"ڪُنتَ لِي ڪَ طَوق نجَاة"

إسڪࢪيبـت"))

← استغفـروا،وصلـوا عـلى النـبي ﷺ.
___________________________________

•أنا اسمي نورهان حسين في أولى جامعة،في كُلية تجارة،أنا أكبر إخواتي،و دلوقتي أنا نازلة جامعتي وهقابل صحابي اللي بحبهم أووي،وهشوف أكتر شخص بحبه،أساسًا بحب جامعتي عشان صحابي والشخص دا ...

أُم نورهان"خديجة":بقولك يا نورهان.
نورهان:نعم.
خديجة:أبوكِ جه بليل ولقاكِ نايمة مرضيش يزعِجِك عشان أنتِ بتصحي للجامعة بدري، وقالي على موضوع كده مهم، ولما هييجي بليل هو هيحكيلك الموضوع بالتفصيل.
نورهان :خير يا ماما!
خديجة:أنتِ جايلك عريس.
نورهان في نفسها بهمس "عريس!!امممممم،معقوله يكون هو جه وإتقدملي!!!بس هو مقليش!!!!ممكن عملهالي مُفاجأة أكيد"
خديجة:روحتي فين!
نورهان بفرحة:مروحتش،طيب اسمه إيه ها ؟؟
خديجة بِضِحك:إهدِ يا بت كدا، في إيه!مستعجله أوي على الجواز يـٰ ختي!
نورهان بخجل:ماما قولي بقى اسمه إيه والنبي.
خديجة:مش قولت متحلفيش بـ غير ربنا سبحانه وتعالى،لأن مَن حلف بغير اللّٰه فقد أشرَك كما قال الرسول ﷺ.
نورهان:امممم،ماشي،ماشي يا ماما..
اسمه إيه بقى؟
خديجة:نورهان متتجاهليش كلامي.
نورهان:يا ماما مضيقينيش مش كفاية الشِوال اللي ملبسهولي دا أنتِ وبابا! لأ وكنتم عايزيني ألبس خِمار كمان فوق الشِوال دا! غيري الموضوع أحسن.
خديجة : شِوال!!هو بقى اللبس الواسع اللي ساترِك شِوال!!!لا حولا ولا قوة إلا باللّٰه،أنا فعلاً منجحتش في تربِيتِك..
ثم قالت بدون النظر لنورهان:
مصاريفِك على السُفرة.
نورهان لـ نفسها: بردو زعلت مني زي كل يوم،و بردو معرفتش اسمه ... هنزل وهعرف بنفسي هو ولا لأ.

...........*فـي الجامـعة*..........
نادر:إزيك يا نُهى؟هي نورهان مجتش لسه؟
نُهى:ههههههه،لأ لسه مجتش.
رغد:ههههه يا سيدي على اللي مستعجل أوي!
نور:هههه أهي ست الحُسن والجمال جت أهي.
تسنيم:مش عارفة عجباك في إيه أصلاً!
نادِر:ملكيش دعوة إحنا بنحب بعض إيش حَشَرِك!ولا هو غيرة وخلاص؟!!

.....

نورهان:إيه واقفين كده ليه! وأنتم بتبصوا لبعض كده ليه؟ولا كأن عليكم طَار لبعض!!!
نُهى:ههههههههههه أصل نادر لسه كاسف تسنيم كسفَه فُلة.
نورهان:ههههههه أحسن.
تسنيم:إيه أحسن دي أنتِ هتستعبطي زيه ولا إيه؟!
نادر:إيه هتستعبطي زيه دي يا بت،ما تتعدلي يا تسنيم مين اللي بيستعبط!!
تسنيم:أنت واحد م........
نورهان وهي تكتم فم تسنيم بيديها:إسكُتي مش فايقالك النهاردة خالص عشان مبسوطه.
نُهى:إبسطينا معاكِ.
رغد بعصبية:طب سيبي تسنيم يانورهان الأول.
نورهان وهي تتركها:ماشي أديني سبتها أهو.
نادِر:مبسوطة ليه إبسطيني أنا بس وسيبك منهم.
نورهان :ليه أنت مش عارف؟!
نادر:ههههه هعرف منين يعني العصفورة هتقولي ولا إيه؟!!!
نورهان وهي قد شعرت بوخذة في قلبها،لكنها كذبت ذلك وظلت تعطي نفسها أمل أنه هو مَن تقدم لها:أهاا فهمت شكلك بتهزر،تعالى معايا يلا نتمشى.