Red Blooms In Brown Pages | MyLovez

📖

လူစည်ကားပြီးဆူညံနေတဲ့စျေးအတွင်းမှာ အညိုရောင်စက်ဘီးလေးတစ်စီးက ရွေ့လျားနေသည်။ မနက်ခင်းလေပြေအေးလေးက စက်ဘီးပေါ်က မိန်းကလေးရဲ့မျက်နှာပေါ်ကိုဝေ့တိုက်သွားသောအခါ လူတိုင်းသဘောကျချင်စရာ အပြုံးလှလှလေးကထွက်ပေါ်လာတော့သည်။

ကျွီ...

" ရောက်လာပြီလား ဆာရန်း "

" ဟုတ်ကဲ့ အဘွား "

တံခါးကိုဖွင့်ပြီး အထဲကိုဝင်လိုက်သောအခါ သူမကိုနှုတ်ဆက်တဲ့လာအဘွားကို ပြုံးပြကာပြန်ပြီးဖြေလိုက်သည်။

ခေါင်းပေါ်က ဦးထုတ်အဝါရောင်လေးကိုချွတ်၍ ကောင်တာပေါ်တွင်တင်လိုက်ကာ တိုင်ကပ်နာရီကိုလှမ်းကြည့်မိလိုက်သည်။

သူလာတော့မယ့်အချိန်ပဲ။

" မမလေးရောက်လာပြီထင်ပါရဲ့ "

ဆာရန်းတွေးနေသည့်အခိုက်တွင် အနောက်ကအဘွားရဲ့စကားသံကြောင့် တံခါးပေါက်ဆီကိုကြည့်လိုက်မိတော့ မြင်ဖူးနေကြ ကားတစ်စီးကနေရာယူထားသည်။

ဆာရန်း ကောင်တာမှအမြန်ထကာ ဒီနေ့အတွက်စာအုပ်လေးတစ်အုပ်ကို စာအုပ်စင်ကနေရွေးယူလိုက်သည်။

" ဟော ရူအိမ်တော်က သမီးလေးပါလား "

ကောင်တာသို့ပြန်လာစဥ်အခိုက် ကြားလိုက်ရတယ့်စကားသံကြောင့် ဆာရန်းမော့ကြည့်လိုက်တော့ အရင်ကမြင်နေကြသူအပြင် နောက်ထပ် တစ်ယောက်။

မြို့အုပ်မင်းရဲ့သား။

"  ပြန်တွေ့ရတာဝမ်းသာပါတယ် ပညာတော်သင်ကနေပြန်လာတာ့မယ်ကြားပေမယ့် မြန်သားပဲနော် "

" ဟုတ်ပါရဲ့ အိမ်နဲ့ မြို့ကိုလွမ်းနေတာနဲ့ အမြန်ပဲပြန်လာခဲ့ဖြစ်လိုက်တယ် "

ဆာရန်းထိုလူရဲ့စကားကိုနားလည်သဖွယ် အနည်းငယ်ပြုံးပြလိုက်ပြီး အနောက်ကတိတ်ဆိတ်နေတဲ့သူကိုကြည့်လိုက်မိသည်။

" မမလေး မာအီ "

" ဆာရန်း "

အတွေးများနေတယ်ထင်ရတဲ့ မမလေးဟာ သူမအသံကြားတဲ့အခါ သူမနာမည်ကိုပြန်ခေါ်ကာ လှည့်ကြည့်လာပြီး ပြုံပြလေတယ်။