#قزح_107
#زهراء_السلامي
_______
رجعنا والرجعه قوية ان شاء الله 🙈
مشتاقتلكم يا اغلئ صديقات /اصدقاء خلونه نكتشف سِر حياة هؤلاء الناس الغريبة ونستمتع بتفاصيلهم الاغرب 😈 ..
التنزيل راح يكون حسب التفاعل ان شاء الله اذا حبيتوها ثبتولنه حبكم بالتصويت والتعليقات الحلوة
الابطال يتابعون ويانه ويشوفون حماسكم 😁🔥
احبكمممم واايد وااايد صديقتكم والكاتبة زهراء السلامي "زازا"❤.
الكاتبة زهراء السلامي:[البارت الثاني]
#قزح_107
بقلمي: زهراء السلامي 🤍
لتنسون التصويت +التعليق بين الفقرات +متابعة الحسابي 🤍.
-مشاعرنه وطن وثنينه بغربة 💔..
________
كارولين
وجوه واجمة انفس مقطوعه، عيون شاخصه تتابع الكائن الكدامنه، تتابع نضراته المذهوله وهَو يباوع للطفلة الجايبيها العمرها ميتجاوز ست سنوات..
چانت ملامحه عابسه ومستغربه من قبل يضوج من الخطار ويضوج احد يدخل بيتنه..
شيماء: هـلا قوس الله شو تأخرت؟
-منو هالطفله؟
جاوبت بحس ناصي..
-بت ايهم
عگد حاجبه متفاجئ ونضراته تدور بيناتنه.. اخواني كلهم كاعدين بدون ردة فعل. الكل منتضر قرارة وشنو راح يكول الا اني ماريد احضر هالطقوس المخيفه مرة ثانيه.. علئ الاقل مو اليوم..
ترخصت منهم وصعدت الغرفتي قفلت الباب عليه وذبيت نفس الوضع متوتر بت أيهم مسببه ارباك لاهلي وامي شلون نربي طفلتهه!
اخذت ملابسي ودخلت جوه الدوش، غمضت عيوني واجر نفس عالي جوه المي رغم قبل احس اتنفس المي رغم يوجعني بَـس احبه واسترخي..
ذبيت نفس بعدما اختنگت وانگطع نفسي بالبانيو ولميت رجليه الصدري اتخيل شغلات تخوفني..
اني" كارولين"اخر العنقود ببيتنه، عمري 14 سنه حياتي مخربطه وغريبه، ماعرف شي يوم نرتاح وراح نرتاح ونتخلص من الهم والضغط النفسي الدنعيشه؟
چية أيڤ البيتنه راح تزيد الارتباك والتوتر، وجود طفله بدون ام واب وعايشه ويا ناس متعرفهم صعبه! شلون راح تگدر تقاوم مُر الحياة
طلعت من الحمام ولبست ملابسي وافكاري تتناطح اريد افتهم شنو صار شو البيت خنسة مو من عوايدنه، طلعت من غرفتي ونزلت البايه مال الدرج وصار بوجهي...
