ظلام يداس عالمي

بارت 25

هَّل ياتُرى لَو مُتُ أنسى مَا جرى
هَّل ياترى لَو كان عِندي غَيركم
قلبي اليكُم مَا سرى ..
هَّل ياترى يحتاج مني كُرهكُم قلباً
قويا ثائراً متمرداً متجمراً
هاا قد افاضَت أجفني .. والدمعُ مِنها قد جرى
أمست جروحي مُعطفا وأحتلَ لَوني نزفها
والحِزن في قيثارة يبكي جماداً عزفها ،
صارحتكم بمشاعِري وازداد فيكُم صدها
لَو كَان فيها كذباً ماكان منكم ردها .

○●○●○●○●○●○●○●○●○●○●○●○●○●○●○●○

طلعنا من مستشفى وعمر بحضني
فرحانه بي
مها تدلل على ابويه وهو طاير من فرح
وصلنا للبيت انطيتها عمر وخابرت اخواتي سويت
جماعي
سلمت عليهن ومبين مقهورين
كلت لهن

_ اعرف بشنو تتفكروا لو امي موجوده
ماجنت راح تتحمل بس الحمدلله امي بمكان
كلنا نتمناه لو تشوفون عمر يخبل يشبه جيلان

حجت مريم

_ عمر منو سمى عمر

_ اني سميته عمر اعرف امي جانت تحب اسم عمر

حجت نور

_ انتي شلون تسمي بكيفج وحتى اسم الي تحبه امي
تخلين على اسم ابن مرت ابوج

حجت جيلان

_ جيهان لو ماشفتج شلون تخبلتي على امي
جنت راح اكول هاي ماتهتم ولا تحب امي

حجت هيلين

_ هسه تزوج ابوج كلن ميخالف بس مال تسمين
اسم عمر هذا شي مو بكيفج احنا نقرر

كلت

_ نرمين شو ساكته ضلت بس انتي
وبعلمجن مثل ما كَلبجن محروك على امنا
كَلبي هم محروك عليها واذا على اسم عمر
هو باخير اخونا ان قبلتو او لا مايهمني
هذا تصرفاتجن امي لو تعرف مستحيل تقبلها

سديت خط فتحت كنتور وطلعت جنطه
وكعدت فتحتها وشفت اغراض امي
عطرها وفرشه أسنانها وشالها اخر مره لبستها
وجنطتها الي تخلي بي فلوس وطوقه مال شعرها
اخذت شال وشتميت ريحتها
مفكرين نسيتج واني احترك كل يوم من اكعد
وانتي ماموجوده تغيرت من بعدج
رن موبايلي مسحت دموعي ورجعت اغراض لكنتور
قبل لا اشيل موبايل انسد مكالمه
شفت منو متصل طلع ثائر
خابرته جاوب

_ شلونج جاي جيهان

_ اهوو انت ماتعوف هاي كلمه ترا اسمي جيهان
من وين جبت جاي

ضحك وكال

_ ولجج غير جاي جيهان اموت عليه