يومها بين ايديني و الغلا عادي يوم قفت تفجر حبها فيني

P5

السلام عليكم ورحمه الله وبركاته طبعاً ماقدرت اخليكم والبارت قصير واشتقت يعني لا اكذب😭
~لا استبيح القراءه بدون⭐️~

وصلو مشعل ونايف ونواف وعيالهم
عبدالرحمن:مين على الباب؟؟
مشعل: انا انا
فتح الباب عبدالرحمن وعقد حاجبيه لأنه مايتذكرهم كان عمره13
عبدالرحمن: مين انتو! وليه جايين
مشعل: ابوي هنا ؟
عبدالرحمن: ابوي! ابوك مين وانت مين بالضبط!!؟
مشعل : انا اخوك ناد ابوي
عبدالرحمن عقد حاجبيه وناد ابوه
الجد محمد شافهم وتوسعت عيونهم وضم مشعل
الجد:ياهلا ومرحبه تو ما نور البيت وش ذي الغيبات كلها ها! زعلان منكم تخلوني وتروحون 15 سنه!
نايف: والله اسفين ي ابوي الدنيا حدتنا والشغل
عبدالرحمن: يبه من ذول!؟
الجد: افا ماعرفتهم ذول اخوانك
عبدالرحمن ب استغراب: اخواني!؟
تنهد الجد وقال: امشو امشو لا توقفون عند الباب
دخلو وجلسو
الجد: قم عبدالرحمن ناد امك واخوانك وعيالهم
عبدالرحمن : ابشر
جو كلهم وراحت الجده مريم تركض تضم عيالها : وينكم من زمان والله مانسيتكم بيوم وينكم ويينكممم
مشعل : يايمه والله الدنيا حدتنا واحنا نعتذر واسفين
جو خالد و احلام وعبدالعزيز ضمو نايف ونواف ومشعل وعلي و عبدالرحمن وازهار والأحفاد عليهم وجيه  الأستغراب
ارجوان: يبه شسالفه؟ ومين ذول
قال الجد: اجلسو وانا افهمكم الموضوع
بالفعل جلسو الكل وقال الجد: يا عيال ذولي عيالي يعني اعمامكم واخوانكم ذولي عيالي كانو قبل ساكنين عندي بس قبل 15 جتهم الثلاثه سوا شغل عمل واضطروا يروحون جده وأشر على عيال نايف ونواف ومشعل وكمل: وذولي عيالهم يعني عيال اعمامكم
نجد: يمامي يخوفون ليه كدا يناظرون!
نجود: يغبيه مستغربين وجودنا عشان كدا مستغربين( كانو يتكلمون جداوي بس ماعرفت اضبطها😭)
مجد: يمامي كلهم كبار
قلدها علي:يمامي كلهم كبار
ضحك الجميع على علي وجلسو يسولفون وقامو البنات ونادو معهم بنات نايف ونواف و مشعل
ارجوان: هاي بنات انا ارجوان وأشرت على العنود: وذي اختي العنود
قالت رانيا: وانا رانيا بنت خاله ارجوان و العنود وذي بنت خالتي أشترت على اسيل : وذي بنت خالتي اسيل
ارجوان: وذول بنات جيراننا الين وعائشه وأشرت على اسدان وارياف وريناس وفجر : وذول بنات خالتهم اسدان و ارياف وريناس وفجر
نجد: ما شاء الله كثيرين
نجود:  تشرفنا وانا نجود بنت عمكم مشعل ودي نجد اختي ودي مجد اختي كمان
ملك : وانا ملك بنت عمكم نواف ودي اختي ملاك
تالا: وانا تالا بنت عمكم نايف واختي تالين صغيره عمرها 6
ارجوان : تشرفنا وترا حبيتكم
ضحكو البنات عليها
نجود: ي حبيبتي انتِ
ارجوان : وه قللببيي. ما اتحمل الكياته
نجود: قلبببييي
نجد: صح اني ما امون بس وربي ما تقعد ب حلقي ب اقولكم وش صار وحنا جايين
ارجوان بضحكه: حياتي قولي قولي
نجد: تخيلو فجاءه نجود قالت بتنزل دوره المياه( يكرم القارئ) و... قالت لهم السالفه بس ماتدري ليه تهاوشو
ارجوان: طيب كيف يتهاوشون بدون سبب كذا!
نجود: الا في سبب بس ماقلت ل نجد عنه
نجد: حيوانه ليه ماتقولي وش السبب؟؟؟
نجود: الحين بقولك اسكتي شوي
ضحكت ارجوان
وقالت لهم نجود السبب: وبس ذا السبب الواطي مايستحي على وجهه
اسدان: وجع ان شاء الله لو مكانك دعست وجهه يقهررر
فجر: حبيت شكله في قصه حب قريب بنسمع وغمزت
نجود: يمه لا تكفين
ارجوان لفت على مكان العنود واستغرب انها موب موجوده: يمه العنود متى امداها تختفي تعالو نشوف وين راحت يا انها تقرا ولا عند الخيول ولا عند الأطفال انا اعرف
راحو ولقوها مع ريما وتالين
رانيا: والله اني داريه
ضحكو البنات ورجعو مكانهم يسولفون
عند العيال بعد ماتعرفو قام وقالهم بروح عند ريما وحشتني
العيال: يالليل روح روح اذلف
راح ولقيها عند ريما وتالين
لفت حست احد وراها: وجع تكلم على اقل عشان اغطي شعري وصد لا افلم فيك
فيصل: اعوذ بالله اكلتيني
العنود: اي بعدين تعال وش جايبك هنا يالملقوف!
فيصل : جيت اشوف ريما والبنت الحلوه الي معها ضحكت تالين
وقالت بصوت طفولي: انا تالين ي عمو
فيصل: يازييينن عمو يشيخ
ولف يناظر ريما : شكلي بسحب على ريمو
ريما: يع يع اصلاً ما احبك بروح عند نودي وانت اقعد مع تالين ولا اقول تالين تجي معي وانت لحالك انننن
فيصل وسع عيونه وقال : اعوذ بالله لسانك طويل
قالت العنود: والله انك كفو احلى روري تربيتي
ناظرها فيصل وابتسم ابتسامه خفيفه وراحت العنود عند البنات
فيصل من داخله: يالبيه وربي انك انتِ الحلوه انا اوريك بس
ناظر ل ريما وتالين وقال: اي ريما قصري حسك وتعالو نلعب واركبكم الخيل وش رايكم؟
تالين: الله عندكم خيول ككييووتتت
ريما: اذا كذا راضيه عليك ي فوفي
تالين: عمو
فيصل: يا عيون عمو صح ماني عمك بس يازينها منك يشيخه
ابتسمت تالين وقالت: عمو وش اسمك ماقلت لي اسمع ميمي تقولك فوفي اسمك فوفي؟
فيصل: يعيون عمو لا اسمي مو فوفي بس ريما تقولي كذا
تالين: عمو اجل وش اسمك
فيصل: اسمي فيصل يقلب فيصل وشراعينه
تالين: الله اسمك حلوووو مرررههه
فيصل: يناس بمووت يشيخه من جابك هنا اشكر ام امه
ابتسمت تالين وهي مو فاهمه كل الكلام
ريما بزعل: فوفي سحبت علي خلاص زعلت
فيصل: ولا تزعل عيون فوفي شرايكم نروح البقاله؟
قالو سوا: الله اييييي ونبي حلاوو
عند العيال: ذا شبلاه طول
فهد: اي فيصل شاف ريما وشكله شاف البنت الصغيره معها احلمو يجي
سيف: اي ذيك تالين
عبدالله: يازينهم يجننون الله يرزقنا بس
العيال: امين
فراس: شجوكم الحين ! وش ذا الجو البيض
ناظرو له وقال فهد: ما عليكم منه ذا عنده مشكله ب عقله طنشوه
قال علي: انشهد وربي غثيث
فراس: كلو تبن بس تقرفون ليتني عند خوالي ابرك وقام
عبدالله: ماعليكم منه طنشوه وامسحوها بوجهي
العيال: لا شدخلك انت خله خله
عباد وعناد بهمس عباد: يرجال انشهد يرفع الضغط
عناد: يرجال طنشه اسمع اخوانه متفشلين منه شكله رافع ضغطهم
عماد: هي خير تتهامسون كأنكم حريم
عناد:هاه لا ولاشي
عند فيصل وهو راجع عند العيال صادف زوجه عمه فاطمه قال: اعوذ بالله بس فاطمه: وجع شايف جن!
فيصل: تكرم الجن بس لا مو شايفها قاعد اشوف زوجه عمي
سمعه فراس وعرف انه يقصد امه وسحبه
فيصل: وجع كسر تكسر يدك ابعد
فراس: وش الكلام الي قلته ل امي
فيصل: اعتقد اني قلت يكرمون الجن عندها!
فراس عطاه بوكس : تكلم ب احترام لا اربيك عائله فاشله وجد فاشل معهم قطع يقطع لسانك قام فيصل ومسكه وطلع كل الي بقلبه فيه
طلعت العنود وشافتهم  وركضت : فيصل فيصل قوم قوم خل فراس
قام فيصل من سمعها وقالت له: صار لك شي !
فيصل: لا بس ذا ال..... يبي له تربيه من اول وجديد
العنود: امسك الفاظك وكلامك
فاطمه: وجع تدافعين عنه !!!!!؟؟؟؟
العنود: لا ما ادافع عنه ولا عن فراس لأن اعتقد الموضوع واضح مين جاء ل الثاني
فاطمه : قطع يقطع لسانك ترادديني!!!!
العنود تجاهلت امها وهي تعرف وش تقول
عند العيال: هي فيصل طول تعالو نشوفه
بالفعل راحو وشافو فيصل وفراس كلهم د/م
ماجد راح ل اخوه: وجع مين سو لك كذا جعل يده للكسر
فراس وهو يالله يالله يتكلم: ابد انا ربيته لك ضربه فيصل وقال: تخسي وتعقب يال......
فهد سحب فيصل وقال: امسحها بوجهنا
فيصل: لا مالكم دخل انتو بس امسكو امكم و الواطي ذا
عبدالله: هي هي وين قاعدين وش الي امكم هاه؟؟؟شفت
فيصل: الي اقصده فجاءه جات تسبني وما امداني اتكلم الا وذا ضاربني الحيوان
عبدالله عرف ان امه واخوه مسوين شي وقال: امسحها بوجهنا ي ولد العم
فيصل: ابد ابد مالكم دخل انتو
عناد  يهمس ل عباد:اعوذ بالله وش صار تو
عباد: علمي علمك بعدين فيصل قاعد يتكلم عن ام عبدالله واخو عبدالله وفهد وعبدالله ساكتين!
عناد: يولد سامع شي عنهم  وماني متأكد بس قال لي علي
عباد: وش سامع علمني
عناد: الي سامعه ان ام فهد واخو فهد يدورون مشاكل بس ويكرهوننا
عباد: احنا! وش ذنبنا تو اول يوم لنا ليه يكرهونا!؟
عناد: ياتيس مو احنا احنا قصدي من جدي ل اصغر شخص بالعايله مايطيقونا فراس يحب اهل امه طالع على امه
عباد: طيب وش سالفه الكره!
عناد: عند هاذي الله اعلم
عند البنات: يمه بنات شفتو وش صاير برا!؟
ارجوان: اخوي الكلب اكيد متضارب
نجود: اخوك اسمه فراس صح؟
ارجوان: اي ليه؟
نجود: سمعت ان اخوك وامك ماسكين فيصل وتضاربو فراس وفيصل
ارجوان : والله اني عارفه
انتهى اليوم واعلن الجد وقت النوم والكل نام وصار البيت هدوء ما عاد فيصل الي صاحي
كان يناظر الجدار وطلع الدفتر الي يكتب فيه كلشي وكتب:
(ابتغزل في هذيك البنيه
بنت تفل القلب فل الذوايب
كم بعثرتني وجمعتني هنيه
مرباعها بين العيون الشقيه
ومقيضها بين الجروح العطايب
ياضعفها معهم وعندي قويه
منها غدى ثلثين قلبي خرايب

ماقول يذبح زينها بس هيه
تلفت لها قلبٍ عن الحُب تايب
ولا قول مغروره ولا هي خليه
فيها دلع طفل تبناه شايب)
ناظر للجدار وبدا يغني
ل بدر بن عبدالمحسن
(يطيح جفن الليل واهز كتفه
نجم يفز وباقي الليل مطفي
واحاكي للجدران عن مثل الغرفه
ماتشبه الجدران ويطول وصفي
تنهد وكمل
ليت الشوارع تجمع اثنين صدفه
لا صار شباك المواعيد مجفي
الحُب واجد مير الأقدار صلفه
والأرض واجد لكن العزم منفي
والي اعرفه راح مانيب اعرفه
ولا اظن يذكرني اليا أقبلت مقفي
ماهو حبيبي مورد القلب حتفه
ولا هو حبيبي يفرح وقت ضعفي
من ثمر الليل وامر قطفه
بالحنظل الي صرت اذوقه بكفي
هذا واو الليل ما راح نصفه
ياليل بعض الي مضى منك يكفي
وغمض عينه وانسدح وتنهد ونام ب ضيق
(للمعلومه ترا هو والعنود كانو في الطفوله يحبون بعض بس افترقو)
اليوم الثاني....

انتهى❤️.
طبعاً كملته ل وحده خصيصاً ولكم بعد
صح انا الي قلت مالي خلق اكتب بس لعيونكم 😉❤️
لاتنسون⭐️ والكومنتات الحلوه مثلكم