افتر بين ممرات المستشفى مشيت يم الممر لكدام بوابة المستشفى كعدت على كرسي ولممل مسيطر عليه وراسي يفتر رجيت راسي عل كرسي وصافنه عل باب ناس طب وناس تطلع اثناء صفنتي جفلت عله صوت ركض وصياح عالي يصيح ساعدووووني ساعدووووني رجف كلبي ونشلت رجليه من شفت عبد الرحمن ساند عل جتفه مهند إلي دمه من لطول للطول مشى شويه هوه وياه وبعد ماكدر يحمله ووكع بلكاع هوه وياه واني واكفه متبسمره احاول استوعب صدمة عقلي عبالي اتخيل وصوت من خلفي ممرضات يركضن بلسديهه شالووه حطوو عل سديهه واني عبالك انكفخت عل وجهي رحت اركض عليه اريد اجلب بعبد الرحمن اسأله عل صار طلع ركض رااااح وأحنه مشينه بي ودخلنا غرفة العمليات شفته يحرك براسه يمين ويسار ببطئ ويحرك بجف إيده واني انهاريت من شفته بهلمنضر دموعي تتسابق عل خدي هزيته من اكتافهه بقوووه..
_مهند، مهند منو سوه بيك هيج حاجيني مهند تسمعني
وهوه يوون بين الصاحي والفاقد سكتت من طب الكادر الطبي تقدم دكتور احمد عليه وشلحهه قميصه الابيض إلي صاير لونه احمر من لدم حضرو الاجهزه وبدلو كفوفهم يستعدون للعمليه واني اباوع عليَّ ودموعي حركت خدي بدلت اكفوفي وبديت احضر بأبرة البنج بأدين ترجف تقدمت حتى اضربه الابره نهاريت ابجي واشهك ولكادر صفن عل حالتي اخذت مني الابره صديقتي أيه وهيه تكول لدكتور احمد..
_دكتور عادي اني اضربه سما تعبانهدكتور احمد:عادي بنتي اي وحده منجن بس فضنهه
ضربته ايه الابره وطلعتني خارج الغرفه وكالت..
_سما شبيج هذا منو الجوه تعرفينه
واني ابجي وهز براسي أي كالت.._اطلعي لتضلين هناا لتتخربطين
حجتها وسحبتني من إيدي ودتني لصالة المستشفى كعدتني عل كرسي وجابتلي ماي..
_يلا حبي راح اروح خابري احد من اهلج يجي ياخذجراحت واني اشرب لمي وأديه ترجف وغسلت وجهي شويه واجت خاله نهى وردة وطارق خاله منهاره هيَّ وردة وطارق وجهه اصفر كمتلهم ورحت حضنت خاله..
_مابي شي خاله عل كيفج ليصير بيج شيورده: سما وينه الله عليج حالته خطره لو لا
ودموعه يتسابقن عل خده وجهه احمر وترجف حضنته
واني اهدء بيهه.._مابي شي ولج هسه يطلعوا ليصير بيج شي اكعدي
طارق:الطلقه وين مكانهه عبد الرحمن يكول بجتفه
_اي بجتفه مو خطره ان شاء الله
رحنه كدام غرفة العمليات ننتضرة طلعوه خاله شافته تريد تلزمه وطارق جلب بيه وحاضنه رحت وراهم اسحب بلسديه وياهم فوتناه للعنايه المشدده بدلتله المغذي طلعت من الغرفه خاله تتوسل بلدكتور أطب تشوفهه وهوه يكله
_امي انتي والله حالته مستقره خلي يصحى من البنج وطبي شوفيخاله: الحمدلله ياربي احمدك واشكرك
سحبه طارق كعده عل كرسي وردة كعدت وياهه تبجي وتضحك طلعت بره المستشفى رحت عل محل جبتلهم عصير وكيك وماي ورجعتلهم وانطيتهم
أنت تقرأ
تاجر على قلبي
Romanceحركة صغيرة غير مقصودة تقدر توضع لكَ مدى أهميتك عند الشخص وبنفس اللحضة مدى انعدامية وجودك.. موقف واحد يقدر يشوه أشياء جميلة ويقدر يحسن أشياء كثيرة بنضرك. A small, unintended movement can show you how important you are to a person, and at the same...