روح الـعلي

part3

الراحة الغامرتني وياك
يا فَرحة الـ تعادلها
فرحة والدة بعرس الوحيد الها

_رُسل فَهد

روح

ثاني يوم سبت ملل مر يوم عادي لـ اليل اجتمعن البنات كالعاده بغرفتي حتى اختي ميان فـ كاعدين دنگرز حب كالت بت عمتي نرمين ليش منشغل اغاني نرگص دام ملل وضوجه كتلهن اني مالي خلك كالت ميان معليجن بيها خل اجيب الـ دي جي،

اجت جابته وربطته شغلت اغنيه شعر شعر سدينه الباب واني كاعده ع سرير اباوع الهن سحبتني نرمين وعسل كلت خليني اكوم سحبت ربطه شعري ونفل ع طوله رفعت الدشداشه من الطوارف وكمت اتمشي واهز بخصري وارفع ايدي ويَ حركه خصري من وصل لـ بس انت وحدك بالحفل هز يالگمر خليت ايدي ع صدر الدشداشه وكمت اميل بشعري يمين ويسار تعبت نزلت اشرب مي سمعت صوت ابن ابن عمي اسمه حُر رحت ركض علي شلته ابوس بي

وجان الفون بأيدي دزيت بدله رقص لـ رُسل صديقتي كالت هو بقى بس هذا ماشتريتي اشتري ضحكت واني اطگ بعلچي وحُر كل مانزل راسي اكتب الها يرفعه بأيديَ الثغار يبوسني بشفتي تالي شمرت الفون ع فراش ولزمته ابوس بي للـ11 كلهم راحوا باجر دوامي ضهري كلت اكوي ملابسي واحضرهن حتى باجر ماتأخر تمددت علا السرير وفتحت التلفون اتصفح واشوف دخلت على كروب المدرسه لكيتهن يحجن
ع مواد فنيه شنو هاي شو مادري وفوگاها مشرف جاي؟؟. يعني غصب نحضرهن رحت راسلت رُسل كالت يردون نشأ وفازلين وغراء مال خشب يااا منين اجيبهن هسه طفرت ع غُرفه محمد دگيت الباب دخلت من سمحلي ادخل كتله كوم جيبلي غراء خشب باجر المدرسه تريدهن خطيه تأفأف وكام ميكدر يرفض يدري بابا يرزله راح رجع يكول افتريت كل المحلات يلا لگيت بسته بخده وطلعت

ثاني يوم دوامي ضهري ب، 12 كعدت ب، 10 دخلت اخذ شور ونزلت جوة اتريك سألت ع ماما كالوا طالعه لـ خالتي وبابا بالغرفه غسلت اماعيني رحت عزلت ع جدول بدلت ملابسي وشعري عفته فل بس لميته حتى ميضايقني بالتجربه وصلني ابن عمي للمدرسه اني وعسل وصلنه دخلت للمدرسه عسل شافت رُسل جان تكول اهووو هم اجتتتج ضربتها ع كتفها كتلها شتردين منها هاا اجت رسل حضنتني وتحمدت الي بالسلامه وهيَ اصلا جانت تجيني مرات للبيت
دخلت للصف هم سألن ليش غايبه اكو بيهن يدرن اكو لا كتلهن مريضه وطلعت من الصف اخر درس اجت ام الفنيه حضرنه الاعمال داخلي نشأ بالعلبه ووكع ع صدريتي يبووو نوب هاي الصدريه قماشها ميطلع بسهوله عفتهه كلت عود انضفها قبل لا اطلع سويت دبدوب احلا واحد بيهن صورتهن وطلعت
واحنه هم طلعنه المدرسه فارغه جانت عسل تنتصر بيه طلعنه من المدرسه واني سايله بُطل المي دانضف الصدريه اشيل بأيدي وارش ع صدريه رفعت راسي

من بعيد واگف ضابط وشابگ ايدي من گدام ومرجع ضهره ع سياره جيشيه ردت اوگع حذائي نفل نطيت الجنطه لعسل ونزلت اربط بي رفعت راسي شفته واگف يباوع النه من شافني رفعت راسي صعد بالسياره بقينه نمشي همزين المدرسه مو بعيده عن البيت وصلنه يمه مطلع ايده وبيها جگاره من الجامه حتى منتبهت لشكله نزلت راسي وصلنه البيت بالباب الخارجي واسمع صوت بجي رحت اركض دخلت للبيت واشوف ماما وميان يبجن صحت