رواية الوديعه (الأمانه) .

بارت 7

نهضت وفاء بعد مغادره خديجه وارسلت لشوق ضروري تردين علي
بسرعه ردت خير وشفيك
قالت اسمعي واخذت تعلمها باللي صار
تنهدت شوق خديجه هذي غريبه كيف تبكيك تتكشفين قدام الرجال
قالت انا مثلك مصدومه
قالت انتبهي تلبسين لبس مكشوف تراه رجال غريب عنك مهما كان وانتي ماشالله جمال ودلال واناقه انتبهي
قالت طيب انتي وجهيني وش اسوي الناس تننظرني
قالت البسي تنورتك وبلوزتك حقات الجامعه عالاقل ساترات لوانك مااشالله فيهن
قالت لاا صعبه البس تنوره. قالت عندك فستان واسع قالت لا
قالت خليك بعباتك افضل البسي بس خلي عباتك عليك
واكيدلكم جلسه خاصه يالبنات عاد اكشفي براحتك
قالت طيب بالبس تنوره وبلوزه
قالت شعرك انتبهي انتبهي تفكينه سويه كعك
قالت مستحيل اشيل طرحتي
قالت بتشيلينها بنقولك خديجه ليه كذا وتحرجك خليك عالاقل مرتبه
قالت آه ياشوق احس اني. تعبت تعبت بعداللي صار اخر مره كل خوفي انه يفكر في نظرتي له تغيرت
قالت والله ماعنده تفكيرك جت عفويه مدامه مااعتذر ولاشي
قالت ابدا للاسف
قالت خلاص حركه عفويه انسيها
قالت بانساها
يالله باتجهز
رنا جالسه وعيونها بابوها وهو يطقطق بجواله وامها ترضع بتال
تنهدت بعمق ماما خذي فتامينات انتي ناحفه بقوه
طالع ابوها
قالت امها شاكيه لك انا
انصدمت رنا
ابتسم ابوها ولف ذراعه حول خديجه
امك جميله بكل حالاتها
قالت رنا بس امي ماتاكل زي اول ونحفت بقوه
قالت يابنتي انا بنيتي كذا من اول وعاجبني شكلي
قال ابوها امك رشيقه كلها انوثه وجمال
طالعت فيه خديجه وعفست وجهها
الله عالكذب
ضحك بقوه والله ماكذب
ابتسمت رنا الله يخليكم لي ولايغير عليكم تدرون انكم اجمل ثنائي
ابتسم ابوها امين يالله باالبس انا ونهض
قالت بابا اكشخ لانا بنتصور
ابتسم تبين البس بشت بعد البس
ضحكت ياليت
طالعت خديحه تلبسها ان شاءالله عن قريب
انصدمت رنا 🤔
طالع ياسر ان شاءالله ب زواج رنو
وراح لغرفته
تنهدت رنا ماما انتي مره حلوه ابتسمت حبيبتي انتي ليش مشغله بالك علينا
قالت مدري احس تغيرتي
قالت والله ماتغيرنا بس انتي شايله هم انك تتركينا
قالت ايوالله اخاف خواتي مايساعدونك
قالت لايابنتي تطمني ماراح يتغير شي الشي الوحيداللي بيتغير هو اننا راح نفقدك
تنهدت بعمق اخخخ مااما اسكتي
ترتبت وفاء فاذا رنا تدخل وتفاجئت بااناقتها ابتسمت ايوا خليك كذا ابتسمي للحياه حياتي وضمتها لها
قالت الله يوفقك اختي رنا وحياه سعيده ان شاءالله 🤍🤍
لحظات طلعوا جميعا بسيارتهم الفارهه للشاليه عيون وفاء بعيون رنا وممسكات بيد بعضهن 🤍
هدى بحضنها علي وامينه بحضنها بتال. وامهم بحضنها انس وطارق بالمرتبه الخلفيه كل شوي يخبط براس وحده من خواته طفل شقي
وصلوا للشاليه وكانوا مجهزين كل شي نزلن البنات
اخذت وفاء علي وحضنته بين يدها
ودخل ابوهن قبلهن وهن يرتبن انفسهن عند الباب
امسكت امينه بيد طارق بقوه
تعال يااشقي
فاذا ابوهن
تفضلن اميراتي
واخذ طارق وشاله على كتوفه ياشقي
اسرعن البنات لغرفه التجهيزات وطلعن عبايتهن واخذن يرتب المكان
جلست خديجه بالصالون حضر ياسر عربه التوائم ونزلهم فيها
واخذ انس ونزله بعربته وجلس مع خديجه
قال المكان حلو صح
هزت راسها اختيارك دايم حلو
ابتسم واكبر دليل اختياري
لك
تنهدت بعمق خلوني اشوف البنات ونهضت وتركته
هز كتوفه وضحك وهو ياخذ جواله ماافيه شي يرضيك
دخلت خديجه وشافت البنات يضبطن الكعك والمكان.  ويرتبن الصحون والزينه  وفاء مجتهده معهن بعباتها
اقتربت منها
فوفو  التفتت هلا خالتي  قالت شيلي عباتك وشيلتك
قالت لا انا مرتاحه كذا
قالت امينه والله ماما صادقه
قالت خديجه حنا اتفقنا يابنتي
قالت بهمس خالتي لاتحرجيني الله يسعدك
بوزت بفمها تبين ازعل عليك؟
قالت كل شي ولازعلك ياروحي آمري
قالت وهي تشيل طرحتها
لاتكتمين نفسك تنفسي عيشي حياتك. فاذا رنا تدخل وانصدمت.
مامااااا
التفتت لها تعالي يابنتي اسمعي
قالت وش فيه
قالت تبي تجلس بطرحتها وعباتها
قالت طيب عادي تراها تستحي طبيعي
سحبت خديجه طرحتها وانااقول ماله داعي
انصدمت رنا
وطالعت لوفاء بصدمه انتي راضيه
هزت كتوفها خالتي زعلت مني شسوي طيب
قالت وهي مستغربه من تصرف امها
خلاص خلي عباه البنت لاتشيلينها
طالعت امها
تبينها مكتومه طول الوقت بعباتها هذي بنتي مثلها مثلكم
همست رنا لامها لاتحرجينها ماما
قالت وفا خالتي عباتي لا ممكن حببتي وهي تبوس راسها
قالت والله لازعل عليك وتركتهن وطلعت
انصدمت رنا 🥺🥺
وطالعت لوفاء حكم القوي على الضعيف الشكوى لله يالله شيليه عشان ماما
قالت وفاء طيب وشالت عباتها وعلقتها وبدآت وكانها قطعه لؤلو
🥺🤍ا