أعِرفك مو الُي
بّس أنهَ اهـوأك لأن
أنتَ الوحِيّد المَالي عينّي!.
الكاتبة روح الدليمي🦅🖤.
اسد
كعدت الصبح ولكيت الشباب نايمين ماكعدتهم صعدت لغرفتي غسلت وبدلت ونزلت لان اعرف الكل هيج وكت يكونون كاعدين
اسد: صباح الخير
الكل: صباح الخير والعافية
ابو اسد: بوية اسد اليوم البنت تچي حتى تعقد عليهة
اسد: صار بوية بس انه عندي شغل اكمل واجي
ابو اسد: على راحتك بوية همة الجماعة يجون ب 3 العصر
اسد: انشاء الله بوية
نور
كعدت الصبح اليوم اروح غسلت وبدلت لبست فستان اسود وشال اسود وحذاء اسود كلشي اسود حتراماً الهم لان عدهم ميت
نزلت على بابا وماما ضليت كاعدة بنصهم وحاضنتهم بعدين اكلنة اني وبابا وطلعنا للبصرة
الطريق كلة اني ابجي لان حفارك اهلي بس مابين ال بابا
المهم ورة كم ساعة وصلنا للبصرة وكفنا يم مطعم تغدينا وطلعنا
وكفنا كبال بيت ما شاء الله قصر واكفين برة حرس هواي وزلم كلهم لابسين دشاديش
نزل بابا هوة ويا ناس وضلو يحجون وياهم ورة شوية اجة بابا علية كلي يلا بنيتي نزلي
نزلت وهوة كلي يلا بابا طبي احنا حنروح اني حضنتهة ودعتة وطبيت ويا رجال جبير ب العمر وجهة بشوش ويدخل الكلب بسرعة كلامة يريحني
ابو اسد: نورتي بيتج بنيتي لتخافين انتِ بيت اهلج الثاني ومحد يتجرأ يحجي وياج كلمة وانه ابوج وراح تحبين الكل
نور: انشاء الله عمو
ابو اسد: لا بوية صيحلي بابا لتكولين عمو انتِ من اليوم بنيتي والي يأذيج يأذيني
نور: تمامم
طبينا طلعت بوجهنا مرة جبيرة رحبت بية واكلتني اكل ب السلام عبالك تعرفني وحبيتهة حسيتهة مثل امي
ام اسد: هلا يمة شهل جمال ماشاء الله الله يحفظج بنيتي
نور: تسلمين خالة
ام اسد: بنيتي ليش خايفة لتخافين انتِ مثل بناتي وانتِ مالج ذنب ب الي صار ولتصحيلي خالة يمة صيحلي ماما اي شي انتِ شسمج
نور: اسمي نور
ام اسد: ماشاء الله نور اسم على مسمى
وضلينا نسولف اني وماما ام اسد كلش ارتاحيت الهة
وبعدين اجوي ثنين بنات عرفتني عليهة ماما
ام اسد: هاي بنتي الجبيرة فاطمة وهاي ريم الصغيرة يمة هاي مرت اخوكم اسمة نور
فاطمة وريم: اهلاً نور نورتينا
نور: هلا بيكم
ام اسد: يمة اخذو نور ترتاح بغرفة اخوج
البنات: صار ماما
نور: البنات شوفوني البيت والغرف وعدهم مرة ههية وبناتة عايشين وياهم يطبخون وينظفون الهم بعدين وصلنا يم غرفة فتحت الباب العطر الي ب الغرفة يموت طبينا اباوع الغرفة كلش حلوة لون ابيض واسود ومرتبة وبداخلهة حمام
البنات: نور هاي غرفتج انتِ واسد
نور: بنات احجولي عليكم وع الكل
ريم وفاطمة ضلو يسولفون ال نور ع العائلة كلهة وصلو يم اسد
ريم : نور ترة اسد كلش حباب وحنين متلكين مثلهة صدكيني وها ترة هوهة مزوج وعندة اطفال ثنين ثوأم وزوجتة من دتولدهم توفت
نور: خطية الله يرحمة لعد شلون الاطفال تربو بدون امهم
فاطمة: اسد من يوم الاتوفت مرتة بي لحد هاي اللحظة هو مداريهم بس البنية اخذوهة اهل امهة يمهم لان اسد اخذ فترة طويلة ضايج من الجهال وميتقرب عليهم وابنة ضل يمنة احنا وماما ندارية
نور: يا خطية يروحي شكد عمرهم ههسة
فاطمة: عمرهم 10 اشهر
نور: صغار كلش شنو اسمائهم
ريم: اسد ماقبل يسميهم لحد هاي اللحظة وحتى ممسويلهة جناسي ولا اي شي بس احنا الولد نسمي علي وهوة يكول من اسجلهم اغير اسمة والبنية ممسميهة اصلاً
نور: والاطفال شنو ذنبهم
فاطمة: والله مادري حتى هوة جان ميريد يتزوج علمودهم يكول اذا ازوج يجوز زوجتي متصير زينة وياهم ومتحبهم
نور: زين اسد شنو يشتغل شكد عمرة
ريم: يشتغل ضابط وعمرة 30
نور: زينن بنات الجنط مالتي وين نسيت اصعدهم
البنات: ههسة نصعدهم الج ونرتبهم وياج
نور: تمام ( كلش حبيت ماما ام اسد وبابا والبنات ورتاحيتلهم الحمدلله عبالي حيأذوني )
صعدو البنات الجنط ورتبنا الملابس والمكياج وكملنا كلشي ونزلو وكالو من يجي الشيخ نجي عليج
اني طلعت ملابس واخذتهم ورحت اسبح
طلعت مشطت وضليت اباوع ع نفسي ب المراية واكول اني وين جنت وين صرت 😞
بعدين حمدت الله وشكرتة انو عيالي طلعو زينين وياية بعد اشوف اسد وكلش متحمسة انو اشوف جهالة احس راح احبهم 💖.
نكمل ب البارت الخامس ✨❕.
الكاتبة روح الدليمي 🦅🖤.
اباوعّلك غَفل واندَار مِن تندَار .
أنت تقرأ
فصلية الشيخ اسد 🦅🖤.
Science Fictionأُخْفيَكَ عنِهم بَعيدًا بيَن أعمَاقِي ويَفضحُ الحبَّ لوعَاتِي وأشوَاقِي وأُخِبرُ الناسَ أن لا عِشقَ يُسكُنني ويَقرؤونك فِي صَمتي وإطراقِي 🦅🖤 .
