දෙ ඇස් 💗

12. 💗

" ඒ බන් කැන්ටින් එකට ගිහින් වරෙන්කෝ. කොල්ලව මෙතන දාලා-"

" හරි. හරි. මොනාද ගේන්න ඕනේ. "

" කිරි පැකට් එකකුයි තව කේක් කෑල්ලක් හරි කප් කේක් එකක් හරි මොනා හරි සැර නැති දෙයක්. "

" මන් අද කිව්ව කියල මතක තියාගනින් කේශූ උඹට ඉස්සරහට ලව් කරන්න නෙමේ වෙන්නේ බේබි සිටින් කරන්න. "

ලෙයියා හිනා වෙවී කියද්දි මන් ලෙයියා කරේ එල්ලන් හිටිය මගේ බෑග් එක ඇරලා වොලට් එක එළියට ගත්තා.

" ඕක තියන්. "

මට මැද ඇගිල්ල දික් කරපු අයෝ ලෙයියවත් ඇදන් කැන්ටින් එක පැත්තට ගියා. වොලට් එකත් අතේ තියාගෙන අරුන් දෙන්නා යන දිහා බලන් හිටිය මම ආයෙ රූම් එක ඇතුළට යද්දි පච කුමාරයා නැගිටල කදුළුත් පිහිද පිහිද සපත්තු දානවා.

මන් ඇතුළට ගිය ගමන් එක සපත්තුවක් විතරක් දාන් හිටිය කොල්ලා ඇදෙන් නැගිටලා දුවගෙන ඇවිත් අත් දෙකෙන්ම මාව බදාගෙන මූණ මගේ පපුව අස්සේ ඔබා ගත්තා.

" අනේ... අනේ... මා..ව දා..ලා ය.න්.න එ..පා යශ් අයියේ... "

මන් ඉස්සරහ අඩපු පළවෙනි දවසෙ වගේම අමාරුවෙන් හුස්ම උඩට ඇද ඇද , මගේ ඇඟ වටේ එතිලා තිබ්බ ඒ චුට්ටන් අත් දෙකෙන් මගේ ශර්ට් එකත් පොඩි කරන් , අඩන ගමන්ම කොල්ලා  මුමුණද්දි , ලොකු සීන් දාන්න හිතන් හිටිය මගේ හිත ඒ කදුළු ඉස්සරහ එක මොහොතින් දිය වෙලා ගියා.

" නෙතූ යශ් අයියව දාලා ගියාට යශ් අයියට නෙතූව දාලා යන්න බෑ නේ... "

" නෙතූටත් බෑ... මං... මං... ඒකනේ... මං... යශ් අයියව හොයා..ගෙන ආ..වේ... "

කොල්ලා හුස්ම අඳින විදියට නන් මට බයත් හිතෙනවා. ඒත් ඇත්ත කොල්ලා කියපු කතාව සම්පූර්ණෙම්ම ඇත්ත. කොල්ලම මාව හොයාගෙන මගේ ගාවට ආවෙ නැත්තන් මන් කවදා කොහෙන් කියලා මේ කොලු පැටියව හොයාගන්නද ?

කොල්ලගෙන් අහන්න ප්‍රශ්න දාහක් මගේ ඔළුව ඇතුළේ පෙළ ගැහුණත් ඒ ඔක්කොම ටිකකට පැත්තකට කරපු මම ඉකි ගගහ මුමුණන කොල්ලගේ ඔළුව අතගාන ගමන් හිස් මුදුනින් හාද්දක් තිබ්බා. අද ඒ කෙස් කොට අතට අහුවෙනකොට හරි අමුතුයි. මම ඉස්සර මේ ඔළුව අත ගානකොට තිබ්බේ දිග සිනිදු ලාවට කැරලි ගැහුණු කොණ්ඩයක් . ඉස්කෝලෙ එන්න නිසා වෙන්න ඕනේ කොල්ලා කොණ්ඩෙ කොටටම කපලා තවත් සූටි පාටයි.