دخلوا الشباب القصر واتصدموا لما لقوا عليا وقعه علي الارض ومغمي عليها جريوا وشالوها وطلعوها للاوضه بتاعتها واتصلوا علي الدكتور وصل الدكتور خرج الدكتور من عندها.
سليم بلهفه وقلق:مالها يا دكتور فيها ايه.
الدكتور بابتسامه:متقلقش يا سليم بيه هي الضغط وطي عليها مش اكتر.
يوسف براحه:طب الحمدلله.
وصلوا الدكتور للباب وطلعوا تاني لعليا.
مسلم بدموع متحجره:كده يا لولو كنتي عايزه تسبيني انتي كمان.
عليا بحنان:اهدي انا كويسه هي اول مره.
يوسف بزعل:انا زعلان منك علشان مش بتخدي الدوا بتاعتك.
عليا بزعل طفولي:خلاص انا اسفه مش هعمل كده تاني بس متزعلش مني.
يوسف بحنان:خلاص مش زعلان يا لولو وانا اصلا مش بزعل منك.
سليم بهدوء:بعد كده تخدي الدوا في معاد بتاعه.
عليا بطاعه:حاضر.
عدي اليوم وجيه تاني يوم الشباب فطروا وراحوا الشركه.
_________________________
في البيت عند البنات صحيت رغد اخدت شاور وصليت وصحت شغف وجميله وفطروا ونزلوا راحوا الشركه وصلوا الشركه.
رغد قبل متروح للمكتب بتاعها عند يوسف:عايزين حاجه.
شغف وجميله:لا سلام.
رغد:سلام.
جميله دخلت المكتب بتاعها هي ومريم:صباح الخير يا مريوم.
مريم بابتسامه:صباح النور يا جيمو.
جميله بتسال:هو مستر سليم وصل.
مريم وهي بتبص للساعه اللي في أيدها:لا لسه فاضل خمس دقايق.
جميله باستغراب:هو بيجي بدقيقة.
مريم وهي بتهز رأسها باه:ايوه.
جميله:تمام.
وكملوا شغل وصل سليم المكتب وطلب القهوه بتاعته جميله عملتها وراحت علشان تدهاله وهي بتدهاله.
______________________
عند شغف ومسلم.
وصلت وسلمت علي ريم وقعدت تشتغل ومسلم جه وطلب القهوه بتاعته شغف عملتها وراحت تدهاله.
شغف بهدوء:حضرتك عايز حاجه تاني.
مسلم بجديه:عندنا ايه النهارده.
شغف بجديه:عندنا انهارده اجتماع مع شركه N&H واجتماع مع الوفد الايطالي وغداء عمل مع العميل الروسي.
مسلم بجديه:تمام اتفضلي وهاتيلي ورق صفقه الشركة................ وابعتي فاكس لشركه M&J.
شغف بجديه:تمام اي حاجه تاني.
مسلم بجديه:لا اتفضلي.
شغف بهدوء:تمام.
راحت جابت ورق الصفقه وراحت تعمل اللي قالها عليه.
___________________
عند رغد ويوسف وصل وطلب القهوه بتاعته ورغد عملتها وراحت تدهاله.
رغد بهدوء: حضرتك عايز اي حاجه تاني.
يوسف بجديه:اه اتفضلي اقعدي.
رغد قعدت باستغراب.
يوسف بتسال:في حد اكبر منك او راجل كبير.
رغد باستغراب:لا ليه.
يوسف بابتسامه:عايز اجي اشرب شاي عندكوا.
رغد بغباء:ليه هو انتو مش عندكوا شاي في بيتكوا.
ضحك يوسف بصوت عالي وسرحت رغد في ضحكته.
يوسف بضحك:لا عايز اجي اطلب ايدك.
رغد بصدمه وتوتر:ايه أنا لازم اروح اكمل شغل.
يوسف قام بسرعه ومسكت أيدها.
يوسف بهدوء:طب اجي امتي والساعه كام.
رغد من غير ماترد عليه خرجت كتبت رقم حد وراحت ادتهوله.
رغد بتوتر:ده رقم واحد جاري بعتبره ابويا و ولي امري تقدر تكلمه.
خرجت جري ويوسف ضحك عليها.
الكاتبه/جنات محمد.
