مراد

16

دخل مراد وسعد بيتهم ومراد يناظر فابوه
مراد:يبا صعب كثير كذا بيتنا طابق ثاني
سعد:الشكوى لله بشوف اهلي يفضون لنا غرفة عندهم
مراد هز رأسه وقال بصوت مرتجف :ابي الحمام
سعد ابتسم ع خجل مراد :ابشر
دخل سعد مراد الحمام وساعده وخلاه يتسبح وخرجوا
مراد:مشكور يبا
سعد:الي مسويته لك وانت صغير بسويه لك وانت كبير
مراد ابتسم فهو اساسا شخص حساس وعاطفي لكن وش نقول
مراد :يبا بنام
سعد :زين يلا بتنام انت وانا بنام لاني تعبان
دخل سعد مراد غرفة سعد وسدحه ع السرير ونام ونام جنبه
مراد:يبا ليه مخليتني انام في غرفتي
سعد:هنا احسن عشان تكون أقرب لي بكره بس اروح لاهلي واشوف لنا غرفه بحط سريري وسريرك مع بعض
مراد مارجع تكلم ونام وسعد كذلك الأمر

ثاني يوم الصباح

سعد:مراد يلا قم صلي وافطر
مراد:يبا ليه ما صحيتني للصلاه
سعد:صحيتك بس انت ما قمت
مراد: يبا ماعليك امر ساعدني بتوضأ واغسل
سعد ساعد مراد
مراد:يبا انت مداوم اليوم
سعد:لا اخذت اجازه اسبوع ما قدرت اخذ اكثر
مراد هز رأسه بطواعيه
مراد:يبا وانا متى بتردني المدرسه
سعد:صعب جدا الحين تروح المدرسه وخصوصا ان المدرسه مو مجهزه حق الكرسي وكذا
مراد:يعني
سعد:بحولك تعليم اون لاين تدرس من البيت
مراد:اممم كويس اهم شيء الشهاده بالاخير
سعد:وانت صادق
قام سعد رتب البيت وكذا ولبس واخذ مراد ونزل عند أهله
الجد هزاع:ياهلا بمراد
مراد :ياهلا فيك ياجد
الجده مناير:افطرت يمراد
مراد :ايوه
مراد ناظر المجلس الي يناظرون له جميعهم بشفقه وانقهر لأنه ما يحب ذا الشيء
مراد بجرئه:وش مضيعين شيء بوجهي
الكل قام نظره عن مراد
قرب عزيز وهمس بإذن مراد:هاا يالمعاق السانك بقى على حاله
مراد :اقول وخر لقوم لك
عزيز :تقوم لي يا معاق
مراد انقهر من عزيز ذا وزاد غبنه من وضعه الي مخليه محل شفقه وسخريه هذول وهم اهله شنو بيقول له العالم الخارجي

مراد بصراخ:عزيز وخر
قام سعد وقرب من مراد:وش فيك
مراد:ردني البيت
سعد:خلاص جهزنا غرفه هنا تحت عشانك انت
مراد:خذني لأي مكان مافيه ناس
هز رأسه سعد وخذا مراد لغرفته
مراد جبس يبكي وابوه يناظره بقهر وغبنه وقال:ليه تبكي يا مراد
مراد:ما تشوف كيف كلهم يناظروني
سعد:ماخبرتك كذا يا مراد لازم تكون أقوى من كذي اذا نظراتهم بس أثرت فيك كذا وش بيصير لو احد رمى عليك كلام
مراد هز رأسه لابوه وقال :الحل سهل ما بخرج من غرفتي وخلاص لا بشوف ولا بسمع
سعد تنهد من مراد وما يبي يناقشه وهو منهار كذا
خرج سعد
مراد مسك جواله يكلم اخوياه
حمزه :مراد عادي لا تضايق عمرك
ضاري:اعرفك أقوى من كذا
نايف:مراد تخطى تخطى مافي شيء يستاهل
معاذ:خل وضعك يستقر شوي وباخذك لفه بمزيونه

مزيونه ذي سيارة معاذ الجديده
مراد ضحك فخوياه قدروا انهم يحسنون مزاجه بكلامهم البسيط وقرر يخرج من غرفته ويواجهم وبعين قويه بعد
مراد:يبااااااااااااااأااااااااااا
سعد الي انفجع من صوت مراد وفكر ان في شيء سيء صار له وقام يجري وأهله وراه لان تفكيرهم نفس تفكير سعد(تخيلوا المنظر🤣🤣🤣)
سعد فتح باب غرفة مراد بقوه:هاا وش فيه
مراد انفجع من ابوه وأهله
مراد:مافي شيء بس ابيك تخرجني من هنا بروح اجلس برااا
حمد:الله يصلحك يا شيخك بروح ادور قلبي مدري وين طاح
مراد:هههههههههههه ليه وش صار
حمد:هذا طال عمرك سمعنا واحد يصرخ يبي ابوه وفجعنا
م

راد:متأسف صراحه اشكالكم تحكي
سعد ضحك وقال:ما عليه يلا يلا
خرج مراد من غرفته وجلس مع أهله يسولف مع ذا ويطقطق على ذا ويلعب شوي بالجوال وكذا
الجد هزاع:الغداء جهز يلا
حمد:يبا وين بناكل
الجد:ع الارض
حمد:اذا انا وسعد واحمد ومراد بناكل ع الطاوله الي جوا
مراد ابتسم لعمه
مراد:عمي ماله داعي
احمد:الا حنا بنروح كذا بنغير جو