ဧကြည်ဖြူ
"သံယောဇဉ် ကမ်းပါး"
အပိုင်း ( ၂၃ )
************************
ဒေါ်အေးမြနွယ်ကသားဖြစ်သူနဲ့ စံမဒီကို တစ်လှည့် အလင်းချိုကိုတစ်လှည့့်ကြည့်မိရင်း ရင်ထဲမကောင်းဖြစ်သွားမိတယ်။ခက်တာက သူတို့လေးတွေရဲ့စိတ်ကို သူ မက ဘယ်လိုတားမြစ်နိုင်မှာတဲ့လဲ ။ အထူးသဖြင့်သားဖြစ်သူနေမခရဲ့စိတ်ရင်းမှန်ကို နားမလည်နိုင်တာအမှန်ပါပင်။အလင်းချိုနေရာမှာငူငူ ချည်းရပ်နေမိရာကနေ အထုတ်ကို့ဆွဲယူလိုက်ပြီး အိမ်ရှေ့ကိုထွက်ခဲ့လိုက်ရတယ်။
"ဒီမှာတော်တော်များများသိမ်းပြီးပြီဆိုတော့... အမေနဲ့ အဘွားပြောင်းမယ်အိမ်ကို သွားလိုက်မယ်နော်သားကြီး "
ဒေါ်အေးမြနွယ်က သားဖြစ်သူကို လှမ်းပြောလိုက်တယ်။
"အလင်းလဲ လိုက်ခဲ့မယ်လေ အန်တီနွယ် ....ဟိုမှာ ပစ္စည်းတွေနေရာချပေးမယ် ...ဒီမှာ သိမ်းစရာမှ မရှိတော့တာ "
ဒေါ်အေးမြနွယ်ရဲ့ စကားကြောင့်အလင်းချိုက ကမန်းကတန်းဝင်ပြောလိုက်တယ်။ဒီနေရာမှာဖြင့် တစ်စက္ကန့်လေးတောင် ထပ်မနေချင်တော့တာမို့ ပြောပြီးတာနဲ့ အိမ်ရှေ့ကို ထွက်လာခဲ့လိုက်တယ်။
~~~~~~~~~~~~~~~~~~~~
"အိမ်ပြောင်းတာသွားကူပေးတယ် ဟုတ်လား ဒေါ်လေးစန်း ...ဘယ်သူတွေ အိမ်ပြောင်းလို့လဲ "ဟန်သော်လင်းက ခြံတံခါးရှေ့မှာရပ်ပြီး ဒေါ်လေး စန်းကို မေးလိုက်မိတယ် ။
" တစ်ခြံကျော်က မနွယ်တို့အိမ်လေ ... အိမ်ပြင်ဆောက်မှာမို့ ဟိုဘက်လမ်းထိပ်ကို ခဏပြောင်းတာပါ "
"တစ်ခြံကျော်ကလား "
ဒေါ်လေးစန်းရဲ့ တစ်ခြံကျော်ဆိုတဲ့ စကားကြောင့် ဟန်သော်လင်းစိတ်ထဲမှာ ကြည်ပြာပြောတဲ့စကားတွေကို အမှတ်ရလိုက်မိတယ်။
"တစ်ခြံကျော်ဆိုတော့ နေမခ ဆိုတဲ့လူရဲ့အိမ်လား"
"ဟုတ်တယ်လေ ... မောင်လင်းက နေမခနဲ့သိတာလား "
" ဟို ...မသိပါဘူး ဒေါ်လေး စန်းရယ် ... ကျွန်တော်သွားတော့မယ်နော် "
YOU ARE READING
သံယောဇဉ်ကမ်းပါး
Romance#သံယောဇဉ်ကမ်းပါး စ/ဆုံး Link #သံယောဇဉ်ကမ်းပါး (အခန်းဆက်ဝတ္ထု ) စ/ဆုံး Links သွေးသားရင်းတွေရဲ့ရက်စက်ခြင်းကိုခံရလို့ အချစ်ကို အယုံအကြည်မရှိတော့ဘဲ ငွေသာအဓိကလို့ ခံယူချက်ထားခဲ့တဲ့ #နေမခ မိဘတွေတွေရဲ့ စွန့်ပစ်ခြင်းကိုခံရပြီး သူနဲ့ ဘ၀တူကလေးတွေကို ကူညီစေ...