''အန်တီရေ သမီးကို ကြာဇံချက်တစ်ပွဲပေးပါဗျ''
''ကျွန်တော်လဲ ကြာဇံချက်ပဲအန်တီရေ ချဥ်ချဥ်စပ်စပ်လေးနော်''
''ဟဲ့ ငရှိုင်း နင်ဗိုက်မကောင်းတာကိုဘာကိုချဥ်ချဥ်စပ်စပ်လဲ''
''သဲလေးကလည်း ငါနည်းနည်းပဲစားမယ်လေ ကျန်တာနင်စားလိုက်ပေါ့''
''အေအေ တော်တော်ချစ်ဖို့ကောင်းတဲ့ငါ့သူငယ်ချင်း''
''ဟီး..''
ခနအကြာလာချပေးတဲ့ ကြာဇံချက်နှစ်ပွဲက အငွေ့တထောင်းထောင်းနှင့်စားချင်စရာပင်..မြို့နှင့်မတူပဲ တိတ်ဆိတ်သည့်ရပ်ကွက်တစ်ခုတွင်ဖွင့်ထားသည့် ဒီဆိုင်က အချိန်တိုင်းလူအပြည့်နဲ့ဖြစ်ပေမဲ့ အေးချမ်းသည့်အငွေ့အသက်တို့ ပြည့်နှက်နေသည့် ဆိုင်အပြင်အဆင်ကြောင့်လူကြိုက်တော်တော်များ၏
''အားးးနှာကိုပွင့်သွားတာပဲ''
နည်းနည်းပဲစားမယ်ပြောပြီး တစ်ပွဲလုံးစားလိုက်ပြီးမှ နှာပွင့်သွားတဲ့ရှိုင်းကိုသဲပိုင်ရိုက်ပစ်ချင်၏. မနက်အတန်းစကတည်းက ဗိုက်ခနခနနာသည်ကြောင့် toiletဝင်ရသည်မှာလည်းအခေါက်ပေါင်းမရည်တွင်နိုင်.ဒါကို အချဥ်အစပ်ထက်စားသည်ကြောင့် ရှိုင်းအလူးအလဲခံရမှာအသေအချာပင်..
''သဲပိုင်. ဆေးလေးပေးပါအုံး ကောင်းကောင်းနဲ့စားလိုက်တာ ကုန်သွားပြီ''
''အေး ဆေးသောက်ဖို့သတိရလို့ပဲတော်သေးတယ်''
''နင်ကလည်း ဘယ်မှာလဲဆေးက ပေးစမ်း''
စိတ်မရှည်စွာ သဲပိုင်လွယ်အိပ်ကို တဖက်ခုံစီကူးပြီးဆွဲယူလိုက်၏ ခေါင်းငုတ်ကာ ပြန်ထသည့်အခြေအနေနှင့်နောက်မှ တခုခုနှင့်တိုက်မိသည်ကြောင့်ရှိုင်းခေါင်းနှင့်ခုံဆောင့်မိသွား၏
''အ့ နာလိုက်တာ ဟိတ်လူ ခင်ဗျားကဘာလဲ''
''စောက်ကလေး မင်းကလူသွားလမ်းမှာဘာလုပ်တာလဲ''
''ဟ သူခိုးကပဲလူပြန်ဟစ်ရသေးတယ် ခင်ဗျားကဝင်တိုက်တာလေ''
လက်တရွယ်ရွယ်နဲ့ပြောနေသည့်ရှိုင်းကို သဲပိုင်အမြန်တားရတော့သည်။''ဟို..တော်ကြပါတော့ မတော်တဆဖြစ်သွားတာပဲဆိုတော့လေ နှစ်ဦးနှစ်ဖတ်ကျေအေးလိုက်ရင်မကောင်းဘူးလားလို့လေ''
YOU ARE READING
နူးညံ့သော အချစ်ရင်ခွင်
Romanceအကျင့်စရိုက်တို့ဆန့်ကျင်ဘက်ဖြစ်နေသည့် ကောင်လေးနှစ်ယောက်.ပေါင်းဖတ်ဖို့ကံပါလာကြသော်..~~