مـيم قـاف"قيد النجاة"

بارت 2

#مـيم قـاف"قيد النجاة"

بقلمي الكاتبة:- نور_الجبوري

رابط قناة التلي)
(Q_a_f_m)

رابط قناة التلي  
رح ننشر بيها جزء من يوميات ابطالنة
وكذلك صوتيات وصور وفيديوهات تخص الابطال..

______________________

حَبيتَك أني بكُثر
‏مَا ضَلمَة چان العُمر
‏و الفَرح ما شِفتَه
‏و گَد مَا أحسَك سَند
‏تَاخِذني مِن كُل حِزن
‏و مِن كُل قَهر عِشتَه
‏سَبعه العَجايب لچن
‏ثَامِن عَجيبه أنتَ .

______________________

كحلاء::::- جنه گاعدين نتعشى اني وحمامة واسراء بس قوت وفدك لسه مجايات

اجه ابوي يضحك دخل سلم علينا وگعد ياكل ويباوعلي فرحان اني وحمامة

گلتلة مستغربة:- شكو صاير شي؟

گال بضحكة:- اتقدمولكم انتي وحمامة شنو من زلم ماشاءالله عليهم

باوعتله رافعة حاجبي مستغربة دوم ابوي يرفض لان يريد يستفاد من عدنا بالشغل بس هالمرة شبي فرحان:- وشنو موافق عليهم انت؟؟؟

:- ايي جا ليش يخبلوون والفلوس يلعبون بيها لعب

حمامة بقت صافنة بالگاع ضايجة گلتله:- ها يعني انت من عرفت عندهم فلوس اهواي موافق وفرحان مو!!

:- ايي جاا غير اريدلجن حياة سعيدة خوما تاخذن واحد فگر تبقى اهوايه شغلات بنفسكم

:- مانريد شكرا

رفع حاجبة عاف الاكل باوعلي وباوع لحمامة وگال:- شنو ماتريدون!

:- ايي ما نريد نتزوج ع ذوقك ع مود يطلعون مثلك

رگع الصينية قوي الماعين تكسرت حمامة گمزت وگالت:- لا اني قابلة والله

ابتسم وگال:- شووفي هاي احسن منج بسرعة تسمع كلمتي تعاي بابا

راح باسها وهي تجر بنفسها جر، عطت:- وشنو يعني انت تجبرنا نتزوووج!!!!! عمييي ما نريد هم عايزة بقت بس هاي ممسويها تجبرنا ع الزواج وبعدين منين هم شافونا ورادونا اني وحمامة!

:- ولد اعرفهم شافوكم مرة طلعتوا ومن شافوكم لحد الان يقنعون بيه بالبداية رادو قوت لصاحبهم بس ما وافقت لان قوت استفاد منها بهواي شغلات وبقو يلحون على قوت لحدما أيسو وحولو عليجن

رفعت حاجبي وگلت بهمس:- اكبر مصلحجي اشوفة بحياتي

حجيت بهدوئ:- مانريد نتزوج لسة صغار واحنه ولد مانعرفهم يمكن يطلعون مثلك شكرا مانريد

عاط بيه وراح يركض لأمي واسمع صوته العالي يصيح عليها ويطلع حرگته بيها

هزيت ايدي باوعت لحمامة غميتها وگلت:- امداج بسرعة وافقتي