نـيران الـ غَيــاث

الـنـار الاول

الكاتبه نـعـنـاع
.
.
.
2024/7/25
.
.
.
اهلاً وسهلاً بكم بروايتي الجديده
النشر راح يكون بأذن ربي كل يومين بارت

___________________________________________

عـلي الدُر:- اباوع على ابوي  صافن مااعرف شني من مصيبه ذبها عليه تنهدت امسح وجهي حاير
:- شلون تتصرف بدون علمي ياب مو صغير انه؟

جَـواد:- تريد تفشلني چدام صديقي؟انه كتله وانتهى النقاش

كمت حاير شسوي متزوج من عمري 18 وعمر زوجتي 13 هيَ صغيره وانه صغير لكن بحكم انه ابن عمها وهيَ بت عمي تزوجنه وأيضاً اصرار من ابوي
وهسه يريد يزوجني بعد مصار عندي خمس اطفال؟

احب زوجتي ليش اتزوج عليها لا مقصره ولا شي اتزوج ليش ااااخ يابويه اااخ دخلت للبيت واستقبلوني اطفالي الي احمد ربي باليوم الف مره انرزقت بيهم

ابتسمت واني اشوف ابني الاكبر راح يصير بطولي الزواج المبكر بي ايجابيات واول ايجابيه اطفالك يكبرون وياك عمري 32 وابني الاكبر عمره 15 واكو اصغر منه بسنه وبسنتين وبسنه وبسنتين اعمارهم متقاربه جداً

تقدم ابني باس راسي وايدي بسته وكلت
:- شلونه روح ابو؟

حَيدَر:- بخير بويه

رفعت راسي وابتسمت من شفت بناتي يركضون بناحيتي فتحت ايدي حظنني بقوه يبوسن بيه اعمارهن 10 9 واحسهن توأم رفعت ايدي بنتي الاعتبرها الجبيره باستها باست خدي وكالت

رُسيل:- بابا مشتاقتلك هوااي

ضحكت بقوه من شفت الصغيره مبرطمه تباوع بحقد الانو رُسيل حاضنتني ابتعدت رُسيل وتقدمت توناي دخلت بحظني فرحانه

تُوناي:- بابييي

:- ياروحه ،يلا امشو دخلو جوه يلا

دخلت للبيت وهمه محاوطيني طلعت من الغرفه على الصوت دُره روحي مبتسمه بوجهه البشوش نزلت توناي وفتحت ايدي تقدمت حظنتني بست خدها الناعم ابتعدت وكالت

دُره:- تأخرت ببيت عمي

عـلي الدُر:-ابوي رادني بسالفه وتأخرت

هزت راسها مبتسمه وراحت تكمل الاكل كعدنه بالصاله ناكل واصوات المناكره والضحك احب عائلتي الصغيره احس ملك الانو ملكتها

صار الليل وكلبي انقبض شلون راح اصارحها؟

دخلو اطفالي ينامون بغرفهم ودخلت انه لغرفتي لكيتها دترتب بالملابس وتعزل على السريع ابتسمت متبطل مهوسه نظافه تقدمت شلتها وحطيتها على الجربايه كعدت كبالهه لازم وجهه بثنين ايديه احاجيها
:- عندي موضوع وياچ

دُره:- شبيك علي قلقتني؟

سحبت نفس باوعت بعيونها وكلت
:- ابوي حاجي ويا صاحبه ومقررين لازم ازوج بنت صديق ابوي