هرب إلى الموت

كان بيكلم نفسه و يقول كبيركبير؟
فضلوا يقولوا كبير لحد ما كرهت
نفسي مات أبويا و سبني للهم
اتخرجت و اتغربت.
وكل قرش اشتغل بيه ابعته
لأمي و أمي تصرفة على اخواتي
لحد متخرجوا و بعد كده راحت
و جبتلي عروسة و قالتلي ورحمة
أبوك اتجوز يا مدحت
أنا عايشه على أمل و أحد
أني أشوف أولادك أنا بحلم أنك
تتجوز و تيجي تعيش معايا في الشقة أنت عارف ؟ أنك أحب أولادي إلي قلبي ***
فعلا أمي بتحبني أكثر من أخواتي
علشان كده ما وفرتليش لى ولا مليم
و أحد من الفلوس اللي كنت
ببعتهالها وأول.. بأول
صرفاها عليهم حتى الرجاله
منهم طلبت مني أساعدهم
في جوازهم و نسيت أنهم خلاص بقوا رجاله و يقدرو يجوزو نفسهم
و لكن أمي فكرة عشان أنا بشتغل
خارج البلاد
خلاص بقيت مليونير
طيب إزاي و أنا طلع عيني و صرفت
كل فلوسي على تعليم و جواز أخوتي
و بعد ما تأكدت أمي أني خلاص
هبدا أشم نفسي راحت و جبتلي
عروسة ***
مدحت كان متأكد أن أمه عايزه تجوزه علشان يفضل
طول عمره يبعت لها المال
و رغم؟ أن مدحت كان متأكد كل
التاكيد من ده لكن ما قدرش
يقول لأمه الحقيقة عشان ميوجعهاش و أستسلم مدحت
و اخدته أمه من ايده إلى أهل العروسة و كانت هي الامرة الناهية في كل شياء حتى أهل العروسة لا حظوا ده و لكن كانوا أذكياء
استنوا لبعد ما اتورط مدحت في شراء الشبكة
و هم الآخرون افصحوا عن نواياهم
السيئة .......
قال له أبو العروسة لمدحت أنا عايزك في كلمتين .....
مدحت... قول ياعمي .....
أبو العروسة أنا شايف أن الست
ام مدحت
بتتدخل في كل شئونك و طبعا
ده هيبقى حتى بعد. زواجك من
بنتي و ده مش عاجبنى و لا حتى
عاجب بنتي و حكاية أنك تعيش
بعد الجواز أنت و بنتي في شقة
واحده مع الست ام مدحت
ده مش عاجب بنتي و لا حتى أنا
و حكاية أن مالك دايما مع أمك
و هي اللي تحاسب و تطلع و أنت
و اقف ضيف شرف ده مش عاجبني
و أن كان من. الضروري حد غيرك
يبقى معاه مالك تبقى سميرة بنتي
اظن أن مرتك و عيالك هم الاولي
بفلوسك .......
مدحت.... وهو بيكلم نفسه يا سنة سودة
هو يعني علشان اخلص من تحكمات
ماما أقع في عصابة عايزه تتحكم
فيا هو أنا هفضل طول عمري كده
يدوب من ايد لا ايد هم فكرني غبي ******
و المشهد التالي كان يوم الشبكة
و في الكوشة كان مدحت بيفكر
في اي شئ يضايق العروسة
و أهلها حتى حانت له الفرصة
و في وسط الناس .....
قال المطرب اللي بيحي الفرح
قولي لي؟ يا عروسة مين السبب
في الحب القلب ولا العين
العروسة وهي تنظرا إلي الشبكة
اللي في أديها العين طبعا هي السبب
في الحب لانها دايما بتشوف الغالي ..
ثم نظرا المطرب إلي مدحت؟
وقال و أنت يا عريس من السبب في
الحب القلب ولا العين
مدحت ..ولا القلب و لا العين
الفلوس هي السبب في الحب
الفلووووووس
وساب مدحت العروسة في الكوشة
و مشي بدون رجعة؟
اما الشبكة أخدها مدحت و من
أيد العروسة إلي أيد أمه
و قال أمي خديها و البيسه
أكيد صوتها و هي بترن في ايديكي
هيكون أجمل من صوت العروسة بكثير
ثم قطع مدحت إجازته و سافر
و عاد من حيث أتى ***
و كان مدحت من و قت للتاني
يتصل با أمه ليطمئن عليها
ومن الحين
للخر يرسل إليها المال فهي امه
برغم كل شيء ......
وكانت الام لاتمل من الإلحاح عليه من أجل أنه يتجوز ....
و كان مدحت يقول أمي سيبك من الكلام ده خلاص أنا كرهت الجواز
وفضل الحال على هذا
المنول حتى في يوم راحت
ام مدحت
إلي إحدى المناسبات و شافت
هناك بنت جميلة
و قربت ام مدحت من البنت
و قالت لها ؟ أنتي أسمك أيه ....
قالت البنت أسمي مرفت ......
قالت ام مدحت أنا من ساعة ماشفتك
وأنا اتمنيت أنك تكوني مرات أبني....
قالت ام مدحت
لمرفت الكلام ده ولكن بعد ما سئلت
و عرفت أن مرفت بنت يتيمه
و فقيره لذلك هتكون زيها زي
الخدامه و اخدت ام مدحت صورة
مرفت و بعتت الصورة لابنها
و مع الصورة كل التفاصيل عن مرفت
جمال مرفت لفت انتباه مدحت اللي قال بنت جميلة
وأصغر مني بعشرين سنه هي دي البنت
اللي تنفع معايا و مع أمي و اخد
مدحت إجازه و نزل. على الفورا .
قالت ام مدحت اخيرا ربنا هداك
يا مدحت **
قال أنا لسه ما قررتش و قراري هخده بعد ما شوف البنت
********
المشهد التالي كان مدحت و الام في بيت مرفت .......
و قالت ام مدحت عجبتك مرفت
يا مدحت ...... .....
قال أيوه بس أرجوكم سبوني أنا
و هي لدقائق بمفردنا ......
قالت ام مرفت البيت بيتك يا ابني تعالي معي يا ام مدحت ......
قال مدحت لمرفت أنا عايز اقولك
حاجة
و بعد كده أنتي اللي تقرري توافقي
ولا؟ لا أنا مبحبش حد يعرف معايا
فلوس اد ايه حتى لو كانت مراتي
و اللي اديهولك خديه و طبعا مش
هيكون قليل و لكن مبحبش حد
يملي عليا شروطه
و اوعي تفتحي بيتي لحد غريب
ولا يزورك من أهلك غير مامتك
و لو زعلتي من أمي و سبتي البيت
في غيابي مش هترجعي البيت تاني
شملت مرفت مدحت بنظرات
متفحصة حملت كل خبث العالم
ثم قالت اي أوامر تانيه ....
قال ايوه لما تحبي تخرجي من الشقة
لازم تاخدي أمي معاكي و لو خرجتي من غيرها مش هترجعي البيت مرة تانيه ......
قالت. مرفت في دهاء أنا عارفه أنك حطيت كل الشروط دي علشان تخلص مني الظاهر أني معجبتكش ......
رد مدحت أنتي لو معجبتنيش مكنتش
اخدت إجازة أول مشفت صورتك
مرفت ...في مكر اي أوامر تانيه ....
رد لا واتجوز مدحت و مرفت و
سافر مدحت مرة تانيه إلي الغربة
و بعد سفر مدحت ......
قالت ام مدحت لمرفت أكيد مدحت قالك على
الحاجات اللي بتضايقني علشان
ماتعملهاش ....
ضحكت مرفت و قالت مدحت
قال لي على كل الحجات إللي بتزعله هو و بس ؟
تصوري انه نسي يقولي على الحجات اللي بضايقك أنتي كمان
و علشان كده أنا. مش ملزومة معاكي
في شيء هو قال لى بس لما أحب أخرج من البيت آخذك
معايا في اي مكان أروح فيه و أنا مش عايزه أخرج من البيت على الاقل دلوقتى..
ام مدحت تخرجي و تسبيني لمين يضايقني
يا بنتي أنا عندي الضغط والسكر .... مرفت... أنا لما اتجوزت مدحت أبنك كان عندك
الضغط و السكر يعني مش أنا السبب
فنظرت الأم إلي مرفت بغيظ ثم انصرفت .......
ضحكت مرفت وقالت
أولادك جابولك الضغط والسكر وأنا
هريحك نهائى ....
و كانت مرفت بتعمل اي شياء يضايق
حماتها بس من غير ماتزعل جوزها
منها ومرت الأيام وشعرت مرفت
ببعض التعب
واخدتها الحماة إلي الدكتور وأخبر
الدكتور الحماة أن مرفت
حامل و برغم فرحة ام مدحت
و لكنها قالت لمرفت أنتي مستعجله على أيه ........
ردت مرفت يا حماتي فعلا أنا لسه صغيره و لسة علية بدري بس أبنك أنتي عارفه في سنه ده يدوب ........
كانت مرفت بتتفنن في مضايقة
حماتها و كانت الحماة متضرره
من مضايقه من مرفت
بس هي متقدرش تقول
لابنها شيء لا إنها لما كانت تيجي
تشتكي لابنها كان رده يا أمي
مرفت اختيارك أنتي
و كان مدحت راضي كل الراضا
عن مرفت لائنها
مكنتش بتساله عن شيء و كان
اللي بيدهولها بتاخده و يكفيها
برغم أنه مكنش قليل و لكن اللي
بيدهولها بتخده و تصرفة
ده ماكنش عاجب ام مدحت لا إن
الام كانت بتحوش المال وتدي للي
محتاج من ولادها إلي المال
و مرت الأيام و كانت حالة حماة
الصحيه بتسوء يوم بعد الاخر
وبقت مرفت على. وشك الوضع
و ذهبت مرفت إلي المستشفى
لتضع مولودها و لما رجعت مرفت
إلي البيت لقت حماتها سابت مش بس البيت
دي سابت الدنيا و مافيها و توفيت
و بطبع رجع مدحت من الغربة .......
و قال لمرفت من بكرة تجيبي امك
تعيش. معاكي في الشقة
و متخليهاش تسيبك لوحدك في غيابي ......
و لما سمعو اخوات مدحت بهذا
قالوا لمدحت؟
أحنا عايزين حقنا فالشقة أحنا مش
هنسيب حقنا لمرفت و امها يتمتعوا بي الشقة ***
رد مدحت في غضب أنا
كبرت و علمت وجوزت
و بعد كل ده تقولوا فين حقنا
بعد ما صرفت دم قلبي عليكو جايين تقولوا احنا عايز حقه كل اللي عايز حقه يروح للمحامي و يتنازل
لي عن نصيبه في الشقة ........
وبعد ماخلص كل شياء سافر مدحت
مرة اخرى إلي الغربة***
مرفت اخيرا خلصت منهم جميعا
مرفت كان عندها خالة تسكن في
بلد تانيه و خالتها بعتت
لمرفت و لامها علشان يحضرة فرح حسن أبنها***
قالت ام مرفت لمرفت أنتي مش هتروحي فرح أبن
خالتك غير لما تقولي لمدحت
علشان لو روحتي من غير أذنه
و عرف هيزعل منك و أنتي عارفه
ده زعله و حش***
مرفت ..أنا هاقوله برغم أني
ما بعملش حاجة غلط .......
وذهب مرفت مع الام إلي فرح أبن الخالة
المشهد التالي كان في بيت الخالة مرفت.. لحسن اظاهر ياحسن أنك بقى معاك فلوس كتير
قولي يا حسن ازاي قدرت في خمس
سنين أنك تجمع المبلغ ده كله .....
رد حسن وقال كنت. قبل السفر بشتغل
ليل نهار و رغم كده مكنتش عارف
أوفر ولا مليم و احد
بس لما سافرت برا لقيت ان
الشغل هناك بيكسب اكثر يعني الغربة
تدي للي يديها اديها مجهود
تاخد فلوس
و أنا اعتبرت نفسي في أشغال
شاقة لمدة خمس
سنوات ثم قال حسن و أنتي
يامرفت
على كده مدحت بعد غربة
خمسه و عشرين سنه أكيد عمل
قرشين حلوين .......
ردت مرفت و الله يا حسن
أنا مش عارفه حاجة عن فلوس مدحت
وده كان أول شرط لمدحت و هو
بيتقدملي قالي
متسالنيش معايا كام و صدقني
أنا لحد دلوقت معرفش
حاجة عن فلوسه ***
رد حسن و لكن أكيد من
تصرفاته تقدري تعرفي معاه كام تقريبا***
قالت اوقات بحس أنه معاه
فلوس كثير و أحيانا بحس
انه معهوش اللضا
و لكن سيبك من الكلام ده دلوقتي
و قولي أنت هتسافر امتا **
رد حسن لا أنا مش مسافر هعمل مشروع صغير هنا
و على فكرة أنا مش معايا فلوس
كتير للدرجه اللي في خيالك
أنا بعد مابنيت
دور تاني في بيتنا علشان أسكن فيه
و اشتريت حتت أرض لابويا
و بعد تجهيزات الزواج مبقاش معايا
مبلغ كبير زي مانتي فاكره***
مرفت .. يابن الايه يا حسن
كل ده عملته في خمس سنين فقط ده على كده مدحت عمل ملايين من الغربة ****
ضحك حسن و قال مدحت في الغربة من خمسه و عشرين
سنه على كده مدحت عنده كام سنه .
ضحكت مرفت و قالت قل انت **
و عادت مرفت لحايتها مرة اخرى
و لكن
ساخطة على كل شيء و مش راضيه
عن حياتها
و اتصلت بمدحت و قالته لازم
ترجع في اقرب و قت انا عوزاك
ضروري
رد مدحت أنا عندي شغل لما
اخلصه هاجي في أقرب فرصة
وبعد شهرين رجع مدحت من السفر
وقال لمرفت في ايه
جيباني على ملى و شى ليه أنا كنت
فاكر أن حد من الأولاد تعبان
و لكن الحمد لله أنتم كويسين فى أيه
بقى ***
قالتله بذمتك و دينك دي عيشه
اللي أحنا عايشينها بعد غربتك
خمسه و عشرين سنه
أنت بتسافر و تسبني أنا وولادي
لوحدنا هنا بشهور
و احيانا سنين و ترجع فجأه عشان
تشوف أنا صاينه بيتك ولا ؟ لا
أنا عمري سألتك في شياء كام معاك
وكام صرفت
و كام وفرت ولا لسه على وعدي
معاك و أنت لو استمريت انك
تبعت الملاليم اللى أنت بتبعتها
يبقى ولادك وبيتك اولى بيك
وخليك قاعد معانا و كفاية غربة لحد كده *****
رد مدحت و قال و بعد الغربة والعمر ده كله اشتغل هنا أيه .... ..
مرفت...أنت معك فلوس أعمل هنا اي
مشروع ***
مدحت ..وهو بيكلام نفسه
فلوس هي فين الفلوس دي و أنا
من ساعة ما سافرت
ببعت كل اللي بكسبه لامي لحد
ما كبرت اخوتي و علمتهم و جوزتهم
و بعد كده صرفت على مظهري كل اللي بكسبه
علشان اداري تجاعيد الزمان و شقى
الغربة
بس هي كمان لازم تعيش وتنسى
فرق العمر اللى بينا و بعد تفكير
قال ..أنا موافق ****
قالتله على أيه ***
قال على اني اذود لك الفلوس اللي ببعتهالك **
قالت و أنا موافقة***
و بالفعل ترك مدحت لمرفت مال كتير
وكانت مرفت عيناها بتلمع و هي تنظر إلي الفلوس لمعة غريبة
مدحت مكنش كبير لدرجة أنه كان
كل فتره يقع من طوله في الشغل
وده خلى صاحب العمل يقوله مدحت
اعتبر نفسك في اجازه مرضيه لحد
ما تشفه من المرض و رجع مدحت من الغربة و لما فوجئت مرفت برجوع مدحت .....
قالته أنت معوتنيش أنك ترجع
بالسرعه دي ....
مدحت ...حسيت انى تعبان فأخذت إجازة و رجعت ........
مهتمتش مرفت باللي بيقوله مدحت
و قالت الإجازة دي فرصة. علشان
تشتري الحجات إللي ناقصة البيت
و أنا و الولاد بردو محتاجين شويت
حجات ***
رد مدحت و قال من الاخر
أنا مش معايا فلوس و الفلوس إللي كان معايا صرفته على العلاج و الفسر و أنا راجع إلي هنا **
قالت يعني أيه .....
قال زي ما سمعتي كده.......
قالت له طيب بكره روح اسحب
شويت فلوس من حسابك اللي في البنك***
مدحت...أنا مش قالتلك أني مامعيش فلوس ......
مرفت... حتى ولا في البنك**
قال أنا مامعيش فلوس غير اللى
في جيبي **
مرفت.. في زهول أنت بتقول أيه المفرود بعد غربتك في بلاد الناس خمس وعشرين سنه ارزع جدران البيت تنزل فلوس
من بكره ترجع تاني للغربة و تعملنا
قرشين تأمن بيهم مستقبلنا أنا وأولادي ***
مدحت .. بعد أيه بعد ما العمر
عدي و صحتي راحت عارفه لو كنتي
انتي شجعتيني أني استثمر فلوسى
او حتى حوشتيلى زي ما كل الستات
بتعمل بس الومك ازاي
و أنا نفسي معملتش حساب يوم
زي ده ربنا يسامح أمي أخدت شقايا
و جوزتني و احده مصرفة *
و في صباح اليوم التالى لم يستيقظ
مدحت من النوم للأبد
و هرب إلى الموت