دُخان الجمر

مُقتطف

مِن هيِ ؟
أمرأة قَاسيَة وَكـأنها خُلقَت مِن الجَمر
تأثِيرها اقوى من الخِمرِ
ان رمِيت عليها حَجر ، وكسَرت غِصنها
قطعت لك شِجرتَك
وجهه يَستحق أن يكون بوصلةً لكلّ ضائع
- اِمرأةٌ: لا تَتّكرّر إِلا فِي خِيالُك .

المشهد الاول |

- فتحت عيوني ضلمة شنو وين اني
اريد ارفع ايدي اضغط على عيوني بلكي اشوف
اسحب بأيدي ماكدر راسي يفتر ما مركزة عيوني يوجعني اكو شي يتحرك بعيوني لو بل واقع احس جسمي ما موجود رجلية يوجعني بس ما احس بيهن من احرك
سمعت صوت باب ينفتح
صوت مزعج حديد يحتك بل الارض
ماكدر ارفع ايدي اغلق اذاني
وكف الصوت
اكو شخص بس منو ؟
- ياهو انت ولك؟
ماكو رد
صفنت افكر دخل لو لا
اكو ضوة صار خفيف من الباب
لمحت شخص واكف
- الووو عايزني مخابيل انييي دتعال افتح ايدية خل اشوفك الامهات شتجيب
- برابيك نفسج ؟
الصوت مألوف منو هذا
- اشرف منك ومن عائلتك كلها فاشل افتح ايدي تعال صير زلمة
- هههههههههه
- خرب وصلتني ريحة حلكك ادري ميت بي جلب ايا جلب
- ماريد اشوهه وجهج جان عرفت اتصرف وياج
- خابببب دفتح ايدية وخل نشوف ياهو يشوهه الثاني
ملتهي يسوي شي بس ما دا اعرف شنو
اريد احجي
وصار شي ع حلكي اختنكت بس ماكدر اسوي شي
حسيت عيوني غمضن غمضت استسلمت للنوم

المشهد الثاني |

طلعت من المحل اشتريت كم شغلة محتاجتها
كملت طريقي امشي بسرعة الجو حار
سمعت هورن غلست ما عبالي الي
لمن وكفت سيارة بصفي التفتت
نزل الجامة
باوعلي
- اهوووووووووووو اطلعلي بعد بلحلم اطلع لو مستحي ؟
- فكري بية بعد اكثر واطلعلج بلحلم لا تخافين
- خاب دروح جمالة للحر
- تعاي
- اي مو تدلل تريد اصعد بل صدر لو ورة
- اصعدي لا تلحين ؟
- خاب دروح
سرعت مشيتي لا وهوه يمشي وياي بسيارة ع البطيئ
- عدي شغل وياج مو لسواد عيونج جاي
- ما اشتغل
وكف السيارة عرفتة رح ينزل طكيتها ركضة مالي خلكة
دا اركض ما احس غير العلاكة طارت من ايدي
واني اندفعت على الرصيف على خشمي
رفعت راسي وياريت ما رافعتة

المشهد الثالث|
الدم تارس المكان الوصخ مالي المكان
الريحة تلعب النفس اجيت اتقيئ
احجي ويه روحي
- يلا تحملي بس هل كم ساعة بس
اباوع للمكان وين اكعد ؟
رحت للركن اباوع الدم يابس
- هذا مخبل؟؟؟
كعدت ولميت رجلية
تعبت تعبت من كلشي اريد اكعد ببيت اني وعائلتي الي ما لحكت اشبع منهم اكعد الصبح اشوف بابا كاعد يقرا قرآن وماما تسوي بل ريوك اطلع لجامعتي اكمل محاضراتي وارجع الكة ماما وبابا واحمد يلعب طوبة بل حوش و وجِد الي لهسة نايمة
طلعت من عالمي
من سمعت صوت اقدام
رفعت راسي
لكيتة يباوعلي
- تعبت اني
-بعد وكت بعد هواي وراج تعب
ــــــــــــــــــــــــــــــــــــــــــ

تدعموني بكلماتكم الحلوة
سامحوني على الاخطاء الإملائية
واذا شفتو اكو اخطاء عدلوها الي بل تعليقات واني ان شاء الله اعدل

بعدنا ما بلشنا بأول بارت
اول رواية
ما تشجعت اكتب
بس احد هواياتي الكتابة جانت صديقتي تحب اي شي اكتبة وكان التشجيع منها اكثر شي
هيه الي شافت البطلو وتعرفت عليها واني تواصلت وياها بفضلها واخذت احداث القصة ب دلائل انو هيه حقيقة وكدرت احجي ويه البطل والبطلة
قلب
تعليق
( رأيكم حيل يهمني اطرحو الي بالتعليقات)
دُمتم بخير
في امان الله