ڱلي يا حوت شدعيت والله سد جوعك نبي
صباح مثل كل يوم يبلّش بتعب وجفن عيوني مورّم والفص احسّه يريد يطلع وٲلم الراس اللي بكل عزا لطّام لازم كل ما ابچي اصيّح اضوج هو يكملهة عليَ وابقى اصارع الٲلم الى ان يهدٲ
شلت نفسي ڱوه تعبانة فتحت التلفون واول شي طلع بشاشة التلفون احد ٲغاني عمرو دياب اخر شي سمعته قبل لا انام
مثل كل يوم ما اڱعد الا بعد الضهر طلعت غسلت وصليت صلاة الضهر ونزلت البيت هدوء وٲُمي تحضر بالغدة اديان: صباح الخير ماما
طاڱ ڱلبي من الجوع اريد اۤكل
ياقوت: صباح النور هياتني دااصب ثواني تصب بالٲكل واني صافنة ما اعرف اذا چان تعب ٲو صارت ٲفكاري تاخذ وقتها من يومي بدون ما احس الطلعني من صفنتي صوت الصينية من خلتها بالڱاع
ياقوت: يلا تعالي مو ڱلتي جوعانة اديان: اجيت صرت اۤكل بدون شهية هيج اتملعب
صح جوعانة بس ما اشتهي احس اريد ارجع
ياقوت: هو هذا اكلچ؟ شايفة شكلچ شلون صاير
المن اطبخ اني
اديان: كلش طيّب بس لٲن توي كاعدة ما اشتهي ياقوت: خوش لعد اديان: وينهم لعد ياقوت: مؤتمن اجه تعبان من الجامعة ڱبل نام وسراج واۤدم هستوهم اتريڱو مَيشتهون
اديان: تمام لعد شنو همّ اليوم مَمداومين ياقوت: اي السايق متخربطة ٲمه بالليل ومَڱدر يجي وابوچ عنده خفارة فَ ما راحوا
اديان: خطية الله يشافيها ردت اطلع للطارمة رجعت حچيت اديان: خلي نطلع روحي طاكة من البيت
YOU ARE READING
دُنية الغياث
Randomأنثى متقلبة المزاج عنيدة حين تمشي كالملكة، هي سيدة الهدوء وسيدة الضجيج، بطلتنا تحب النقاش، غامضة ويصعب قراءتها، فتاتي تنتمي لنفسها...
