الكاتبه نوف محمد✍🏻
قبل 10سنوات
كان عمر سديم ٦سنوات وجدها مسعود كان يزور الجد غافر و يوم من الأيام قال الجد غافر :ي أبو بندر شرايك تجيب الأهل معاك إذا جيتني نبي نعرفهم على بعض
رد الجد مسعود وهو يفكر: والله إنها فكره زينه مير بكره بجيك و بجيبهم معي.
رد الجد غافر وهو مبتسم :ان شاءلله الله يحيكم ب اي وقت تبونه وانا بقول لهم عشان يتجهزون من بدري
رد الجد مسعود:ان شاءالله يصير خير يالله بأمن الله بمشي تاخر الوقت
رد الجد غافر :يلا الله يحفظك:
مشى الجد مسعود و دخل الجد غافر بيته يقول لهم ان بكره بيجون أهل الجد مسعود
تكلم الجد غافر:ي فاطمه
ردت الجده فاطمه وهي رايحه له:هلا هلا
جلست جنبه و قالت :عسى خير بك شي تنادي؟
رد الجد غافر و هو يقول :لا بالله الحمدلله بس قلت بقولك ان أبو بندر انه بيجي بكره هو و أهله و أنا الي لزمت عليه
ردت الجده فاطمه :اي والله الله يحيهم و البيت بيتهم متى م بغو يجون حياهم
رد الجد غافر :اي بالله الله يحيهم يالله ان بروح ارقد تبين شي
ردت الجده فاطمه :لألا سلامتك روح ارتاح بس بسالك ي ابو صقر؟
رد الجد غافر وهو مستغرب: اسألي وش فيك؟
ردت الجده فاطمه:ادق على العيال اخليهم بكره يجونك ؟
رد الجد وهو ناسي يكلم عياله عشان يجون:يوهه لاحول نسيت اكلمهم مير دقي عليهم
ردت الجده فاطمه وهي تقول:والله ان الذاكره هاليومين ماش يلا يلا روح ارقد أنا بدق عليهم معليك
عند أهل الجد مسعود
دخل البيت ونادا كل البيت عنده
تكلم الجد مسعود:يعيالي جهزو نفسكم ترا بكره عازمنا ابو صقر كلنا حتى الحريم معنا
ردت شيماء "زوجه العم ناصر ":اي ان شاءالله بنجهز من الحين يلا و قامت و كملت كلامها:يلا يا حريم قومن بنحهز بدري عشان م ناخر عمي على ابو صقر
قامو وقال الجد مسعود:اي بالله عجلن بكره بنسري بدري
ردت عليه زينه" أم سديم ":ابشر ي عمي بنجهز بدري لا تشيل هم
رد عليها الجد مسعود وهو بكامل غضبه:أنا لو على كيفي كان م خليتك تروحين ي***** م ادري وش حب ولدي فيك يلا فارقيني
قامت زينه و دموعها بعينها و هي تقول بنفسها :شسويت لهم عشان يعاملوني كذا حسبي الله بس وكملت تخلص أغراضها و هي م ودها تروح بعد م سمعت كلام الجد سعود
عند جناح بندر :
دخلت زينه دوره مياه (أكرمكم الله) و كانت سديم نايمه
فجأه صرخت سديم بقوه طلعت زينه تركض من دوره المياه (أكرمكم الله) وشافت ان سديم تبكي بقوه و راحت لها وهي خايفه و تكلمت زينه:شفيك ي ماما شفيك وين الي يعورك قولي؟
ردت سديم وهي تبكي:ماما راسي يعورني و بتني(بطني)يعورني بقوه مله(مره)
خافت زينه على بنتها حطت يدها على راس سديم شهقت بخوف على بنتها راحت تركض للجوال تدوره تبي تتصل ب بندر لقت الجوال و اتصلت على بندر و رد
تكلم بندر:هلا فيه شي
ردت عليه زينه وهي بقمه خوفها :بـ بندر
أنصدم بدر من صوتها الراجف وكملت زينه:بندر سـ سديم حرارتها مرتفعه تعال نوديها المستشفى
رد عليها بندر:إيش تقولين!يلا يلا جاي جهزي نفسك
و قفلت الخط وهم رايحين للمستشفى صار عليهم حادث قوي جدا بسبب سرعه بندر و من هنا تبدا معانة سديم مع أبوها و جدها لان أمها بعد الحادث ذا توفت علطول ....💔
