اسمهان

اعلان

ميلادك ام ميلادي،
ام ميلاد حبنا الذي انهمر،
ام ميلاد موتانا،
اختر!

جنت اغني لحميد منصور احلى اغنية الة..ممكن هي مو احلى اغنية،بس جانت تواسيني وتواسي گلبي بنص الهوسة والقهر الي اكل راسي وصارت خصلات شعري بيض وانا العمر بعدة ممعدي علية بنص حديقتنا ومرجوحتي والسما مغيمة بنص وحدتي واغنيها
اسمهان:-يم داركم،
صدفة واخذني الدرب من يم داركم،
والتمت بروحي المحنة،
واشتهيت اخباركم،،،

اي والله اشتهيت اخباركم واشتهيت نظراتكم وصوتكم.. جانت الدنيا قريبة عالغروب سكتت لحظة وجان الحرگة البكلبي متخلص رغم عدة عليها العمر بس احس صوابها بعدة،اذن وكلمات االاذان جانت ترن بأذني ماعرف ليش بوكتها بچيت واحس الغصة صعدت الراسي وعيوني مو لبلعومي، ما احس الا ايد صارت فوك راسي باوعت يمنى لكيت اختي...

خلود:-ادخلي مو زين عليچ هيج بالمغربية تبچين،ولتشوفچ امي النوب تبدي اثغب وياچ،
يلا كومي بعد اختچ
-شينسيني خوخة كلبي راح يموت راح يموت
مرت سنين وكلبي وعقلي رافضات ينسن..كعدت يمي وباوعتلي وحظنتني بكل دفو،،اختي ريحانتي جانت اقرب شي الي مفديوم عافتني،،
-كلشي يتصلح ويعوضج بالاحسن صدكيني،،الله يعوضج الله كريم والله ارحم من الكل،،يلا كومي يلا،
كومي صلي واذكري ربچ بعد اختچ..
كمت وراها وغسلت وجهي ووتوجهت الربي بكل وجع بية
انتَ اعلم بما يدور في خُلدي،
انتَ اعلم بما دار على زماني،
انتَ اعلم بدموعي وانكساراتي،
انتَ اعلم بما يحتويه قلبي،
انتَ اعلم بما لدي لك،
فتوجهت لك لعلك تشافي قلبي،
من جروح عِبادك...