ارقى البيوت في بغداد وارقى الاثاث في عاصمة العراق كانت تجلس "البطلة"
ماما هم يجي يوم وتعوفيني ؟
الام : للموت ماما للموت ما اعوفج
سالي : بس ماما اخاف اني تعوفيني
الام : وين اكو واحد يعوف روحه ؟
سالي : ماما احب عطرچ احب ريحتچ ما اكدر بيوم اعيش بدونج
الام : ساليتي يا عيني كافي سيرة الموت منو اليوم حاجيلج عنه ؟
سالي : محد بس هيج راودني شعور تعوفيني انتِ وبابا اموت اني اموت
الام : حبيبتي ساليتي وردتي الحلوة شلون اعوفج والله ما اعوفج نامي خلاص نامي لتفكرين هواي
وهكذا امي كدرت تلهيني بحنانه وعطفه وريحته الي شكد ما احجي واسولف الكم عنها ما اوفي حقها
كعدت الصبح واني ما شفت امي يمي هنا كلت اكيد رايحه تسوي ريوك النه رجت غسلت وجهي فرشت اسناني ونزلت جوه جان اشوف او بالاحرى اكحل نضري بشوفة "بابا"
سالي : بابااااااا
علي الاكبر : ساليتي روح ابوها
سالي : بابا مشتاقتلك مووت شوكت اجيت وشلون ما اجيت وكعدتني ؟
علي الاكبر : هسه دخلت للبيت سلمت على اميرة كلبي وردت اصعد ، وفعلاً جان مبين هستوه طاب بعده بملابس الدوام
سالي : خوب ماما ناسيتني متكول اصبح على بنتي
الام : شلوون شلووون ما اصبح على اجمل شي بحياتي وكرصتني من انفي
سالي : ههه هه هه بابا هنا بعد شتسوين بيه
الام : سالي ممنوع تحجين هيج عيب اني احبج واموت عليج ماكو داعي كل يوم اكلج ماشي ماما
سالي : هاي هيه ماشي
عفته ورحت شفت بابا ضايج منها على هذا الاسلوب وياي رجعت كلتله بابا صحيح كلام ماما تمون عليه تمون امي دمعت وحضنتي
الام : علي تحاسبني على ساليي ؟
علي الاكبر : اعرفج اسيله اعرفج ماكو داعي تحجين بحبج السالي واجه بابا وحضنه كلنه وهنا اني حسيت روحي بالجنه اي "بالجنه" لان حضن الاهل ماكو منه
علي الاكبر : اسيله عيني اختي جايه بالطريق
اسيل : اي عيني اي ادري خبرتني
سالي : ماما منو جاي منو منهم؟
اسيل : عمتج ام اوس
هيه كالت هيج لو اني كلشش كلش خفت
سالي : ماما منو جايبها
علي الاكبر : هه اوس اكو غيره ؟
احسني انلطمت على حلكي ، اوس كلش اخاف منه لان يعرف كلشي بحياتي كلشي كلشي وليش وشلون ما اعرف بس احس كلشي يعرف
رحت صعدت فوك اسوي نفسي نايمه غفيت شويه ولكيت طرقات خفيفه ؏ الباب
سالي : منو اتفضل
اسيل : ساليتي تعالي سلمي على عمتج
سالي : اوكِ
اسيل : ناويه عيني تطلعين بهل لبس هذا؟
سالي : ماما وشبيييي لبسي ؟
اسيل : ساليتي عيني انتِ بدلي هاج هذني وفتحت الكنتور الملابس كلها وطالعه بفستان قصير ومحلو
سالي : بس ماما اني اهم شيء عاجبني بنضر عيني
اسيل : هه اموت عليج هذا تلبسي هذا
سالي : اووووي ماما شكد احبج ورحت بوسته ليش وشلون ما ادري
نزلت ركض حته بس اسلم واخلص
سالي : احم احم
ريام "عمتي" : يمه هلا بالنيات هلا بسالي
رحت جيتت عليها وبوستها وضلت تلعب بشعري
ريام : ساليه عيني انتِ ليش جوه عيونج سواد تسهرين ؟
سالي: عمه هوه منو يكدر ينام
ريام : ليش يا عيني مو زين عليج بعدج صغيره تتأذين هيج
سالي : عمه مو بيدي يعني مرات ما اكدر انام الا بحضن ماما وماما مرات يستوجب تنام يم بابا ف ابقى وحدي وابقى افكر وما اكدر انام
ريام : حبيبي عمه لازم لازم تحاولين تنامين عيب انتِ كبرتي شنو الا بحضن امج
سالي : عمه مو بيدي والله
ريام : اوف منج سالي اووف
سالي : ههه عمه شبيج
ماسمعنه غير طرقات ؏ الباب ركضت ركضه بحيث ردت اوكع
ريام : اسم الله اسم الله ساليه شبيج
سالي : مابيه شيء
فتحت الباب واتعجبت بـ "اوس" فات مني حته سلام ما سلم وحاجه امه حته يرحون
ريام : يا هستونه اجينه
اوس : ماما عيوني انتِ امشي
ريام : اوس ماما شبيك ؟
اوس : اريد اروح
ريام : قبل شويه الا تروح لبيت خالك كلبت الدنيا كلاب
اوس : قبل شويه مو هسه
ريام : اسيل عيني علي الاكبر رايحه اني
هيه هستوهه دتحجي دخل بابا
علي الاكبر : اوس مو هيج مو هيج
اوس : خالي كافي تعبان اني تعبان محد يحس بيه
علي الاكبر : وشنو محد يحس بيك تاكل خــ وتنجب
اوس : خالييي يعني تريدني اعوفها تروح للغريب واني ابقه اتصفن مثل الزمايللللل؟ شدد على اخر كلمه اني من يمي فزيت
علي الاكبر : اوس كافي كلت ممنوع تدخل بعرسها ابوها انطاها انتَ شكو ؟
اوس : هه خالي هاي عود انت خالي وصديقي وتدري شكد احبها وتحاجيني هيج شبقيت الابوها بعد
ريام : شكووووو شكوووو فهموني شتريد اوس فهمني روح امك فهمني
اوس : يوم تعبان امشي كتلج بالبيت افهمج
الاكبر : اختي اليوم تبقه يمي
اوس : وبكيفك؟
الاكبر : اي لعد بكيف منو بكيفك انتَ؟
اوس : خالي صبري قليل انه
الاكبر : وطبك مرض "حور" متصير الك لو شتصير معادي ابوها وعادي اهلها كلهم وتريدها تصير الك اصحى اصحى من حلمك حور باجر زفتها
هو كال هيج واني عيوني نطت من مكانها امي وكعت ضينيه الضيافه من عندها عمتي لطمت على وجها
شوفوا بنات اني صاحبة القصة واني الي حبيت اكتبها بيدي لأن حبيت اسوي شيء مختلف بالواتباد السرد مالتي نوعاً ما سمبل لان اني مو كاتبه وانما حبيت القي او اكتب القصة بيدي♥️.
