عند سالم العنود ••••
العنود الي صحت واستغربت إنها بالمستشفى بعدها تحاول تتذكر
تذكرت انها اغمى عليها !!
لفت عالكنب تشوف سالم نايم و واضح أنه مو مرتاح بنومته نادته
عنود : سالم سااااالم
انفجع سالم وقام من نومته : بسم الله فيك شي ؟؟صار لك شي!!!
العنود :لالالا ما فيني شي بسم اللله عليك قمت منفجع شفتك مو مرتاح وأنت نايم كذا تعال نام جنبي
سالم : عادي!!!!!!
العنود: أي عادي
ابتسم سالم ابتسامة خفيفة و جاء انسدح عنده شوي الا هم نايمين بحضن بعض
اليوم الي بعده •••
لمار الي صحت على الساعة ٩:٣٠عشان تجهز الفطور و تروح توديه للعنود بالمستشفى
صحت لمار خذت لها شور و رطبت جسمها و سوت ميكب خفيف ولبست فستان ازرق فاتح الى الركبة وأخذت جوالها و سماعة
و طلعت من الملحق كانت نجد نايمة و حصلت الخادمة جالسة تنظف الصالة
لمار:وين عوض ونواف ؟؟؟
الخادمة: مدام عوض اند (and)نواف (sleep)
لمار :طيب شكرا
دخلت لمار المطبخ و بدأت تسوي الفطور و هي تسمع هيفاء
و تتمايل مع كلمات الأغنية
أنا مش على بعضي ليه و جرالي
ايه حيرت ألف معاي بحس بحاجة اي مشغولة بيه و اتمنى أعيش وياه
حد يقولو اني بحبه دنا وأنا جنبو حيرني هواه حبو فقلبي ملخبطني و مسكتني و دا حالي معااه
كانت معطيه ظهرها الباب و يدخل نواف الي كان يبي يفطر ابتسم ابتسامة خفيفة من شافها تقطع الفواكه و هي تتمايل بفستانها الأزرق
تقدم وهو يصبح عليها : صباح الروقاان هلا هلا شعندك مروقه
التفتت له لمار تسكر الأغاني وتصبح عليه : صباح النور بس قلت قبل لانروح للعنود اسوي لهم و لنا فطور
إذا ماعندك مانع!!!
نواف: لالا ما عندي مانع المطبخ حلالك
لمار : الساعة كم يفتحون الزيارات ؟؟؟؟
نواف : الساعة ١٠:١٥
لمار :طيب روح صحي عوض وانا بروح اصحي نجد راح نفطر عند العنود و سالم
نواف بصوت هادئ :من عيوني
لمار باستغراب :وشو
نواف بارتباك:لالا ولا شي بروح اصحي عوض
بعد ما صحو ابطالنا و البنات تجهزن وراحو المستشفى اول ما وصلو دخلوا غرفة العنود يحصلو سالم نايم بحضنها
نجد وهي ترفع الجوال تصورهم : دقيقة دقيقة بصورهم!
عوض وهو يهمس لنواف بستهتار :اظن أن صديقنا وقع بالحب
نواف :لا تظن بل تأكد أيها الخوي ههههه
لمار وهي تهز العنود و سالم:قومو يلا جبت الفطووووور
عوض و هو يطالع ف نجد وهي تطلع الاكياس الفطور طحتهن على الطاولة: جوعااااننن!
ابتسمت نجد ابتسامة خفيفة
لمار : نومه اهل الكهف يلا قومو بسرعة الفطور بيبرد
صحت العنود تطالع وين هي نايمة بحضن سالم الي كان بسابع نومه ابتسمت وهي تناديه:سالم سالم يلا قوم يلا
نواف : وش ذا النوم والله لو انها نومه اهل الكهف
بعد ما قامو العنود و سالم و البنات وعوض و نواف يفطرون رفعت نجد جوالها توري سالم و العنود كيف كانوا نايمين بحضن بعض
العنود بصدمه : بنت وش ذا!!
سالم وهو ينزل راسه بحياء.
نجد وهي تطلع لسانها بحركه طفوليه :ننننن ترا الصورة حلوه
عوض ابتسم من حركتها ولمار لاحضت عيون العوض الي كانت على نجد بس ما لاحضت عيون نواف الي كانت عليها
أما عن سالم الي كان يسترق النظر بين فترة و فترة على العنود و شعرها الأسود الطويل
قاطعت تفكيرهم لمار : كيف كان الفطور
نجد :تسلم يدك لمو
سالم و عوض : يجنن
العنود وهي تغمز حق لمار : علميني وصفة البان كيك مره لذيذ
نواف : تسلم يدك
لمار : بالعافية عليكم
