انت بتجول اى يا جدى اتجوز عيله حدها ١٦سنه وانا عندى ٣٥ده انا لو كنت اتجوزت من زمان كنت خلفت جدها بقولك اى يا جدى خرج الموضوع ده من راسك واصل انا مش هجدر اعمل كده انا اه جولت انى عندى استعداد اتجوز بس مش كده
وانا اللى جولته هيحصل يا شاهين انا مش عيل صغير جدامك عشان تطلعنى مليش كلمه جدام العمده
شاهين بغضب:عمده اى بس يا جدى و بتاع اى انا شاهين ضرغام اللى منعت جوزا القاصرات فى البلد انا اعمل كدا طب ازاى بس يا خلج
ضرغام بغضب:الكلام اللى انا جولته هيحصل يا شاهين حته لو غصب عنك انا اديت كلمه للناس خلاص انت معاك يومين عشان الخطوبه و كتب الكتاب يوم الجمعه و الفرح الجمعه اللى بعدها
قال كدا وقام من مكانه وراح اوضه و ساب شاهين يبص لجده بغضب و حزن مش عارف ليه جده عمل معاه كدا وليه حطه فى المواقف ده
ام فى بيت العمده كان قعد الحج محسن مع مراته الحاجه زينب
محسن: اى يا حجه مالك
زينب بهدوء:يا حج انا مش موافقه على جوازه زينه كيف يا حج تتجوز واحد قد عمرها مرتين وكمان البت لسه صغيره يعنى متعرفش يعنى اى جواز ولا يعنى اى ست دى لسه عيله بضفاير
محسن بهدوء:فى اى يا حجه زينب اى لازمه الكلام ده وبعدين انا عاوز اسالك سؤال انا متجوزك وانتى عندك كم سنه مش كنتى اصغر من بنتك وانا اكبر منك بجد اى
زينب بخوف:بس يا حج الزمن اتغير والناس مبقتش زاى زمان وانا مش عاوزه بنتى تتعب فى حياتها وبعدين البنت شاطره فى المدرسه وانا عاوزها تكمل عالمها
محسن بغضب :فى اي يا زينب مالك انتى عاوزه تقفي ادام على فكره دى بتى زاى ماهى بنتك وانا عارف مصلحتها اكتر منك ومن اى حد عشان كدا انا عاوز الموضوع ده يتقفل و مش عاوز اسمع اى كلمه تانى واصل فاهمه يا حجه
حركت زينب راسها بحزن وخوف على بنتها وهى مش عارفه اى اللى مستنى بنتها
محسن بهدوء:حضري نفسك يا ام العروسه و حضري بنتك عشان كتب كتابها يوم الجمعه الجايه
قال كدا وخرج من المنزل
بصت زينب لجوزها بحزن و راحت اوضه بنتها
دخلت زينب الاوضه وبصت لابنتها بحزن لقت بنتها واقفه ادام المرايا بفرحه وهى ترتدي فستان ابيض عليه بعض الورود
زينب بهدوء:واقفه ادام المرايا كدا ليه يا زينه البنات
زينه بفرحه:انا فرحانه جوي جوي يا امى بجا انا هبجا عروسه ولبس كيف جوهره بت عمى فستان ابيض والناس كلها ترجص فى فرحي
زينب بحزن :تعالى يا زينه اجعدى جنبي يا بتى عاوزه اسالك على حاجه
زينه بفرحه :خير يا امى فى اى
