" أكسر حواجز المُحبين بِحُبك 🌷 "

البــارت 4

<< الـبــارتـ الــرابــع >>
.
.
.
________________
(عند ابو شامخ ) :
وليد راح لغرفت شامخ يدق الباب
شامخ بصوت نايم : مين
وليد: ابوك
شامخ: ادخل
وليد دخل : يلا قوم بنروح عند عبدالعزيز علشان ندفن المرحوم
شامخ: طيب بس باخذ خمس دقايق واقوم
وليد: اقول قم بسرعه عشان ماامحط ظهرك بالعقال
شامخ فز: طيب طيب
طلع ابو شامخ (وليد) لغرفت يزن فتح الباب ويزن في سابع نومه
وليد بصراخ: سييييفف جاك بسرعه تراه تحت ينتظرك
يزن فز ويركض يطلع لبس له
وليد فطس من الضحك: فزييت من نومي اناديي لك هههههههه لو سيف مب فيه ماقمت
يزن بقهر: ابببوووي ليه تسووي كذا طيرت النوم عني احسب منجد سيف فيه
وليد : اقول قم بلا كلام فاضي رجيت راسي تراي انتظركم تحت لكم 15 د ولو ماجيتو بسحب عليكم ، نزل تحت
(عند وريد):
قامت من النوم ومالقت احد دخلت الحمام { أكـرم القارئ} تاخذ شاور صّلت وتجهزت، راحت على غرفت امها وابوها جاتها غصه وبكت
وريد : اميي اشتقت لكككك وانت يابوووي كمانن اشتقت لكم
ليه تروحون وتسيبوني وبكت بعد ماخلصت بكي نزلت تحت
وريد: صباح الخيير
ردو بـ: صباح النور
وعد: شفيها عيونك
وريد بتلعثم : ها مافيها شي
وعد: متأكده اشوف اعراض البكي
وريد: اف منك ياوعد ، جلست جنب وعد
خمتها ( ضمتها) وعد : معلييك ياوريدي طلعي اللي فداخلك لا تكتميين الكتمان مب زيين
وريد: خلاص طلعت كل شي امس و اليوم
حنان: بسم الله عليك يابنيتي بكيتي اليوم
كان عبدالعزيز يناظرها وفيه الغصه وتميم قاعد يطبطب على عبدالعزيز
وريد: رحت غرفتهم وبكييت
ضمتها وعد: يلا ياروحي اكلي عشان صحتك
اكلو وخلصو
وريد: عزوز
عبدالعزيز: لبيه
وريد: متى نروح نشوفهم
عبدالعزيز تنهد بضيق: شوي على بال مايجي خالي ولـيد
وريد: طيب
وعد : وريد امشي فوق
وريد: تمام
حنان: تميم كلمت ابوك متى بيجي؟
تميم: يقول ف الطريق
حنان: تمام
قامت حنان لوريد ووعد
قام تميم لعند عبدالعزيز اللي من امس بس يبكي
تميم: انتبه تبكي قدامها ياعزوز
عبدالعزيز: ان شاء لله اذا قدرت امسك نفسي
تميم: والله كلنا مانقدر بس نحاول... قاطع حكي تميم رنت الجرس ، فز عبدالعزيز يفتح الباب الا ويشوف خاله وشامخ
عبدالعزيز: ارحبو ، سلم على خاله ويزن
عبدالعزيز: شامخخ وخمه ( ضمه)
شامخ: اعذرني ي عزوز ماقدرت اجي امس
عبدالعزيز: عادي معذور ياعشيري
وليد: نمشي الحين؟
عبدالعزيز: كلمت خالاتي وخوالي؟
ولـيد : ايه كلمتهم وف الديره العزاء
عبدالعزيز: رايح اناديهم وجهزو السيارات
تميم: تمام
صّعد عبدالعزيز لغرفت وريد ودق الباب
وريد: ادخل
دخل عبدالعزيز ، عبدالعزيز: يلا تجهزو بنروح
ردو بــ: طيب
دمعت وريد ، وعد: وريدي شفييك
وريد: ماني متخيله ان هاذا اخر يوم بشوفهم
وعد قاعده تطبطب عليها
راحو وكانت السياره هدوء كلً يهوجس
وصلو عند قسم الـ موتى
جاهم عبدالعزيز: وريد امشي اذا تبيين تشوفينهم
كانت وريد خايفه وترجف وريد: ط طيب
حنان مسكتها من كتفها وتهديها ووعد تصييح ماقدرت تمسك نفسها
مشييت وريد اللي تحس الأرض مهي شايلتها دخلت وشافتهم انهارت ونزلت تضم أبوها وتبكي، وريد : ابوي ليه تروحح بدوون ماتودعني. كانت تشاهق وتبكي ماودها تطلع.
وراحت عند امها وتبكي. وريد: امي تكفييين ارجعي انا مااقدر اعييش لوحدي امي تكفييين. كانت منهاره وتبكي لين دخل عبدالعزيز يضمها ويشيلها وكانت رافضه رفض تام انها تطلع
عبدالعزيز والغصه ف حلقه: وريدد تكفييين عيونك بتموت ارحمي نفسك وامشي معي
وريد اللي كانت تبكي بأنهيار ف حضن عبدالعزيز ليين اغمى عليها
عبدالعزيز حس ان وريد ماعاد لها صوت. رفع وجهها شافها مغمي عليها صرخ : شاامممخ خاليي الحققوووني
فزو يركضون له
عبدالعزيز ببكي : ورييددد وررريد تكفييين قومي
شامخ سحب عبدالعزيز وضمه : عزووز ترا بس اغمى عليها اهدى ان شاءالله انها بخير ياعزوز اهداء
عبدالعزيز: ياشامخخ بتروحح منننييي وبعديين اقعد لحاليي
حنان نادت الدكاتره يشيلوون وريد ووعد اللي منصدمه من انهيار عبدالعزيز ووليد قاعد يشيل وريد ويزن خايف وفيه البكيه
شامخ اللي يهدي عبدالعزيز ليين هدى
وليد: بندفنه هنا وف الديره بنسويي العزاء
عبدالعزيز هز بــ طيب
طلع الدكتور من الغرفه نقزو
عبدالعزيز: ها دكتور بشر وش فيها
الدكتور: مرهقه ومانامت زيين فــَ عشان كذا اغمى عليها انتبهو لهاا وخلوها تتغذى لأن صحتها معدومه
وليد: ابشر ، بس نقدر نشوفها؟
الدكتور: ايه تقدرون
دخلو كلهم عندها
وريد : عزوز ويين امي وابوي؟
عبدالعزيز تقدم يحضنها وقال بصوت باكي : راحو للي ارحم مني ومنك
<<ومر اسبوع مؤسف وحزيين للجميع>>
ف اليل *
نزلت وريد للمطبخ بعد وهي تبكي وكان البييت كله نايم ومن حسن حظها كان تميم واعي ( مب نايم ) وكانت تبكي وماتدري وش تسووي راحت للمطبخ وجلست على طاولة الطعام وشافت شخص معطيها ظهره وفزت تحسبه عبدالعزيز
راحت وضمته وتميم تجمد فــ مكانه
وريد وهي ضامه تميم : عزززوز الضيقه مهي راضيه تروح
تميم من الخوف : اء ا ن انا مب عزوز
وريد انخرشت بعدت تمسح دموعها ومن الخوف صكته كف. وريد : انتتتتت مييييين وووش تسوووي هنننا!!!
تميم اول ماصكته كف عصب : هيييي وش جاكككك تضرببييني صاحيييه انتي!
وريد انخرشت وحست انه بيقوم يصفقها وسووت انسحاب ركضت ركض وهي تشوفه يلحقها بيكفخها
قدر انه يمسك وريد ومن طبع تميم انه عصبي ومايتحمل احد يرادده او يضربه.
تميم بعصبييه: وش اسوووي فيك علميييني
وريد: والله اسفه اقسم بالله اسفه والله اني احسبك حرامي وقعدت تصييح وتميم اللي منصدم من حركاتها
وريد حست على نفسها وقامت وقفت فِـ وجهه.
وريد: مييين انت إن شاء الله علشان اخاف منك وتفلت فـِ وجهه وانحاشت لغرفتها
تميم بغضب: لو ادري ميين انتي مابتسلميين
وريد قفلت على نفسها ومرعوبه من هول الـموقف وطبت على سريرها ونامت من الخوف
تميم اللي يفكر مين هاذي وكيف لها الجرئـه تضربه وبعد دوامت تفكيير نام
نامو كل اللي ف البييت ...
عشان يجهزوون لبكرا اللي الجد قال انه بيقول لهم مفاجأة .
.
.
.
_______________

الــسـلام علـيكم 🤍.
وحشتووووني مرره
اعـتذر عن الـتأخـير فـِي تنـزيل البارتات ❤️
وبإذن الله اعوضكم ببارتات جـديده❤️
ولا تنسون الــ⭐️
واتمنى يعجبكم البارت وان شاء الله كل يوم بنزل لكم بارت واعتذر عن الأخطاء الأملائيه🌷🌷.....