اختطاف لا ينسي

Part 1

_ انتو عايزين مني ايه ،سيبوني امشي ،انتو واخديني علي فين يا جدع انت وهو

= رد الراجل واللي بيحاول يكتفها ..اخرسي يابت انتي مش عايز أسمع صوتك ،انتي نور انتي ،ده انتي ضلمه

=اتكلم الراجل اللي سايق العربية.. انت متأكد يا صلاح البت دي اللي المفروض نخطفها دي عكس المواصفات اللي جاتلنا عنها ،دي لا هاديه ولا مسالمة ولا حتي حلوة

اتكلمت باستنكار ..بقى أنا مش حلوه ،حوش هريثك روشان اللي بيكلمني ،ده انت راسك حتي شبه القلقاسه

ضحك صلاح علي تشبيها فاتكلم الراجل بغضب..
بتضحك يا صلاح ،عجبتك التريقه علي صاحبك ،بدل ماتديها قلمين يأدبوها

= صلاح وبيحاول يتحكم في ضحكه ويتكلم بجدية .. متزعلش مني يا منعم ،بسس الصراحة البت جابت وصف راسك بالظبط (😂)

منعم بصله بغضب وبعدين قال ..بت انتي مش عايز أسمع صوتك لحد ما نوصل المكان ،وانت يا صلاح غطي عينيها عشان متعرفش الطريق وتفضحنا

صلاح فعلا ربط قماشة علي عين البنت اللي بتحاول تقاومه وبتقول .. ياجماعه ملهاش لازمة القماشه دي وربنا أنا أغبي من كده بكتير ،ده أنا بحفظ طريق بيتنا بالعافيه ،ده أنا كل يوم أهلي يجيبوني من بيت طنط أم سماح

= اتكلم منعم بتساؤل ..طنط أم سماح مين

_ طنط أم سماح دي تبقى جارتنا وبيتها قصاد بيتي وجوزها أنكل ابو سماح مش بيطيقني

= اتكلم صلاح وقال ..لا ملوش حق ابو سماح مش بيطيقك ليه

_ عشان اكتشفت انو بيكراش علي طنط أم حماده اللي في الشارع اللي جنبنا

منعم حس إنه دخل في دوامه مش بتخلص بسبب رغي البنت فاتكلم بنرفزه ..انتي ايه مش بتفصلي ،
أنا ايش دخلني بأم سماح وأبو سماح اللي بيكراش علي أم حماده ،لأخر مره بقولك اخرسي لحد ما نوصل

بعد نص ساعه وصلوا مكان عباره عن مستودع قديم
صلاح فتح الباب ونزل البنت واللي كانت القماشه مغطيه عينيها ،مسكها ومشي بيها لحد المستودع
فتح الباب ورماها بقوة علي الأرض وقفل الباب عليها

البنت بتوجع ..اه يا صلاح الكلب ،جسمي اتكسر ،الله يسامحك

البنت قامت من علي الأرض وحاولت تفك القماشه اللي علي عينيها وبعد معاناه قدرت تفكها ،وبدأت تتأمل المكان واللي كان كبير ونوعا ما قديم ومتهالك

لفت نظرها الشبابيك اللي محاوطه المكان كله والي مقفوله بأسياخ حديد والخراطيم اللي ماليه الأرض

ولكن فجأة انتبهت لصوت وراها بيناديها ،لفت بخوف لمصدر الصوت ومفاتش ثواني واتكلمت بصدمة

_ مش معقول "بلال"

= "نور" انتي ايه اللي جايبك هنا

نور اتفاجئت بوجود بلال زميلها في المدرسة الثانوية
معرفتهم ببعض محدوده مجرد بيشوفوا بعض في سنتر الدروس وأوقات في الشارع ،لكن عمرهم ماتكلموا
وبحكم مستواهم الدراسي القريب من بعض ،فيه بينهم شرارة تحدي خفية ولذيذه في المذاكرة