تاجر على قلبي...
بقلمي: ميمو✍🏻
"رسل"
فزيت مرعوبه على صوت الجرس دك بلسبع مرات وره بعض نهبط گلبي رگضت فتحت باب الغرفه وطلعت للصالة نزل إسحاق من فوك يرگض بابه طلع قبله....
دخلت مره وياها بنية أول مره أشوفهم گعدو سلم عليها بابه ومامه وحتى إسحاق أني وتبارك وأگفات صافنات منعرفهم أندار علينه بابه..
_بابه: تعالن بنياتي سلمن على عمتجن نجد وملاك
تقدمنه سلمنه والبنية الوياهه إلي أسمها ملاك صدك أسم على مسمى طالعة على أبوها مبينه جانو يكولون عليَّ أشكر وحيل حلو شگار شعرها زراق عيونها سبحان الخالق، ضلت گاعدة عيونه بالگاع حتى ماسلمت طنشناها وگعدنه على صفحة أباوعلهن هيه هاي عمة نجد سامعين بأسمها جابتلها مامه ماي شربت گعد بابه بصفها سألها متردد عن سبب جيته بهل وقت....
رجعت الگلاص على الطاوله حطت أديها بالبجي وگامت تبجي گعدت مامه بصفها تهدي بيها صارت تبجي وتشاهك...
_الميخاف الله هذا الگواد صارله أسبوعين من تزوج عليهه
بابه نفعل وحتى إسحاق مامه تسكت بيهم حتى نفهم السالفه مسحت دموعها بالشيلة وگملت..
_وأخذ ذهبي الحقير أنطاه المرته الجديدة راح للدوام وملاك الله يصلحها أخذت الذهب وهذيج الچلبة كالتله وهذا خابرني متحلف بملاك يريد يبطلها من المدرسة...
رجعت تبجي إسحاق ما تحمل هل مهزله وتحلف يرفع عليَّ دعوهه بس ماقبلت تگول هذا يطلع منها
لأن عسگري وعنده مصالح وجربت من قبل، صارت تحجي وأحنه نسمعها دارت وجهه على أبوية تحاجي بعيون تتوسل مليانه دموع...
_والله خجلانه منك ومن عيالك ياخويه أطلب منك هل طلب
بابه: أفاا عيوني ألج خيتي أمريني..!
_أريد ملاك تضل يمكم بس تكمل السادس تاخذ شهادتها والله المصرف عليَّ خطها مالت المدرسة عليَّ بس أريده هنا تضل حتى تطمن روحي...
بابه: صدك جذب بنيتي صارت خيتي بمعزت تبارك ورسل وأكثر وسالفة المصرف تعوفيها ترى والله أزعل عليج تضل يمنه معززه مگرمه تخلص السادس وتاخذ شهادة الدكتوراء وأريدج تمطمنين
_فدوه أروح لترااب رجلك ياخوويه
تقربت تريد تبوس إيده سحبه وباس راسه ماگدرت أمسك دموعي على هل منضر بجيت على بجيت مامه تريد تروح لأن رجلها الگواد باجر يجي من الدوام وماقبل بابه باتت عدنه تبارك اخذت ملاك للغرفه ترتاح إسحاق صعد فوك تقربت گعدت بصف عمة حاجيتها التفت عليَّ وعيونه مبين لونهن من الدموع...
رسل: عمة انتِ ليش ماجيتي من زمان ليش تحملتي گل هل ضلم!!
عمة: كلشي تحملته بس علمود ملاك حتى تاخذ شهادتها وتشتغل هيه وعدتني وكالت مامه اطلعج ونعيش بس اني وياج ونفتك من عنده
أنت تقرأ
تاجر على قلبي
Roman d'amourحركة صغيرة غير مقصودة تقدر توضع لكَ مدى أهميتك عند الشخص وبنفس اللحضة مدى انعدامية وجودك.. موقف واحد يقدر يشوه أشياء جميلة ويقدر يحسن أشياء كثيرة بنضرك. A small, unintended movement can show you how important you are to a person, and at the same...
