يوم جديد واحداث جديده
تحديدا في الفندق عند عرسانا
صحت مريم قامت اخذت لها شاور
مريم:محمد محمد قوم
محمد فتح عيونه:كم ساعه
مريم:اربع العصر
محمد قام:الله يسامحك ماقومتيني عشان صلاة
مريم:مشكله أنا بنفسي قبل شوي صحيت
محمد:أنا بتروش ونطلع ل الهي واهلك
مريم:تمام وانا بتجهز
راح اخذ شاور وتجهزت مريم وطلعوا ل اهل مريم
في بيت الجد عبدالعزيز
كلهم كانوا مشغولين بتجهيزات عشان جيت مريم ومحمد
الجد:ياثور عبدالعزيز ان ماقمت الحين والله العقال بتلعب على ظهرك
عبدالعزيز قام وهو مفتح عين ومغمض عين:صاحي والله صاحي شوف
جوا ابو نوره وابو عبدالعزيز:وشفيكم
الجد:وانتم وينكم من اليوم مختفين انتم تبون انتم بعد تبون عقال تلعب على ظهوركم
ابو نوره:لا يبه ماله داعي قدام العيال
الجد:اجل امشوا
راحوا
ابو نوره:صح يبه سلطان اليوم بيوصل من لندن ان شاءالله
الجد:زين نشوفه مانذكر شكله حتى
عبدالله:اي والله له وحشه
طبعا سلطان شخصية جديده ولد ابو نوره طول حياته عايشة برا في لندن ورح يرجع بعد كل هالسنين
___________________________
عند عرسانا
محمد:والله ياعمي نستأذن اهلي ينتظرونا
ابو مريم:زين اجل يلا استودعتكم الله
مريم:بروح أودع امي وارجع(راحت)
ام مريم:انتبهي لنفسك زين
مريم:ان شاءالله يمه
_______________________
طلعوا واتجهوا لبيت الجد
وصلوا ودخلوا والكل يرحب فيهم ومريم دخلت داخل
الجدة:هلا هلا يامرحبا بزوجة ولدي تو مانور البيت
مريم وهي مستحيه:منور بوجودك خالتي
راحت وقعدت مع البنات
الجوهرة عمتهم:شوفي مريم أنا اخت محمد واذا أزعجك ولا زعلك بشي قولي لي انا بادبه
مريم ضحكت/تم
ودخلوا جوجو وغايه
غايه:شوفي زوجة عمي هذا الحلا سويته لك خصيصا وانتي اول وحدة تذوقينها
جوجو:وانا سويت القهوة ل عيون زوجة عمي
مريم:بنات احرجتوني ماكان له داعي
ميار:اول زيارة لك بعد زواجك لازم نهتم فيك
غزل بطرف عين:تراكم اوفر ماتستاهل كل ذا الاهتمام
مريم استغربت من وقاحتها
ساره:انتي بذات اسكتي محد كلمك
جوجو:صدق قليلة حياء الله يعين اخوي عليك بس
غزل عصبت من كلامهم وطلعت برا
الجوهرة عمتهم:زوجة اخوكم ذي مو طبيعي
جوجو:مصيبه على راسنا
______________\_________
تسريع في الأحداث
طلعوا من هناك عرسانا وراحوا ل شهر عسلهم إلى كان في كندا
كانت اجمل أيامهم كانوا يحمدون ربهم في كل لحظة إلى اجتمعوا فيها
_________________________
في الديره
الجد:يا عيالي عندي لكم طلب واتمنى ماتردوني
كلهم:وشهوا طلب يبه
الجد:أنا ودي نزوج جوجو وسعود وغايه وعبدالعزيز إذا موافقين
عبدالعزيز فز:موافق موافق ماعندي مشكله
عبدالرحمن:ياويلي اخوك ذا فشلنا
فارس:اهجد اهجد قلنا انك تحبها بس لاتصير خفيف كذا
الجد:وانت سعود
سعود:أنا بعد موافق
الجد:زين اسألوا بناتكم ولو عرفت ان احد منكم غاصب بنته على زواج ماتلومون إلا نفسكم
راحوا ابو غايه وابو عبدالعزيز
ابو غايه:غايه عبدالعزيز تقدم لك وانا أبوك إذا انتي موافقة قولي لي زين محد رح يغصبك على زواج واذا ماتبينه هذي قسمه ونصيب
غايه استحت:يبه عبدالعزيز رجال ونعم فيه وانا ماعندي مشكله
ابو غايه فرح:على بركة الله اجل تأكدي حتى لو باللحظة الاخيرة منتي موافقة زواج هذا ماراح يتم(راح)
عند جوجو
ام عبدالعزيز:وشقلتي
جوجو وهي تمثل انها مستحيه:موافقة يبه
ابو عبدالعزيز وهو عرف زين انها قاعدة تمثل:ترا كلنا نعرف انتي ماتستحين من شي لا تمثلين قدامي وانا ابوك حافظك
جوجو:يبه خلني اعيش جوجو على اقل
ابو عبدالعزيز ضحك:تعالي تعالي (حضنها)ربي يوفقكم
راحوا بشروا العيال انهم موافقين وكانت فرحة عمت البيت كله
سعود ركض يجيب سماعه وشغل أغنيه راشد وبدأ يغني ويرقص
سعود وعبدالعزيز:هيهات أنا أنسى هواك سكان بوجداني يعزف على أوتار قلبي هيض أشجاني حتى المشاعر حكت لك انت شي ثاني انت المحب إلى مايصح تبديله
الجد:اخف من هذول الإثنين ماشفت
ابو نوره/خلهم يفرحون يبه شعور هذا يعيشونه مرا في العمر
وبنات إلى تجمعوا على شبكتا على اصواتهم
ابو غايه يناظر عبدالعزيز وابتسم/ربي يوفقهم
كلهم:امين
الجد:هي هي خلاص انتهت الحفله قرب ياذن يلا المسجد كلنا
نوره:شوفي قاعد يفرح من زينها مدري وش شاف فيها ولا عشانها احلى مني
غزل:انتي ماتسوين حتى نص ظفر ذي سوسة ماعليك زواج ماراح يعدي على خير
____________________________
مرت الايام كانت ويقرب موعد زواج أبطالنا
ومحمد ومريم رجعوا من شهر عسلهم
محمد:مريم البخور
مريم جابت البخور كانت تبخر محمد كان يتأملها بعمق كانه اعظم انتصاراته
مريم:وشفيك تناظرني كذا
محمد ابتسم ومسك يدينها:ابد اشوف كيف ياحظي بزوجة مثلك
مريم بغرور:اكيد ياحظك فيني ولا وين بتلقى زي
محمد:يقولون الغرور مو زين
مريم رجعت شعرها ورا:بس يحق لي
محمد حضنها:فعلا يحق لك ومايحق لغيرك انا بطلع وإلا ابوي بيدخل علينا هنا
مريم ضحكت:وانا بروح للبنات
طلعوا كلهم من الغرفة
__________\__________
جوجو:تكفون موعد زواج كل ماله يقرب وانا كل مالي أتوتر
غايه:زيك احس بموت من توتر
مريم:بسم الله عليكم هذا شي طبيعي
نوره دخلت:اخذتي مني عبدالعزيز ومبسوطة
غايه:ياليل نشبه
جوجو قامت:عبدالعزيز ماعمرك حبك ولا عطاك وجه طيب لاتحشرين نفسك بشي مايخصك
نوره:اسكتي ماكلمتك طيب
جوجو:أنا وغايه واحد
الجوهرة عمتهم دخلت/وشفيكم
غايه:كنا قاعدين نسولف عادي جت ذي تدور مشاكل
نوره:ذي اسمها نوره
غايه شهقت/صدق امسك نوره تصدقين ماكنت اعرف زين علمتيني كيفي أناديك مثلما أنا ابي
الجوهرة عمتهم:خلاص اكسروا شر نورة غرفتك كم رما اقولك لاتتعرضين لهم
راحت نوره غرفتها وهي معصبه
الجوهرة عمتهم:وانتم بعد تراكم اوفر على بنت
غايه:ياسلام هي تجي وتدور مشاكل وصرنا احنا اوفر!
الجوهرة:يمه منك ومن لسانك وش طوله(راحت)
عند كوبل جديد في روايتنا
وصل سلطان الديره ودخل داخل
وكانت ميار عند الباب
سلطان:سلام عليكم
ميار التفت:يمه مين انت بسم الله (راحت وهي خايفه)
سلطان:معقولة ميار ماعرفتني (دخل المجلس)
سعود:ارحب ياولد العم
سلطان راح وسلم عليهم
الجد:جيت ياولد لندن
سلطان راح باسه على راسه:افا ياجدي أنا ولدكم ولد ديرتنا
الجد بعتاب:كل هالسنين ماشفناك
سلطان:وش اسوي عاد كنت مشغول مع دراستي ودوامي
عند البنات
ميار:تكفون لقيت واحد طويل يجوني روعني
جوجو:كشله سلطان ولد عمي
ميار:سلطان ماغيره
جوجو:ايه
ميار:تصدقون ماعرفته
مريم دقتها وغمزت:شكله بداية قصة حب جديده😉
ميار:يعع قال احب قال وش ابي في وجع راس
غايه:ماندري عنك شكلك حبيتيه ومخبية علينا
ساره/بنت اعترفي
دخلت لينا معها نونو:وش تسولفون عنه
جوجو:ابد ميار تحب من ورانا
ميار:كذابه لاتصدقينها
لينا:ياخي انتم مجانين ههههههههههههههههههههههههههههههههه
_________\_________
ومرت الايام وكان اليوم المنتظر يوم زواج أبطالنا
كانوا متوترين مرا
ميار:سؤال يابكايه انتي وياها ليه تبكون
غايه:مدري هرمونات
فحاول فجأه يضحكون ويتسهبلون يكملون تجهيزات
ساره:ميار تكفين منجدك هذول صاحين؟
ميار:مدري بروح بشوف تجهيزات
ساره:تمام
راحت هناك انصدمت من سلطان
سلطان:جابوا الحلا قالوا لي غربتها شلون مدري عاد
ميار بصوت واطي:عنك روح آنت انا برتبها
سلطان:قزاز ثقيل عليك علميني وانا أرتبها
ميار استسلمت وبدأت تلهمه كيف تحطهم
اما سلطان حق ومحد سما عليه كان كل بعدشوي يسرق نظره يشوف فيها ميار
ميار:تمام شكرا ماقصرت تقدر تروح
سلطان وهو ماوده يروح:تمام (راح)
وبدأ زواج وبدأت ناس تجي للقاعه وكان زواج في قمة الفخامة الكلك ان منبهر من جمال تجهيزات وادق تفاصيل
عند غايه وجوجو كانت مصورة تصورهم لحالهم قبل زفه
______________________
لينا:بنات خلاص لاتحشون على ناس(وهي ماسكه ضحكتها )
ساره:مين قال نحش هذا راي شخصي ولا مريم
مريم:بضبط راي شخصي
ميار:صراحة اتفق معكم راي شخصي شوفي هذاك ام ازرق شوفوا كيف تتميلح
ساره شافتها كيف تتمايع:يعععع
لينا:ههههههههههههههههههههههههههه ساره تعابير وجهك حكاية ثانيه
_________________________
وصار وقت زفه وتصورا عرسانا قبل لاينزلون
الجوهرة عمتهم/ماشاءالله يابخت ولدي ليلة في جوجو بس
جوجو بحياء:تسملين عمه
دخل سعود وبدأ يتصوره مع جوجو هو بقمة سعادته
عند عبدالعزيز وغايه
عبدالعزيز:ماشاءالله يا ارض احفظي ماعليك غايه وش هالزين
غايه كانت مستحيه وعيونها على ارض ماردت
وبدوأ يتصورون عرسانا
نرجع ل جوجو وسعود
سعود:وش هالجمال جوجو حمدالله ان ربي جمعني فيك
جوجو:حمدالله بس إحس متوتره وانا متعودة عليك😭
سعود ضحك:عادي عادي هذا يوم زواجنا شي طبيعي
نرجع ل عبدالعزيز وغايه
عبدالعزيز:المصوره ذي بطردها
غايه ضحكت:ليه😭😭😭😭
عبدالعزيز:عشان اخذ راحتي
غايه:مو منجدك😭
المصوره:يلا ياعريس الوضيعه إلى بعدها
عبدالعزيز:اسكتي تكفين خليني اتأكد أنا بحلم ولا حقيقه
غايه انصدمت/عبدالعزيز معليش ياعيوني مايقصدك
المصوره مسكت ضحكتها:عادي عادي
المصوره:خلصنا تصوير ربي يوفقكم (راحت)
عبدالعزيز:اخيرا (حضنها)
غايه حست بالإحراج ماتدري ليه😭😭😭😭
_______________________
انزفوا أبطالنا وانتهت ليلتهم السعيدة على خير بدون مشاكل
وانتهى البارت لاتنسون نجمه⭐️
أنت تقرأ
كيف اتوب من الهوى وادله وأقفي وانت طيفك كل ماسجيت جاني
Historical Fictionروايتنا تتكلم عن عبدالعزيز إلى كان يحب بنت عمه من وهي صغير لكن هي ماكانت تعطيه وجه أبدا ويوم من الايام يشوفها بعد سنين وتبدأ الأحداث
