ابغى اقول اني احبك وانت لسه اللي عشقته

PART 1

الأبطال
ضي: بحرينية عمرها 18 طيبه مره وتدخل القلب بسرعه وصاحباتها عندها خط احمر ماترضى عليهم ابداً
وماتخلي ولا شي بخاطر اللي تحبهم وتعشق شي اسمه الكويت 🇰🇼💘

عزيز: كويتي عمره 24 ضابط بالمحترم وثقيييل عصبي ومايرضى على اللي يحبهم وشخصيته شخصية الرجل القيور

فوز صاحبة ضي : بحرينية عمرها 18 مو اجتماعيه ماتحب تحتك ب احد وماتتأقلم بسرعه لكن شخصيتها عفويه وحلوه وتحب الضحك والوناسه

نواف: سعودي عمره 19 اجتماعي ويحب الطلعات والكوفيات ومزاجي مره بتعرفونه زين بالبارتات

العنود صاحبة ضي: عمرها 19 اجتماعية تحب الناس لكن خجولة وحنونه مره وتفتح للناس قلبها والناس يثقون فيها بسرعه

نجد صاحبة ضي الألكترونية: سعوديه عمرها 21 حنونه وطيبه وتوقف مع اللي تحبهم وجبر خاطر للناس يعني تنحط ع الجرح يبرى

سلطان: كويتي عمره 23 مو اجتماعي عصبي ومايرضى على الناس اللي يحبهم ومزاجي

وبسسس هذي الشخصيات

البارت الاول

بالاجازه كانت ضي زهقانه ونزلت لعبة اونو ودخلت اونلاين وتلعب وتلعب وكان فيه واحد يدخل ويسب الناس ويتهاوش معاهم ويطلع ف قررت ضي انها تاخذ حقها منه وراحت تشوف الشخص هذا اونلاين ولالا وشافت اسماء كثيره وفجأة شافت واحد دخل قلبها وركزت ع اهدافها واضافته ونست السالفه كلها وركزت عليه😭😭😭

وقعدت تفكر بعذر لو قبل اضافتها وطلب اسباب الاضافه

بعد دقايق قبل عزيز اضافتها وكان مستغرب اساساً من هي وليش اضافته وشسالفه رد بكلمة: مرحبا؟
ردت ضي عليه وقالت: والله بالغلط سامحني
عزيز:معليه ماصار شي بس شلون اضفتيني وبالغلط🤣؟؟
وضي كانت متوتره وقررت انها تقوله عن الشخص والقيم اللي صار لكن قبل لايرد عليها سألها
عزيز: كم عمرج؟؟
ضي: ١٨
عزيز: انتي كبيره واعقل من هالاشخاص وسامحيه لوجه الله
طبعاً لما قرت ضي كلامه حست ان هالانسان قلبه نظيف وانسان محترم جداً تقبل الوضع وسمعها
وفيه كلمه قالها لضي مانستها
لما قال: القدر قدر معليه
عزيز: عادي اسألج؟
ضي: اي عادي
عزيز: شنو اسمج ومن وين؟
ضي: اسمي ضي من البحرين
عزيز: طيب تدرين انا من وين؟
ضي: الكويت؟؟🤣
عزيز: صصصصح تضيفيني سناب هذا الكود مالي
ضي ماردت كانت مستانسه وبنفس الوقت متوتره وجلست تفكر بأكثر من شي يعني لو اضافته شنو راح تكون نوع العلاقه وهل بتستمر وهل هو بيستغلها او مجرد صداقه أو ، أو

بعد ساعات
اقتنعت انها تضيفه
عزيز: ضي
ضي: هلا
عزيز: عادي اشوفج؟
ضي: لا مااقدر وانا محجبه وماابي اخسر ثقة اهلي فيني
عزيز: صح كل اللي تسوينه صح والله

بعد فتره
عزيز دش ع ضي
عزيز: ودي اعرف انزين شنو روتينج؟
ضي: الصراحه مافيه روتين وايد
عزيز : ماعندج دراسه؟
ضي: لاا انا الحين ب اجازه ودوامي يبدا بشهر ٩

المهم خلصت السوالف وضي قررت تنام من بعد اللي صار وكانت طول الوقت تهوجس....