر الله وماشاء فعل معوض خير
.
.
________________

الــسـلام علـيكم 🤍.
وحشتووووني مرره
اعـتذر عن الـتأخـير فـِي تنـزيل البارتات ❤️
وبإذن الله اعوضكم ببارتات جـديده❤️
ولا تنسون الــ⭐️
واتمنى يعجبكم البارت وان شاء الله كل يوم بنزل لكم بارت واعتذر عن الأخطاء الأملائيه🌷🌷.....