انتقمت من ابوها عن طريقها فأحببتها

13

دخلت نور غرفة متعب وكان متعب للان تحت المراقبه قربت منه نور ومسكته يده وبدت تبكي ناظرت نور متعب وكيف كانت حالته وبدت تتكلم معه برغم ماتعرف اذا هو يسمعها او لا نور: خفت عليك مره يوم شفتك بذيك الحاله بغيت الارض تنشق وتبلعني ولا اشوفك كذا كان الكل فاقد الامل انك تعيش لكن كنت متمسكه اعرفك انت قوي خفت اخسرك مره ثانيه خفت معد اشوفك قدامي خفت وانا باقي ماعشت حياتي معك متعب انا خسرت كلشي بحياتي كنت خايفه حتى اني اخسرك يوم ابتعد عنك كنت متردده وخايفه خفت من كلام الناس انو انا ماخذه قاتل ابوي تمنيت ارجع الزمن وقتها ولا اتركك وتروح تتزوج غيري كان متعب يسمع كلام نور وكان وده يتكلم لكن مقدر طلعت نور من الغرفه ونزلت دمعت متعب يوم سمع كلام نور

عند ام متعب
كانت ام متعب تدعي لولدها يقوم بسلامه وكانت مرام تساعد ام متعب بكلشي فعلا ماقصرت كبرت بعين ام متعب كثير وكيف وقفت معها وكانت تعطيها ادويتها وقتها بوقتها وكانت ماسكه كلشي

بعد اسبوع
سمعو انو متعب صحى وتوجهو الكل للمستشفى وكانت فرحة ام متعب ماتنوصف
وصلو للمستشفى وكانت ام متعب تركض تبي تشوف ولدها باسرع وقت دخلت ام متعب الغرفه وشاف نور قاعده تفحصه
ام متعب: ولدي
حضنت ام متعب ولدها
نطقت نور: يمه شوي شوي عليه تو باقي جرحه ما طاب
ناظرتها ام متعب وبدت تمسح دموعها
ام متعب: كذا تخوفني عليك
متعب: شدعوه يمه هذاني عايش بصحه وعافيه
دخلت مرام على متعب وكانت تطالع متعب بدموعها ناظرها متعب ونطق : تعالي تعالي وشوله الدموع الحين حضن متعب مرام قدام نور وتقلب وجه نور وقتها وتمنيت انها مكانها الحين
متعب: يمه وين اديم
أديم: هذاني جيت
متعب: جنيه أول ماتنطق اسمها تجي
ضحكت اديم: ياكلب لاعاد تخوفنا عليك كذا
متعب: ان شاءالله
ام متعب: نور بنتي متى يطلع
نور: توه بدري على خروجه يبله اسبوعين على الاقل
ام متعب: زين اجلس انتي بنتبله
نور: لالا خلي مرام ماهي زوجته انا بكون مشغوله بعملياتي او بخلي جمانه تمسك حالته
ام متعب: اللي يريحك
طلعو الكل من عند متعب بقى حارسه الشخصي ويده اليمين

ملاحظه شخصيه جديده
سهم ال زيد حارس الشخصي لـ متعب و خويه المقرب ويده اليمين

دخل سهم بعد ماطلعو اهل متعب
سهم: ياولد مين طلق عليك نار
ناظره متعب : طيب قل الحمدلله على السلامه طيب؟
سهم: موو وقتك مره انا لي فتره ادوره مالقيته
متعب: من أقارب مرام
شهق سهم: وشووو
متعب: حرمه انت تشهق كذا؟
سهم: اي من صدمه طبيعي
متعب: اسمع ابيك تشدد الحارسه بالقصر و الشركه ومعي اكيد
سهم: وانا وش موقعي بالإعراب مو حارسك ؟
متعب: لو ماخذت اجازه كان الحين ما جاني كذا
سهم: انت غبي استخباري و رئيس تنفيذي ماتعرف تتدافع عن نفسك
متعب: تعرف مابي اطلع شخصية استخباري
سهم: خف علينا يرجال
عصب متعب من سخافة سهم: تراك صاير ثقيل دم خذ موضوع بشكل جدي
سهم بسخافه: جدي ولا عمي
مسك متعب القاروره وصكها بوجهه سهم ونطق: فارق عن وجهي قبل ما اذبحك الحين
سهم: لاحول يا شخصوني انت
طلع سهم من الغرفه حقت متعب وشاف قدامه اديم
سهم بغزل : اموت على الاسود انا
لفت عليه اديم: سهم صاحي انت ترانا بالمستشفى
سهم : انتي واخوك ليه نفسياتكم ماش
ناظرته اديم بعصبيه؛ توكل توكل
سهم: ماش بدور اي اخوياء جدد
ضحكت اديم: مو صاحي

ركب سهم السياره عشان ينفذ كلام متعب وصلو الحراس
ام متعب: عسى ماشر ليه الحراس الكثار
سهم وهو منزل راسه: خالتي ذا كلام متعب
ام متعب: ذا الولد بجيب اخرتي
سهم: بسم الله عليس خالتي
ام متعب: خلاص روح له قوله تقول امك كل العصيده
سهم: ان شالله

المستشفى
وصل سهم والحراس اللي وراها ولفتو الانتباه عليهم خصوصا سهم
شافته جمانه ونطقت: عشتو كل ذا عشان جته طلقه ؟
لف عليه سهم بنظره حاده: لو سمحتي كنتي تكلميني
جمانه بابتسامه : ها لا كنت افكر بصوت عالي
سهم: زين احسب بعد
نور: مين ذا اول مره اشوفه
جمانه: مادري لكن هيبه و وسيم
ضي: هدي علينا بس
نور: شكله حارسه الشخصي
جمانه: يبوي اللي هو عجبني

عند متعب وسهم
سهم: نفذت كل كلاممك
متعب: كويس اسمع ابيك تاخذ مرام السوق وتخليها تشتري كلشي بخاطرها
رفع سهم حاجبه باستغراب: سوال انا وش عندك حارسك ولا سواقك ولا صديقك شعرفني بالامور ذي انا شايفني حرمه شعرها طويل
ضحك متعب: شمعنى حرمه شعرها طويل ودك فيها انت
ناظره سهم : بتيجب لي المرض انت
متعب: سوي اللي عليك ولا يكثر
هز راسه سهم: حاضر مدير في شي ثاني بعد
متعب: اي بالله
عصب سهم: وشهوو بعد لاحول ياكثر طلباتك
متعب: ققل انور وفارق عن وجهي بنام
سهم بهمس: حتى الامير ماسوا زي حركاته
متعب: قلت شي؟
سهم :سلامتك اخمد بس

طلع سهم وهو يكلم نفسه وحشرته جمانه بزاويه نزل راسه سهم من قصرها
سهم: عسى ماشر يادكتوره علامس
جمانه: عجبتني وابي رقممك
رفع حاجبه سهم باستغراب: يبوي وش صاير بالدنيا صارت بنت ترقم
جمانه: بسرعه
سهم:  معندك اخوان انتي ؟؟
ضحكت جمانه: امزح معك ابيك بموضوع انت وش تقرب لمتعب ؟
سهم: وراك تقول متعب حاف كذا وانت ماتعرفينه؟
جمانه: اعرفه معليك من ايام كان حارس شخصي لصديقتي
سهم: انتي صديقته نور؟
جمانه: ايوا
سهم: حلوو
راح سهم ولف على جمانه ونطق: تراني مرتبط وعندي حبيبه ويلا سلام

انتهى البآرت