عيوني نطت ويه صوت فتح الباب ركضت بكل سرعتي للغرفة صرت ادور على المفتاح بقلب ينبض بعنف، راح اموت من الخوف شسوي بروحي راح يجوني راح ياخذوني...
يأست اللكه المفتاح طفيت الضوة و طبگت باب غرفتي ورحت اختل جوه الحرباية اصم بحلكي حتى ميطلع صوت انفاسي اختل توازني من شفت شخص لابس بوت اسود يدخل للغرفة ويقترب من الفراش احس روحي جاي يسحبوها ماكو مفر بعد رحت بيها اليوم اني مقتولة مابيها مجال...
صرخت اغمض عيوني كاتمة صوتي وابتعد ادحس روحي بنهاية الحرباية من شفته يمد راسه جوه السرير وموجه ضوء فلاش علي..
:1
ورووحها لامي اني معلي هو المجرم مو...
انيي هو الكتل ولدكم واذى بناتكم ويتم اطفالكم والله هو و مو اني روحوله لا تجووني ماعرف شي اني ما اعرف والله تعبت تعبتتت رحمووني كااافي
اعيط وابجي وارجف واحلفلهم بروح امي اني معلي بلكت الله يعوفوني..
رحم الله والديج
فكيت عيوني على وسعها ويه صوته ركزت انظاري عليه ما اشوف شي بس ظلام والضوه علي صاير عادم الرؤيا عندي..
هاي كلشي ما سويتلج وكتيتي الأول والتالي، لا انت كلش مو خوش شريكة
ولللك هذا انت يالعااار
استغفر الله من لسانچ چنچ فارة تتختلين وتخافين من خيالج
وبس يمي لسانج الف مترة
لانك مو امان وواحد نعال
سحبني من ياختي يكومني من الكاع و گفت بسرعة قبل لا يمسح بكرامتي الاراضي وقررت استرد قوتي واغرد له
شوف لك ابن العار قندرون اني بنت امي ومحد يكدرلي اللعب بيكم......
انجبيت من جرني من خصري يقربني عليه صرت مثل الطرنة لا اخذ ولا انطي من حركته المفاجأة وكلامه الهادئ وانفاسه الحارة اللاهثة عبالك جان
يركض قبل لا يجيني...اتوقع لازم نشتغل اكثر على موضوع لسانج الوصخ
وليمد ايده يجرني من رجلي يطلعني من جوه الجرباية مثل الجريدي من الفشلة بقيت ممطولة بالكاع وهو فوگ راسي
مكنبص...
- يتم اطفالكم واذى بناتكم وذبح زلمكم
معقولة اني مسوي كل هالشغلات؟
واکثررر
لعد شكد نذل اني
توك دريت ؟!!
انلصمت من لزم حنجي بخفة بدون لا يأذيني فتحت عيوني على تصرفه شبي هذا شراح يسويلي يمة بس لا يذبحني
انت شلون وياچ بس فهميني شلون
شلوناخاف اموت وتظلين حسرة بكلبي
جمدت ما جاوبته ماعرف ليش ما غردت لو طلع صوتي، ابتسم يمسح على خدي
بأبهامه واردف بنبرة ساكنة حنونة...
متعود على العنف والخشونة، على الاغتيالات والعداوات، اسلحة بيدي و سچاچين بجيوبي، صلخ وجلد وكتل كل هذا وما متت.. بس راح اموت اموت لو انمست شعرة وحدة منج يا
اترف شي لمسته ايديه....
