مشهد..1
ــــــــــــــ
الدنيا ضلام واني امشي بنص الشوارع ومادري وين راح تاخذني الدنيا بنص هاي الوحوش واني ادري مراح يعوفوني بحالي. ـــــــــــــــــــــــــــــــــــــــــــــــــــــــــــــ
مشهد2...
ـــــــــــــــ
جنت امشي ومدنكه راسي بالكاع وامشي وماحس اله تصادمت بشخص ضخم وطويل واسمر وملثم وعيونه حاده وبعدها مادري بشي ورحت لعالم الضلام....
ـــــــــــــــــــــــــــــــــــــــــــــــــــــــــــــــــ
.
.
.
.
.
.
.
.
بسنه2021 في احدى الايام في شهر ال1 الساعه ب12:30ظهرا....
ديما: لمار شكد اخذتي بالامتحان اني اخذت 60 وانشالله اعوضه عل الامتحان الجاي
لمار: اني اخذت85 وماعرف شلون راح اكول لاهلي وخاصه اذا بابا عرف يموتني لان ميقبل اله درجه كامله
ديما: حبيبتي لضوجين نشالله تعوضيه عالامتحان الجاي يلا راح اروح اجه الخط محتاجه شي
لمار: لا عمري ممحتاجه شي نشالله اعوضه الامتحان الجاي
ديما: تمام حبيبتي يلا باي
لمار: بايات
ــــــــــــــــــــــ
ابو لمار:
شخص ضالم وضالم بنته وعائلته وشخص سكي*ر والعالم كلها تكره ودائما يجي سگرا*ن للبيت وصاحب نسوان ولا صلاة ولا عباده.
ـــــــــــــــــــــ
ام لمار:
مرأه حبابه وتخاف الله وتحب اولادها وملتزمه بصلاتها وتعلم اولادها عالصلاه والاشياء الصح (وعدها لمار وياسر اصغر من لمار عمره3سنوات)
ــــــــــــــــــــــــــــــ
الساعه 1ظهرا
ام لمار:يلا لمار تعالي تغدي حبيبتي
لمار: اي ماما جايه بس اغسل.
رحت غسلت وتوجهت للمطبخ ورحت وشفت بابا وماما كاعدين على ميز الطعام وياسر بحضن ماما ورحت كعدت عالكرسي وبلشت اكل
بنص وجبه الغداء:
ابو لمار: شكد اخذتي بالامتحان
لمار بنفاذ صبر: 85
ابو لمار بعصبيه وصياح: شلون تاخذين هيج درجه وين جان بالج هسه شيكولون احمد بنته كسلانه ودرجاتها مو عاليه
لمار: اي وشبيها ال85 ترا زين
ابو لمار بعصبيه: لا وتراددين هم من احجي وياج صوتج ميطلع مو صوجج صوج امج ماعرفت تربيج
لمار بنفاذ صبر وعصبيه: كمت وحطيت ايدي عالميز وعطت لا اني خوش متربيه بس انتَ ميعجبك العجب ودائما معصب وتضرب بينه ومتخاف الله
ابو لمار عيونه دم من العصبيه: اني اعلمج هاي تربيت امج الگح* وكام وجر لمار من شعرها ونزع الحزام وبلش يضرب بيها بكل مكان
لمار: بلش يضرب بيه بوحشيه ولا عبالك اني بنته وخليت ايدي على وجهي حتى ميتشوهه
ام لمار كمت ولزمت احمد: احمد كافي عليك الله اوعدك بعد متعلي صوتها عوفها لخاطري
ابو لمار بعصبيه وصياح: وخررييي ودفعها هذا كله صوجج ماعرفتي تربين وعافهم وطلع من البيت
ام لمار: رحت على لمار ركض وحضنتها يمه اكو شي يوجعج انتي مو تعرفين ابوج ميتحمل ليش تراددين بي عوفي يحجي ويسكت
لمار: ماما ماتحملت كام يغلط عليج ويرزل بيه اكررهه ياريت ماعندي اب
ام لمار: لايمه لتحجين هيج شما يصير يضل ابوج لتحجين هيج بعد ازعل منج
لمار: تمام ماما صار
ام لمار: بسته من راسها وخدها يلا كملي اكلج وروحي اقري وكملي واجباتج
لمار: تمام كمت كملت اكل وساعدت ماما وصعدت لغرفتي بلشت اقره واني دا اقره انفتح الباب وطب ياسر عليه واجه ركض كمت علي وحضنته وصعده يمي عالجربايه وبسته
ياسر: لماللل(لمار)
لمار: يروح لمار وكلبها انته يروحي
ياسر: جبتيلي شي وياج
لمار: اي طبعا شلون ماجيبلك يكلبي كمت فتحت الجنطه وطلعت الحلويات الي جبتها اله ونطيتها اله وبسته هاك يروحي
ياسر بفرح: احبججج اختي حبيبتي
لمار: واني اموت عليك كام وراح نزل جوه يم ماما واني كملت دروسي وخلصتهم وكمت سبحت ولبست شورت يصير فوك الركبه بشوي وبدي ومشطت شعري ونزلت جوه لكيت ماما كاعده بالمطبخ رحت عليها حضنتها وبستها ورحت سويت الاندومي وكعدت انتظره يستوي
ام لمار: بنيتي لمار
لمار: نعم ماما
ام لمار: راح يجون بيت عمج محمود من البصره باچر
لمار: اهووو ياماما والله ماريد يجون هذا ابنهم مروان مو خوش ولد وبس يذب كلتم ويتحرش
ام لمار: يمه شلون لعد خما نطردتهم معليج بي انتي اكعدي ويا بنتهم ايه ومعليج بي
لمار: تمام ماما تدللين
كمت شفت الاندومي وطلع مستوي وكملته وصبيته بماعون واخذته وصعدت لغرفتي كعدت عالجربايه مالتي وطلعت ويا جبس ونساتل وشغل على ايبادي مسلسل كوري كلش حلوو واحبه وكمت اكل واتابع وخلصت وكمت نزلت الماعون وغسلته ورجعته بمكانه ورجعت لغرفتي كعدت وضليت اتابع مسلسل كوري
الساعه ال8 مساءاً
ام لمار: لمار بنتي تعاي تعشي
لمار: اي مامي جيت
نزلت جوه وكعدت على ميز الطعام
لمار: ماما بابا وين شنو ما اجه
ام لمار: شنو متعرفين ابوج قابل ميجي اله نص اليل
لمار: سكتت وكملت اكل وساعدت ماما وصعدت لغرفتي راجعت دروسي وكعدت عالمبايل شويه وب12نمت
الساعه 7صباحا
ام لمار: لمار يلا كعدي حبيبتي ماضل وكت للدوام كومي
لمار: اي ماما كمت
كمت للحمام غسلت ولبست ملابسي وخليت عطر ومشطت شعري ونزلت جوه اجه الخط ورحت للدوام وهناك لكيت صديقتي الاحبهاا واموت عليهاا
ديما: صباحالخير ميمي
لمار: صباح النور حبيبي كم مره كتلج لتكليلي ميمي اني مو جاهله
ديما: اعصابج يروحي بعد ماكلج خلص تدللين
لمار: بعد كلبي يلا دك الجرص امشي نروح راح تجي المدرسه(لمار عمرها15 بصف الثالث متوسط)
رحنه للصف وخلص الدوام مثل كل يوم وديما اجه عليها الخط وراحت
واني الخط مالتي تاخر شويه فه كعدت كدام باب المدرسه انتظر الخط وشفت سياره سوده عاليه مضلله وضليت اباوع عليها لحد ما شويه واجه الخط وصعدت ورجعت للبيت لكيت بيت عمي جايين
محمود(عمهه): شلونج بنيتي
لمار: تمام الحمدالله عمو انت شلونك
محمود: بخير الحمدالله وصرت بنص الخير بشوفتج
لمار: دومك عمو وسلمت على عمتي وسلمت على ايه كلش مشتاقتلهاااا (ايه عمرها19طالبه قانون مرحله اولى) ومروان يباوعلي بنضرات غريبه ابدا ماحبيتها
مروان: شلونج ميمو
لمار: تمام الحمدلله
مروان: دومج
لمار: بتسمت ابتسامه تسلكيه وصعدت لغرفتي
اول ماصعدت ولكيت الصدمه شفت..... يتبع
هلاووو فرولاتي شلونكم لتنسون التصويت والمتابعه
تابعوني انستاا👇🏻🌿
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الكاتبه: ࢪسل_الشمري
