فصليه الشيخ سيف

بارت 6

هلاووو الله اليوم الأحداث فد شي ياريت تقدرون تعبي واصوتون ويله نبدي ✨🙂

👻.............................................................👻

بنين:طلعت من الحمام وأخذت ملابس ودخلت الحمام بدلت ولبست شالي وحطيت كريم ومسكاره وتنت
ردت انزل وقفني صوته

سيف:وين نازله هيجج

بنين:جوه يعني وين وشبيه

سيف: لسانج كصري احسلج وبدلي ملابسج ومسحي الحمره وبعدين نزلي

بنين:والله حرت وياكك هسه شلبس تراك متقبل ودشداشه متقبل وبعدين هاي مو حمره هاذا تنت ومو نفس الحمره هذا منمسح

سيف:صوتج نصي لا أطيح حضج ما أريد امد ايدي عليج قبل شوي كتلتج وهاي هم تنحسب دشداشه شوفي الجاكه من الصفحه والحزام ضابته ومال للحمره معرفة التنت هاي مشكلتج عشر دقايق أنت جوا بساعع

بنين،:مالي خلك اتعارك ويا عفته وطلعتلي دشداشه مابيه فتحات ومضبيت الحزام والتنت خففته ونزلت شفته سوى روحهه مشايفني عفته وطلعت للحديقة 
شويه وطلعت وراي اديان

اديان: ها شكو ماكوا

بنين: صافية دافيه اكلج والله ضوجه

اديان:أي والله شنسوي بعد

بنين:اكلج أكو مواد مال كيك اني من اضوج أحب اسوي حلويات

اديان:عد عيناج هية آكول لمهيمن يروحلنه

بنين:لا مو هسه العصر ودي الأسواق وهسة خل
ندخل جوا نساعدهم

اديان:يلاا تعاي

بنين:دخلنه جوا اني اعزل البيت وياي اساور لان ما اعرف أطبخ وخال أم سيف تطبخ وياها اديان وساره
كملنه تعزيل الغرف ومسحناها ورتبناهاا وطلعت على الصاله والدرج الي يصعد على غرفتي ذبيت مي ومسحت الدرج ونزلت للصاله هم لكيت اساور معزلتها ذبيتلها مي وزاهي رفعت دشداشني بل داخليات وشديت شالي براسي ونزلته على صدري منا ومنا ومسحت الصاله  طبعاً الولد راحوا للديوان طبعاً الديوان صاير مقابيل البيت بس بل طارمه وكلش طويل على طول الكراج (الطارمه اصير طويله كلش يمكن 800متر لان عدهم خير ما شاء الله وشيوخ جدا عن اب وبنهايه الطرمه يصير باب جبير واكفين بي حراس والطرمه مقسمه من الجهة اليمنه المضيف على طول الطرمه وبنص طرمه عاديه ومطبكه سيراميك ومن الجهة اليسره حديقه على طول الطرمه) المهم كملنه اني واساور صارت بل12:00 وصبوا الغده اني بعد متحملت صاحتني ساره

ساره: ها وين صاعده راح نصب غده

بنين: بعد ما اكد متت من التعب اريد اسبح وانام

ساره: يا ولج اتغدي ونامي لتنامين بدون غدا

بنين: ابد والله ما اكد

ساره: هههه تمام براحتج

سيف: دخلت وسمعت كلامهن وضحكت بيني وبين نفسي وكتلهم.. يلاا وين صرتوا صبوا الغدا شويه وصبوا الاكل وجدي سئل على بنين